नेहेम्‍याह 8:17 - Sunuwar Bible

¹⁷ मिनु मुर नेल्‍ल, सु सु ग्‍याइश्‍शा लेत्‍चा पुंइसीशो बाक्‍मा, मेको नेल्‍ल, गोठ सेल्‍शा, आगाम बाक्‍तेक्‍म। मिनु नून आ तौ यहोसु आ पाला रे मेको नाक्‍त सम्‍म इस्राएलीपुकीमी मोदेंशो मपशो बाक्‍तेक्‍म। मेको चाडमी मुर नेल्‍ल शुश ग्‍येरसाक्‍म।

नेहेम्‍याह 8:17 ပူးပေါင်းရင်းမြစ်များ

१ इतिहास 29:22

मेको नाक्‍त शुश ग्‍येरसीशा परमप्रभु यावे आ ङोंइती जशा, तूङमे बाक्‍त। मिनु नोले मेकोपुकीमी दाऊद आ तौ सोलोमन कली लेंशा पिप सेल्‍मे बाक्‍त। मिनु सोलोमन कली तेल लुक्‍शा पिप सेल्मे बाक्‍त। मिनु सादोक कली चढ़ेब सेल्‍मे बाक्‍त। १इतिहास २३:१

२ इतिहास 30:26

मोपा यरूसलेमम थम ठेयब ग्‍येरसीतीक दुम्‍माक्‍त। मेको मोदेंशो इस्राएल ङा पिप दाऊद आ तौ सोलोमन आ पाला रे गेनायो मदुम्‍शो बाक्‍माक्‍त।

२ इतिहास 35:18

परमप्रभु यावे आ लोव़ पाइब सामुएल आ पाला रे मेना सम्‍म मोदेंशो पा पास्‍सा चाड इस्राएलम गेनायो ममानेशो बाक्‍मा बाक्‍त। पिप योसीयाहम खोदेंशो पा तेकोइ पिपम मोदेंशो ठेयब पास्‍सा चाड ममानेशो बाक्‍मा बाक्‍त। चढ़ेबपुकी, लेवीपुकी नु यहूदा नु यरूसलेमम बाक्‍ब मुरपुकी नु मेकेर जाक्‍शो इस्राएल ङा मुरपुकीम मानेमे बाक्‍त। २इतिहास ३०:२६

२ इतिहास 8:13

मोसा आ अरेशो खोदेंशो पा नाइक्‍तीक नाक्‍ती, औंसी नाक्‍ती, बर्स ङा चाड सां बोरब ओख्‍ती मसुप्‍शो जिज शोब्‍ले जतीक चाड, ७ नाक्‍त ङा चाड नु गोठ सेल्‍शा बाक्‍तीक चाड मानेतीक नु नाक्‍त किंत किंत चढ़ेचा माल्‍शो चढ़ेतीक चढ़ेवा बाक्‍त। लेवी २३:-; गन्‍ती २८:२,४,११,१७,२६; गन्‍ती २९:१२

एज्रा 3:4

मिनु मेकोपुकीमी गोठ सेल्‍शा बाक्‍तीक चाड मानेम्‍तेक्‍म। मिनु दोपा पतीके ब्रेक्‍शो बाक्‍मे, मोपा नाक्‍त किंत किंत ङा पचा माल्‍शो चोशा चढ़ेतीके दोशो चढ़ेचा माल्‍‍मा, मोशो चढ़ेम्‍तेक्‍म। लेवी २३:३४-४३

यूहन्‍ना 1:14

मिनु लोव़ माइश्‍शो मुर दुम्‍शा, गोपुकी नु बाक्‍शो बाक्‍त। मेको शिशी पाइब नु परमप्रभु यावे आ लां कोंइब बाक्‍त। गोपुकीमी “परमप्रभु यावे आ कांइचीक तौ बाक्‍ब” दे तुइश्‍शा, मेको कली परमप्रभु यावे आ छेङछेङ, आ शिशी नु आ थमा पतीकेमी ब्रीशो ताइतक। १तिमोथी ३:१६; प्रस्‍थान ३३:१८; यसैया ६०:१; २पत्रुस १:१६-१७

ब्‍यवस्‍था 16:15

मिनु गेपुकीमी परमप्रभु यावे, इन परमप्रभु आ योव़शो बाक्‍तीकेमी ७ नाक्‍त सम्‍म मेको चाड मानेचा माल्‍नीनी। मारदे हना परमप्रभु यावे, इन परमप्रभुमी इन कली बाली नाली शुश गेब नु इन मारेइ मारेइ पशोमी इन कली आसीक गेब। मोपतीके गेपुकी शुश ग्‍येरसीचा माल्‍नीनी।

हिब्रू 11:13

अब्राहाम नु आ खिं ङा मुरपुकीमी परमप्रभु यावेमी गेशो लोव़ थमा सुइश्‍शा बेक्‍मा बाक्‍त। मेको लोव़ गाप्‍शो मतथु, ङोन रे तशा मजाक्‍दीत्‍थु, बेक्‍मा बाक्‍त। मेकोपुकीमी “इं रागी मजाक्‍दीत्‍थु, अर्को आन रागीम बाक्‍तय” देंशो बाक्‍मा बाक्‍त। उत्‍पत्ती २३:४; उत्‍पत्ती ४७:९; १इतिहास २९:१५

हिब्रू 11:9

मिनु थमा सुइश्‍शा कोंइशो रागीम जाक्‍दीश्‍शा, परमप्रभु यावे आ गेशो लोव़ ताइब आ तौ इसहाक, आ चच याकूब नु काथा बाक्‍शा, अर्को रागी ङा मुर खोदेंशो पा खिं मसेल्‍थु ताम्‍बु कीशा बाक्‍माक्‍त।

हिब्रू 4:8

यहोसुमी मेको आन कली नाइक्‍तीकेम चाक्‍दीन्‍ने चाप्‍शो हना, मेकोमी मो देंचा ममाल वा। ब्‍यवस्‍था ३१:७; यहोसु २२:४

यहोसु 1:1

परमप्रभु यावे आ गेय पाइब मोसा बेक्‍म नोले परमप्रभु यावेमी मोसा आ गेय पाइब नून आ तौ, यहोसु कली लोव़ पाप्‍तु।