नेहेम्‍याह 8:14 - Sunuwar Bible

¹⁴ मिनु परमप्रभु यावेमी मोसा कली “इस्राएलीपुकीमी ७ महिना ङा ७ नाक्‍त कली गोठ सेल्‍शा बाक्‍तीक चाड मानेचा माल्‍नीम” दे शेंशा, परमप्रभु यावे आ अरेशो लोव़म ब्रेक्‍शो थित्‍तेक्‍म। लेवी २३:३४-३६; लेवी २३:४०

नेहेम्‍याह 8:14 ပူးပေါင်းရင်းမြစ်များ

उत्पत्ती 33:17

याकूब चहिं सुक्‍कोथ गे लमाक्‍त। मेकेर खिं का सेल्‍शा, आ बी ब्‍यफ आन कली गोठपुकी सेला बाक्‍त। मोपतीके आ बाक्‍तीके आं नें सुक्‍कोथ वोदा बाक्‍त।

एज्रा 3:4

मिनु मेकोपुकीमी गोठ सेल्‍शा बाक्‍तीक चाड मानेम्‍तेक्‍म। मिनु दोपा पतीके ब्रेक्‍शो बाक्‍मे, मोपा नाक्‍त किंत किंत ङा पचा माल्‍शो चोशा चढ़ेतीके दोशो चढ़ेचा माल्‍‍मा, मोशो चढ़ेम्‍तेक्‍म। लेवी २३:३४-४३

नेहेम्‍याह 8:13

मिनु आ दीसा खिं नेल्‍ल ङा ठेयब मुर, चढ़ेब नु लेवी नेल्‍ल परमप्रभु यावे लोव़ जोक्‍ब तुइक्‍ब एज्रा आ ङोंइती परमप्रभु यावे आ अरेशो लोव़ शेंसीचा कली बुक्‍तेक्‍म।

लेवी 23:34

“गे इस्राएली आन कली ‘७ महिना ङा १५ नाक्‍त रे ७ नाक्‍न सम्‍म परमप्रभु यावे आ ङोंइती गोठ सेल्‍शा बाक्‍तीक चाड मानेचा माल्‍नीनी।

यूहन्‍ना 7:2

मिनु यहूदी आन बाली ओंइतीक चाड जाक्‍चशो बाक्‍त। लेवी २३:३४-३६