नेहेम्‍याह 8:1 - Sunuwar Bible

¹ मिनु ७ महिना थेक्‍चावानु, इस्राएली आंम आन आन सहरमी बाक्‍मानु, मुर नेल्‍ल थुं का दुम्‍शा, ब्‍वाक्‍कु लाप्‍चो आ नेक्‍था ङा ठेयब बाक्‍तीकेम बुक्‍तेक्‍म। मिनु मेकोपुकीमी परमप्रभु यावे आ लोव़ जोक्‍ब तुइक्‍ब चढ़ेब एज्रा कली “परमप्रभु यावेमी मोसा कली गेशो इस्राएली आन कली अरेशो लोव़ ङा किताब चाक्‍को” देंतेक्‍म। एज्रा ७:६

नेहेम्‍याह 8:1 ပူးပေါင်းရင်းမြစ်များ

२ राजा 23:2

मिनु पिप परमप्रभु यावे आ खिं लमाक्‍त। मिनु मेको नु यहूदा ङा मुर नेल्‍ल, यरूसलेम ङा मुर, चढ़ेबपुकी, परमप्रभु यावे आ लोव़ पाइबपुकी नु आइक्‍च नु ठेयब मुर नेल्‍ल पिप नु परमप्रभु यावे आ खिं लमा बाक्‍त। मिनु पिपमी नेल्‍ल नेंशा, परमप्रभु यावे आ खिंम थिश्‍शो कबल ङा लोव़ ब्रेक्‍शो कागज पढेवा बाक्‍त।

२ इतिहास 34:15

मिनु हिल्‍कीयाहम ब्रेक्‍ब शाफान कली “गो परमप्रभु यावे आ खिंम आ अरेशो लोव़ ब्रेक्‍शो किताब थिश्‍शो बाक्‍नुङ” दे मदा बाक्‍त। मिनु हिल्‍कीयाहम मेको किताब शाफान कली गेवा बाक्‍त।

२ इतिहास 34:30

मिनु पिप परमप्रभु यावे आ खिं लमाक्‍त। मिनु यहूदा ङा मुर नेल्‍ल, यरूसलेमम बाक्‍ब मुरपुकी, चढ़ेब नु लेवीपुकी, आइक्‍च नु ठेयब मुर नेल्‍लेम मेको आ नोले खोदमे बाक्‍त। मिनु पिपम परमप्रभु यावे आ खिंम थिश्‍शो आ कबल ङा किताब पढेशा नेंपाइक्‍मी बाक्‍त।

एज्रा 7:1

मिनु मेको नोले, पारसी रागी ङा पिप आरता-सास्‍तमी सासन पची ना, सेरायाह आ तौ एज्रा बेबीलोन रे कुत। मेको सेरायाह आ आफ अजारयाह बाक्‍‍त। अजारयाह आ आफ हिल्‍‍कीयाह बाक्‍त। १इतिहास ५:३९-४०

एज्रा 7:10

एज्रामी परमप्रभु यावे आ अरेशो लोव़ रुप्‍चा नु पचा कली आ थुं फ्रेंशो बाक्‍त। मिनु परमप्रभु आ फुल्‍लुम मुशा ब्रेक्‍शो नु आ ठीक पतीक लोव़ इस्राएलम शेंचा कली मिम्‍शो बाक्‍त।

एज्रा 7:11

मेको पिप आरता-सास्‍तमी चढ़ेब एज्रा कली गेशो ब्रेक्‍स ङा लोव़ एको बाक्‍ब “मेको एज्रा नेल्‍ल ब्रेक्‍स तुइक्‍ब, परमप्रभु यावेमी इस्राएली आन कली शेंशो नु फुल्‍लुम मुशा ब्रेक्‍शो लोव़ रुप्‍शा जोक्‍ब बाक्‍‍त।

एज्रा 7:6

मेको एज्रा बेबीलोन रागी रे जाक्‍त। मोसा रे पा गेशो, परमप्रभु यावे, इस्राएली आन परमप्रभु आ अरेशो लोव़ जोक्‍ब तुइक्‍ब बाक्‍त। मिनु पिपमी आ पुंइशो नेल्‍ल गेप्‍तु। मारदे हना आ परमप्रभु यावे आ गुइ मेको आ तारी बाक्‍त। एज्रा ८:१८-२२; नेहेम्‍याह २:८

नेहेम्‍याह 12:26

मेको नेल्‍लेमी योसादाक आ चच, येशुआ आ तौ योयाकीम नु हुकुम पाइब नेहेम्‍याह नु परमप्रभु यावे आ लोव़ जोक्‍ब तुइक्‍ब चढ़ेब एज्रा आ पालामी मोदेंशो गेय पाइब बाक्‍तेक्‍म। १इतिहास ५:४०-४१

नेहेम्‍याह 12:37

मिनु मेकोपुकी ब्‍वाक्‍कु बुक्‍तीक लाप्‍चो गे लाम्‍तेक्‍म। मिनु क्रेसी ङोइश्‍शा, ग्‍येत्‍थ लशा, दाऊद आ सहर ङा गारो ङोइश्‍शा, दाऊद आ खिं लाक्‍शा, पूर्ब गे बाक्‍शो ब्‍वाक्‍कु लाप्‍चो गे लाम्‍तेक्‍म।

नेहेम्‍याह 3:26

मेकेर रे बोइश्‍शा, पारोश आ तौ पेदायाह नु ओफेलम बाक्‍शो परमप्रभु यावे आ खिं ङा गेय पाइबपुकीमी नां दाप्‍तीक गे, ब्‍वाक्‍कु लाप्‍चो आइक्‍ची नु गारो ङा लाइश्‍शो खिं सम्‍म प्रोव़तेक्‍‍म।

नेहेम्‍याह 8:16

मिनु मुरपुकी लशा, सेउला चाक्‍तेक्‍म। मिनु आन खिं तारी, आन लाङगामी, परमप्रभु आ खिं ङा लाङगामी, ब्‍वाक्‍कु लाप्‍चो आ नेक्‍थामी नु एफ्राइम लाप्‍चो आ नेक्‍थामी गोठ सेल्‍शा बाक्‍तेक्‍म। नेहेम्‍याह ८:१

नेहेम्‍याह 8:3

मोपा एज्रामी ब्‍वाक्‍कु लाप्‍चो आ नेक्‍था ङा बाक्‍तीकेमी सुनी रे नाक्‍त सम्‍म वोंइश मुर, मीश मुर नु लोव़ रुप्‍ने चाप्‍ब नेल्‍ल आन ङोंइती मेको किताब पढेप्‍तु। मिनु परमप्रभु यावे आ अरेशो लोव़ ङा किताब पढेवानु, नेल्‍लेमी नोफा दाइश्‍शा नेंतेक्‍म।

यसैया 8:20

गे शेंतीक नु अरेशो लोव़ आ पर्बम परमप्रभु कली हिल्‍लो पचा माल्‍नीनी। अरु लोव़ पाइब मुर काइ मरुप्‍ब बाक्‍नीम।

लेवी 9:5

मिनु मोसामी अरेशो खोदेंशो पा मेकोपुकीमी मारेइ मारेइ ग्रुम्‍तीक ताम्‍बु आ ङोंइती चाक्‍तेक्‍म। मिनु मुर नेल्‍ले परमप्रभु यावे आ ङोंइती जाक्‍शा राप्‍तेक्‍म।

मलाकी 4:4

परमप्रभुमी “आं वाइल मोसामी इन कली गेशो आं अरेशो लोव़ मिम्‍तीन। गो मेको फुल्‍लुम मुशा ब्रेक्‍शो लोव़ नु आं देंशो ठीक पतीक लोव़ होरेब डांडामी इस्राएली नेल्‍ल आन कली अरेचा कली गेता।

मत्ती 13:52

मिनु येसुमी “स्‍वर्ग ङा राज्‍य आ पर्बम शेंसीशो जोक्‍ब तुइक्‍ब दुम्‍शो मुर खिं ङा होव़प खोदेंशो बाक्‍ब। मेकोमी आ भकारी रे माइत नु नक थोव़क शोल्‍ने चाप्‍ब” देंत।

मत्ती 23:13

सास्‍त्री नु फरिसीपुकी, गे कपटी, इन कली तशा थुं खाइक्‍ती। मारदे हना स्‍वर्ग ङा राज्‍य ओव़तीक लां तेक्‍नीनी। गे मओव़नीनी, मिनु अरु आन कली यो ओव़चा मगेनीनी।

मत्ती 23:2

“सास्‍त्री नु फरिसीपुकी इं किकी पिपी मोसा आ पा ङा दुम्‍शो बाक्‍नीम।

मत्ती 23:34

मोपतीके गो इन बाक्‍तीके परमप्रभु यावे आ लोव़ पाइब, जोक्‍ब तुइक्‍ब मुर नु परमप्रभु यावे आ लोव़ शेंब सोइक्‍नुङमी। का निक्‍शी आन कली साइक्‍नीनी, का निक्‍शी आन कली शीमी क्‍याइश्‍शा साइक्‍नीनी, का निक्‍शी आन कली ग्रुम्‍तीक खिंमी लाइश्‍शा, कोर्रामी युक्‍नीनी, मिनु तेइ बाक्‍चा मगेथु, खेदा पा खेरनीनी।

ब्‍यवस्‍था 31:11

नेल्‍ल इस्राएली परमप्रभु यावे, इन परमप्रभु आ योव़शो बाक्‍तीकेमी मेको अरेशो लोव़ इस्राएली नेल्‍ल आन ङोंइती पढेचा माल्‍नीनी।

न्‍यायाधीस 20:1

मिनु इस्राएली नेल्‍ले दान रे पा बेयर-शेबा सम्‍म गिलाद रागी परमप्रभु यावे आ ङोंइती मिस्‍पामी ग्रुम्‍मा बाक्‍त। यहोसु १८:२६; १सामुएल ७:५

न्‍यायाधीस 20:8

मिनु मुर का दुम्‍शो खोदेंशो पा मुर नेल्‍ले बोक्‍मा बाक्‍त। मिनु मेकोपुकीमी “गोपुकी सुइ यो आंम खिं लेश्‍शा मलय। का सम्‍म यो लेश्‍शा मलय।