नेहेम्‍याह 6:6 - Sunuwar Bible

⁶ मिनु मेको ब्रेक्‍समी “अर्को जात ङा मुरपुकीमी ‘गे नु यहूदीपुकी गारशा सरकार कली तुल्‍चशो बाक्‍नीनी’ देंतेक्‍म। गेशेममी यो मोन देंत। मोपतीके गे गारो सेल्‍ना सेल्‍न बाक्‍नीनी। गे चहिं मेको आन पिप दुम्‍चा माल्‍शो बाक्‍नेवे, देंशो यो नेंसाक्‍व। नेहेम्‍याह २:१९; एज्रा ४:१२

नेहेम्‍याह 6:6 ပူးပေါင်းရင်းမြစ်များ

एज्रा 4:12

पिप इन कली मार लोव़ तुइक्‍पाइक्‍चा दाक्‍नीकी देंशा हना, इन कली प्रोंइशा एको रागीमी जाक्‍ब यहूदीपुकी यरूसलेममी जाक्‍तेक्‍म। मिनु मेकोपुकीमी काइ मटीब नु मरिम्‍शो पाइब आन सहर कली लेंशा सेल्‍ना सेल्‍न बाक्‍नीम। मेकोपुकीमी मेको आ जग लेंशा सेल्‍शा, आ गारो यो प्रोव़ने थुम्‍चशो बाक्‍नीम।

एज्रा 4:15

इन किकी पिपीमी ब्रेक्‍शा वोइश्‍शो ब्रेक्‍स माल्‍शा, कोव़ङीन। मेकेर मार ब्रेक्‍शो बाक्‍मे थित्‍नीनी। मेको सहरम काइ मटीब मुर बाक्‍नीम। मेकोपुकी पिप नु रागी कली मरिम्‍शो पाइब बाक्‍नीम। मोपतीके एको सहर कली खतम पोक्‍शो बाक्‍त।

नेहेम्‍याह 2:19

मिनु होरोनी सान्‍बल्‍लत, आ गेय पाइब अम्‍मोनी तोबीयाह नु अराबी गेशेममी चहिं एको लोव़ नेंशा, आंइ कली शुक्‍शी पा ठेयब लेश्‍शा “गे मार पाइनीनी, हां? पिप आ सासन प्रोंइचा माल्‍नी?” दे हुइक्‍ताक्‍की।

नेहेम्‍याह 6:13

आं कली हिंच कोंइचा नु पाप पपाइक्‍चा माल्‍ताक्‍से। मोपा मेकोमी आं पर्बम मरिम्‍शो लोव़ ब्रपाइक्‍चा कली क्‍येट ताक्‍शो बाक्‍त” दे तुइक्‍ताक्‍ङ।

नेहेम्‍याह 6:5

मिनु सान्‍बल्‍लतमी लेंशा, ५ खेयपमी आं गेय पाइब मुर, नेल्‍ल आन कली पढेचा ङा पा, ब्रेक्‍स का सोइक्‍ताक्‍व।

नेहेम्‍याह 6:7

मिनु ‘यहूदामी पिप का बाक्‍ब’ देंपाइक्‍चा कली परमप्रभु यावे आ लोव़ पाइब आन कली यो योव़शा, यरूसलेमम लोव़ पथ, वोइश्‍शो बाक्‍ते। मिनु पिपमी एको लोव़ थमा पा नेंब। मोपतीके एको आ पर्बम लोव़सी पचा कली रीब पा यिने” दे ब्रेक्‍शो बाक्‍त।

येरमीया 20:10

गो शुश मुरपुकीम नोफा मुइक्मुशा लोव़ पशो नेंता। मेकोपुकीमी ‘एर ओंथ नेल्‍ल हिंचा ङा श्‍येत बाक्‍ब। येरमीया कली दोस गेय। मेको आ पर्बम उजुर पय’ देंनीम। आं नेक्‍था ङा वारच नेल्‍लेमी ‘गेना दाइल पांइसीबा’ दे आं कली कोव़नीम। मिनु लेंशा ‘गो मेको आ पर्बम लोव़ पा मेको कली ग्राने चाप्‍नीकी। गो मेको क्‍येङा ग्राशा क्‍येक्‍क लेत्‍नय’ देंतेक्‍म” देंत। येरमीया २०:३; येरमीया १८:१८

मत्ती 5:11

आं पर्बम मुरपुकीमी इन कली हेला पा, खेदा पा, जोल पा, मरिम्‍शो लोव़ पाम्‍तेक्‍म हना यो, आसीक राइनीनी। मत्ती १०:२२; प्रेरित ५:४१; १पत्रुस ४:१४

लूका 23:2

मिनु पिलातस आ ङोंइती राप्‍पाइश्‍शा “हजुर, एको मुरुमी मुर आन थुं क्‍याल्‍ब। ‘सिजर कली ममानेचा। तिरो थाप्‍चा ममाल्‍ब। गो ख्रीस्‍त नङ। मिनु गोन पिप नङ’ दे शेंना शेंन गाक्‍त” दे दोस गेमे बाक्‍त। प्रेरित २४:५; लूका २०:२५

यूहन्‍ना 19:13

मिनु यहूदी आन लोव़ नेंशा, पिलातसमी येसु कली खिं रे ग्रुंइताक्‍व। मिनु पिलातस निसाफ पाइब आ नित्‍तीकेमी निस्‍‍साक्‍व। मेको निसाफ नित्‍तीक आ खपीमी फुल्‍लु ब्रशो बाक्‍तेक्‍म। मेको कली हिब्रू लोव़मी गाब्‍बाथा देंनीम।

रोमी 3:8

मुरपुकीमी आं लोव़ नेंशा “पापमी परमप्रभु यावे कली ठेयब सेल्‍ब, दे शेंब” दे आं देंशो लोव़ कली दूली सेल्‍तेक्‍म। गो दूली मशेंदुमी। मारदे हना पाप पशोमी परमप्रभु यावे कली ठेयब मसेल्‍ब। मोदेंब आन कली परमप्रभु यावेमी सजाइ गेप्‍तु हना, ठीक दुम्‍ब। रोमी ६:३

२ कोरिन्‍थी 6:8

आंइ नें चुइक्‍ताक्‍म हना यो, क्‍याम्‍ताक्‍म हना यो, आंइ कली मान पाम्‍तेक्‍म हना यो, ग्रांग्रा दिम्‍तेक्‍म हना यो, मेको आन पशो मारेइ मसुइक्‍नीकी। मुरपुकीमी आंइ पर्बम “जोल पा शेंशा, मुर आन थुं क्‍याल्‍शा हेंथे शेंनीम” देंतेक्‍म हना यो, गो थमा लोव़ शेंनीकी।

१ पत्रुस 3:16

इन थुं ङा मिम्‍तीक कली पाप रे ङोन वोतीन। इन कली शुक्‍शी पाइबपुकी ख्रीस्‍त आ नेंमी रिम्‍शो पशो तशा, मुने दोक्‍मल। १पत्रुस ४:६