नेहेम्‍याह 6:2 - Sunuwar Bible

² मेना सान्‍बल्‍लत नु गेशेममी आं कली “ओनो दिंम ङा गाउं काम ग्रुम्‍य” दे लोव़ सोइक्‍ताक्‍यीमी। तन्‍न मेकोपुकीमी आं कली मरिम्‍शो पचा माल्‍शो बाक्‍तेक्‍म।

नेहेम्‍याह 6:2 ပူးပေါင်းရင်းမြစ်များ

२ सामुएल 20:9

योआबम आमासा कली “आं लोक्‍ब आमासा गे रिम्‍शोन बाक्‍ङे?” दे हिल्‍लो पवा बाक्‍त। मिनु मेकोमी आमासा कली पुक्‍पु पाइक्‍चा कली आ ग्‍युरा गुइमी मेको आ गल शोक्रे ग्‍याइक्‍ता बाक्‍त।

२ सामुएल 3:27

मोपा आब्‍नेर हेब्रोनम लेश्‍शा जाक्‍मेनु, योआबमी लोव़ पचा, दे सुइ मबाक्‍तीकेम लदा बाक्‍त। मिनु आ कोव़जम थोक्‍गा बाक्‍त। मोपा मेको आसाहेल साइश्‍शो आ पर्बम बेक्‍माक्‍त। १राजा २:५; २सामुएल २:२३

१ इतिहास 8:12

एल्‍पाल आ तौ एबेर, मिशाम नु शेमेद बाक्‍मा बाक्‍त। मेकोपुकीम ओनो नु लोद सहर नु आस एर ओंथ ङा सहर सेल्‍मे बाक्‍त।

नेहेम्‍याह 11:35

लोद नु ओनो सहरमी गेय पाइब आन बाक्‍तीक सम्‍म बाक्‍तेक्‍म।

नेहेम्‍याह 3:22

मेकेर रे बोइश्‍शा, आ नेक्‍था बाक्‍शो चढ़ेबपुकीमी प्रोव़तेक्‍म।

नेहेम्‍याह 6:3

मिनु गो मेको आन कली “मुल आं के ठेयब गेय का बाक्‍ब। मोपतीके यिने मचाप्‍नुङ। मेक यिशा, आं गेय क्‍योल्‍चा मदाक्‍नुङ” दे लोव़ सोइक्‍ताक्‍ङ।

भजन संग्रह 12:2

नेल्‍लेमी आन नेक्‍था ङा मुर नु जोल ला पमुइनीम। चिप्‍लो लोव़ पाइब थुं निक्‍शी पाइश्‍शो ला बाक्‍नीम।

भजन संग्रह 37:12

मिनु परमप्रभु आ अरेशो मटीबपुकीमी ठीक पाइब मुर आन पर्बम “दोपा श्‍येत गेचा नमी” दे मिम्‍शा, आन ख्रुइ शेप्‍शो बाक्‍नीम।

भजन संग्रह 37:32

परमप्रभु आ अरेशो मटीबपुकीमी बाप्‍शा, ठीक पाइब आन कली साइक्‍चा माल्‍नीम।

उपदेसक 4:4

मिनु गो मार ताता देंशा हना, मुरपुकी श्‍येत पा अरु आन कली गेहे पतीके रे जोक्‍ब दुम्‍नीम। मेको यो जाम्‍शा लाइब नु फश कली खेदा पशो खोदेंशो ला बाक्‍ब।

येरमीया 41:2

मेना नेथन्‍याह आ तौ इश्‍माएल नु मेको १० जना मुर बोक्‍शा, बेबीलोन ङा पिपम हुकुम पाइब सेल्‍शा वोइश्‍शो शाफान आ चच अहीकाम आ तौ गेदाल्‍याह कली तरवारम क्‍योरशा साइक्‍तेक्‍म। येरमीया ४०:५

इजीकीएल 33:31

मेकोपुकीम आं मुर खोदेंशो पा इ बाक्‍तीक जाक्‍शा इ ङोंइती नित्‍नीम। मिनु इ लोव़ नोफा दाइश्‍शा नेंनीम। तन्‍न मेकोम इ लोव़ मटीनीम। मेकोम रिम्‍शो लोव़ पखु पा, आन थुंम चहिं दोपा क्‍येट चेम्‍चा, दे मिम्‍नीम। यसैया ५३:१