नेहेम्‍याह 6:18 - Sunuwar Bible

¹⁸ मिनु यहूदा ङा शुश मुरुमी तोबीयाह आ लोव़ बिश्‍शा “इन मुर दुम्‍नीकी” दे कसम जशो बाक्‍तेक्‍म। मारदे हना तोबीयाह आ चांइवा आराह आ तौ शेकन्‍याह बाक्‍त। मिनु आ तौ येहो-हानानमी बेरेक्‍याह आ तौ मेशुल्‍लाम आ तमी चाक्‍शो बाक्‍त।

नेहेम्‍याह 6:18 ပူးပေါင်းရင်းမြစ်များ

१ इतिहास 3:21

हनान्‍याह आ तौ पेलात्‍याह नु येशायाह बाक्‍सा बाक्‍त। येशायाह आ तौ रेफायाह बाक्‍माक्‍त। रेफायाह आ तौ अरनान बाक्‍माक्‍त। अरनान आ तौ ओबदिया बाक्‍माक्‍त। ओबदिया आ तौ शेकन्‍याह बाक्‍माक्‍त।

एज्रा 2:5

आराह आ चच युइ ७७५

नेहेम्‍याह 3:30

मेकेर रे बोइश्‍शा, शेलेम्‍याह आ तौ हनान्‍याह नु सालाफ आ जन्‍तरे तौ हानुनमी गारो प्रोव़ताक्‍स। मेकेर रे बोइश्‍शा, बेरेक्‍याह आ तौ मेशुल्‍लाममी आ खिं आ ङोंइती ङा गारो प्रोव़तु।

नेहेम्‍याह 3:4

मिनु मेकेर रे बोइश्‍शा, हककोस आ तौ उरीयाह आ तौ मेरेमोथमी गारो प्रोव़तु। मिनु मेकेर रे बोइश्‍शा, मेशेजाबेल आ तौ बेरेक्‍याह आ तौ मेशुल्‍लाममी सेल्‍तु। मेकेर रे बोइश्‍शा, बाना आ तौ सादोकमी प्रोव़तु।

नेहेम्‍याह 6:17

मेना यहूदा ङा ठेयब मुरपुकीमी तोबीयाह कली शुश ब्रेक्‍स ब्रेक्‍शा, सोइक्‍ना सोइक्‍न बाक्‍तेक्‍म। मिनु तोबीयाहमी यो मेको आन कली ब्रेक्‍स सोइक्‍ना सोइक्‍न बाक्‍त।

नेहेम्‍याह 6:19

मेको मुरपुकीमी आं ङोंइती तोबीयाहमी मार मार रिम्‍शो गेय पाप्‍तु, दे आं कली लोव़ पाम्‍तेक्‍म। मिनु आं देंशो लोव़ यो तोबीयाह कली शोव़तेक्‍म। मिनु तोबीयाहमी आं कली हिंच कोंइशा चिठीपुकी सोइक्‍ताक्‍यी।

नेहेम्‍याह 7:10

आराह नु आ खिं ङा मुर ६५२