नेहेम्‍याह 6:16 - Sunuwar Bible

¹⁶ मिनु आंइ जोरी सत्रुपुकीमी एको लोव़ नेंतेक्‍म, देंशो नेंशा, आंइ एर ओंथ बाक्‍शो अर्को जात ङा मुर नेल्‍ल शुश हिंतेक्‍म। मिनु मेकोपुकीमी “इं परमप्रभुम पशो बाक्‍त” दे तुइक्‍ताक्‍म।

नेहेम्‍याह 6:16 ပူးပေါင်းရင်းမြစ်များ

नेहेम्‍याह 2:10

मिनु होरोनी सान्‍बल्‍लत नु आ गेय पाइब अम्‍मोनी तोबीयाह, निम्‍फा “इस्राएली आन कली रिम्‍शो पाइब का जाक्‍शो बाक्‍ब” देंशो नेंशा, थाम्‍पा चुरताक्‍स।

नेहेम्‍याह 4:1

“गो गारो प्रोव़ना प्रोव़‍न बाक्‍नीकी” देंशो लोव़ सान्‍बल्‍लतमी नेंशा, उरशा, शुश गाइश्‍शा, यहूदी आन पर्बम शुक्‍शी पाप्‍तु। नेहेम्‍याह २:१०,१९

नेहेम्‍याह 4:7

मिनु सान्‍बल्‍लत, तोबीयाह, अराबीपुकी, अम्‍मोनीपुकी नु अश्‍दोदीपुकीमी “यरूसलेम ङा गारो रिम्‍शो पा सेल्‍ना सेल्‍न बाक्‍नीम। आ पोव़ला यो सु‍ना सु‍न बाक्‍नीम” दे तुइश्‍शा, शुश गाइक्‍ताक्‍म।

नेहेम्‍याह 6:17

मेना यहूदा ङा ठेयब मुरपुकीमी तोबीयाह कली शुश ब्रेक्‍स ब्रेक्‍शा, सोइक्‍ना सोइक्‍न बाक्‍तेक्‍म। मिनु तोबीयाहमी यो मेको आन कली ब्रेक्‍स सोइक्‍ना सोइक्‍न बाक्‍त।

भजन संग्रह 109:27

मेकोपुकीमी ‘परमप्रभु यावेम आं कली वारच पाइब’ दे तुइक्‍तमेक्‍ल।

भजन संग्रह 126:2

मिनु गोपुकी शुश ग्‍येरसीशा रिस्‍साक्‍क। थाम्‍पा ग्‍येरशा ग्रीतक। मिनु रागी रागी ङा मुरपुकीमी “परमप्रभु यावेमी मेको आन कली वारच पा, ठेयब गेय पाप्‍तु” देंमुम्‍तेक्‍म।

भजन संग्रह 129:5

सियोन कली काइ मदाक्‍बपुकी मुने दोक्‍शा, लेश्‍शा लमल।

भजन संग्रह 147:2

परमप्रभु यावेमी यरूसलेम कली सेल्‍ब। मेकोमी इस्राएल रे खेरशो ब्रशा बाक्‍शो मुर आन कली खुप्‍ब।

प्रस्‍थान 14:25

आन बग्‍गी ङा गुगील पुइश्‍शा गेतीके, गाक्‍ने मचबेम। मिनु इजीप्‍त ङा मुरपुकीमी “इस्राएली रे प्रोक्‍य, परमप्रभु यावेमी मेको आन कली वारच पशा, इजीप्‍त ङा मुरपुकी नु लडाइ पाइब” देंमा बाक्‍त।

येरमीया 33:9

मिनु एको सहर आं ङोंइती ग्‍येरपाइक्‍तीक, ठेयब सेल्‍तीके नु आं कली मान पतीके दुम्‍ब। मिनु रागी रागी ङा मुरुम गो इस्राएली आन कली मार मार रिम्‍शो पशो नेंनीम। मिनु मेको आन कली रिम्‍शो नु आन माल्‍शो क्‍येङा शुश गेशो तशा आं पर्बम हिंशा ख्रिंख्रि पाइनीम” देंत।

गन्‍ती 23:23

थमा पा, याकूब कली राइब मारेइ मन्‍तर तन्‍तर मबाक्‍ब। इस्राएली आन कली राइब मारेइ लिंक्‍यु कोव़तीके मबाक्‍नीम। मुल याकूब नु इस्राएल आ पर्बम परमप्रभु आ पशो कोव़ङीन।

प्रेरित 5:38

मोपतीके मेको येसु माइश्‍शो आ नोले खोइक्‍ब आन कली मारेइ मपाइय्‍य। मो प्रोंइशा सोइक्‍तय। मेको आन लोव़ मुरुमी मिम्‍शो लोव़ बाक्‍त हना, मारेइ मदुम्‍थु जाम्‍शा लाइब। मत्ती १५:३३

यहोसु 2:11

मोदेंशो लोव़ नेंशो नोले, गोपुकी साप्‍पा हिंतक। इन पतीक तशा, गो नेल्‍ल शुश हिंतक। मारदे हना परमप्रभु यावे, इन परमप्रभु इर स्‍वर्ग ङा नु उइ रागी ङा परमप्रभु बाक्‍ब। यहोसु ५:१; प्रस्‍थान १५:१४-१५; ब्‍यवस्‍था ४:३९

यहोसु 2:9

मिनु मेको मीश मुरुमी मेको आस कली “परमप्रभु यावेमी आंइ रागी इन कली गेशो बाक्‍ब, दे गो तुइक्‍नुङ। मारदे हना एको रागीम बाक्‍ब मुर नेल्‍ल इन कली तशा, शुश हिंनीम। प्रस्‍थान २३:२७

यहोसु 5:1

मिनु यर्दन आइक्‍ची हांबु पच्‍छिम गे ङा एमोरी आन पिप नेल्‍ल नु ठेयब समुन्‍द्र आ नेक्‍था ङा कनानी आन पिप नेल्‍लेमी “परमप्रभु यावेमी इस्राएली आन ङोंइती यर्दन खोला मशोक्‍सीमा सम्‍म सोव़पाइक्‍तु” दे नेंशा, मेकोपुकी इस्राएली आन कली तशा, साप्‍पा हिंशा आन थुं लुक्‍च लत। यहोसु ३:१६; यहोसु २:२४