नेहेम्‍याह 6:13 - Sunuwar Bible

¹³ आं कली हिंच कोंइचा नु पाप पपाइक्‍चा माल्‍ताक्‍से। मोपा मेकोमी आं पर्बम मरिम्‍शो लोव़ ब्रपाइक्‍चा कली क्‍येट ताक्‍शो बाक्‍त” दे तुइक्‍ताक्‍ङ।

नेहेम्‍याह 6:13 ပူးပေါင်းရင်းမြစ်များ

नेहेम्‍याह 6:12

मिनु गो “परमप्रभु आ सोइश्‍शो ममाइ, आं कली मरिम्‍शो पचा, दे सान्‍बल्‍लत नु तोबीयाहमी मेको कली नोले दुम्‍ब लोव़ पपाइक्‍खु पशो बाक्‍ताक्‍स।

नेहेम्‍याह 6:6

मिनु मेको ब्रेक्‍समी “अर्को जात ङा मुरपुकीमी ‘गे नु यहूदीपुकी गारशा सरकार कली तुल्‍चशो बाक्‍नीनी’ देंतेक्‍म। गेशेममी यो मोन देंत। मोपतीके गे गारो सेल्‍ना सेल्‍न बाक्‍नीनी। गे चहिं मेको आन पिप दुम्‍चा माल्‍शो बाक्‍नेवे, देंशो यो नेंसाक्‍व। नेहेम्‍याह २:१९; एज्रा ४:१२

हितोपदेस 22:1

शुश क्‍येट शोंप क्‍येङा मान पाइश्‍शो रिम्‍शो बाक्‍ब। सुन चांदी क्‍येङा दाक्‍चा पुंइसीचा रिम्‍शो बाक्‍ब। उपदेसक ७:१

हितोपदेस 29:5

सुमी आ नेक्‍था ङा मुर कली क्‍युक्‍शा लोव़ पाइबा, मेकोमी मेको कली ग्‍याइल दाइश्‍शो बाक्‍ब।

उपदेसक 7:1

शुश क्‍येट लाइब ख्रेक्‍तीक क्‍येङा रिम्‍शो नें ठेयब बाक्‍ब। मिनु जरमेशो नाक्‍त क्‍येङा बेक्‍तीक नाक्‍त रिम्‍शो बाक्‍ब। हितोपदेस २२:१

यसैया 51:7

गे ठीक पतीके तुइक्‍बपुकी आं लोव़ नेनीन। आं शेंशो थुंमी वोइक्‍ब मुर आं लोव़ नेनीन। मुर आन शुक्‍शी पशो नेंशा महिनीन। मेको आन तोक्‍शा पशो लोव़ नेंशा सुर्ता मपने। यसैया मत्ती ५:११

यसैया 57:11

गे सु क्‍येङा शुश हिंशा, जोल पनी? मिनु आं कली मफ्रुक्‍थु ममिम्‍तीनी। गो सिक्‍सी पा बाक्‍शा, आं मिक्‍च क्रिप्‍ताक्‍ङ। मिनु गे आं कली तशा महिंनी? भजन संग्रह ५०:२१

येरमीया 1:17

गे चहिं बोक्‍शा, ठीक दुमो। मिनु गो इ कली मार, मार, अरेङा, मेको आन कली माइक्‍मी। गे मेको आन क्‍येङा महिनो। मो पाप्‍तीवी हना, गो इ कली मेको आन ङोंइती हिंपाइक्‍नन।

येरमीया 18:18

मिनु मेकोपुकीम “मुल गोपुकीम येरमीया कली दोस गेय। मारदे हना चढ़ेब आन शेंशो लोव़ मग्‍याम्‍ब। जोक्‍ब तुइक्‍ब आन अर्ती यो मग्‍याम्‍ब। मिनु परमप्रभु यावे आ लोव़ पाइब आन देंशो लोव़ यो मजाम्‍ब। मोपतीके मुल गो येरमीया कली दोस गेय। मिनु मेको आ देंशो तेकोइ लोव़ मनेंय” देंतेक्‍म।

येरमीया 20:10

गो शुश मुरपुकीम नोफा मुइक्मुशा लोव़ पशो नेंता। मेकोपुकीमी ‘एर ओंथ नेल्‍ल हिंचा ङा श्‍येत बाक्‍ब। येरमीया कली दोस गेय। मेको आ पर्बम उजुर पय’ देंनीम। आं नेक्‍था ङा वारच नेल्‍लेमी ‘गेना दाइल पांइसीबा’ दे आं कली कोव़नीम। मिनु लेंशा ‘गो मेको आ पर्बम लोव़ पा मेको कली ग्राने चाप्‍नीकी। गो मेको क्‍येङा ग्राशा क्‍येक्‍क लेत्‍नय’ देंतेक्‍म” देंत। येरमीया २०:३; येरमीया १८:१८

इजीकीएल 2:6

मिनु गे मेकोपुकी नु मेको आन लोव़ नेंशा महिनो। गे इ एर ओंथ चू नु चोंक बाक्‍तेक्‍म नु गे बिच्छी आन दातेम बाक्‍ते हना यो, महिनो। मेकोपुकीम मार देंतेक्‍म हना यो, मेको आन लोव़ क्‍येङा महिनो। मेको आन कोव़शोम ग्‍येत्‍थ लुक्‍च मदुमो। मारदे हना मेको मटीब आन खिं ङा मुर बाक्‍नीम। येरमीया १:८

मत्ती 10:28

इन रां कली साइक्‍ने चाप्‍ब। तन्‍न इन सोक्‍ती कली साइक्‍ने मचाप्‍बपुकी आन कली तशा महिनीन। रां नु सोक्‍त निम्‍फा नरकमी खतम पने चाप्‍ब कली तशा चहिं हिनीन। हिब्रू १०:३१; याकूब ४:१२

मत्ती 22:15

मिनु फरिसीपुकीमी “एको कली दोपा आंम आ लोव़ ख्राइक्‍पपाइश्‍शा दोस गेचा” दे लोव़सी पमुमा बाक्‍त।

मत्ती 26:59

मिनु ठेयब चढ़ेब नु जोक्‍ब तुइक्‍ब खालपापुकी मार पामे बाक्‍त देंशा हना, कछडी वोइश्‍शा, जोल पा दोस गेचा माल्‍मे बाक्‍त। मारदे हना येसु कली साइक्‍पाइक्‍चा माल्‍शो बाक्‍मा बाक्‍त।

प्रेरित 6:13

मिनु जोल पा सांकछी वोइश्‍शा, मेको आन कली “एको मुरुमी परमप्रभु यावे आ खिं नु परमप्रभु यावे आ अरेशो लोव़ आ पर्बम शुक्‍शी पा हेंथे लोव़ पाइब। येरमीया २६:९,११

२ कोरिन्‍थी 11:12

मुल सम्‍म दोपा बाक्‍ङा, मुल यो मोपान बाक्‍नुङ। मारदे हना दूली लोव़ शेंबपुकीमी “पावल नु आ वारचपुकीमी पशो खोदेंशो पा गो यो पाइनीकी” दे नें बोरपा गाक्‍नीम। मेको आन जोल ग्रुंइचा कली गो मारेइ मताक्‍थु शेंनीकी।

१ तिमोथी 5:14

मोपतीके वोंइश बेक्‍शो ठिटी मीश मुरपुकीमी ग्‍युंबे पा, आल थिशा, आन खिं ङा गेय पामेक्‍ल। मो पाम्‍तेक्‍म हना, मरिम्‍शो पा गाक्‍चा मताइनीम। अरुमी यो थमा सुइक्‍ब आन पर्बम मरिम्‍शो लोव़ पचा मताइनीम। १तिमोथी २:१५; १कोरिन्‍थी ७:९

२ तिमोथी 1:7

मारदे हना परमप्रभु यावेमी इं कली हिंब थुं मगेव। तन्‍न सक्ति पाइश्‍शो, दाक्‍पाइक्‍ब नु गेय पचा ङोंइती मिम्‍पाइक्‍ब थुं गेप्‍तु। रोमी ८:१५

तीतस 2:8

गे रिम्‍शो लोव़ शेंताक्‍वी हना, सुइमी इ कली दोस गेने मचाप्‍नीम। मिनु इ कली मदाक्‍बमी यो इ पर्बम मारेइ मरिम्‍शो लोव़ पचा मताइनीम। मिनु आन मुने दोक्‍नीम।

याकूब 4:17

सु रिम्‍शो गेय पस जोक्‍बा तुइक्‍बा, तन्‍न मपाइबा, मेको कली मरिम्‍शो दुम्‍ब। लूका १२:४७

प्रकाश 21:8

तन्‍न मुर तशा हिंबपुकी, परमप्रभु यावे कली थमा मसुइक्‍बपुकी, पापमी ग्रुम्‍शोपुकी, मुर आन कली साइक्‍बपुकी, तेल्‍लेम पाइबपुकी, टुना मुना पाइबपुकी, देवी देवता आन कली पूजा पाइबपुकी, नु जोल पाइबपुकी नेल्‍ल गन्‍धक रे हुरुर पा ब्रशो मीमी हुम्‍चा पुंइसीनीम। मिनु मेको नोले ङा बेक्‍तीक बाक्‍ब” दे माइक्‍ती।