नेहेम्‍याह 5:4 - Sunuwar Bible

⁴ मिनु का निक्‍शीमी “पिप कली तिरो थाप्‍चा कली आंइ रू नु अङगुर रूपुकी गेशा, जेर ताक्‍तक।

नेहेम्‍याह 5:4 ပူးပေါင်းရင်းမြစ်များ

१ राजा 9:21

इस्राएलीपुकीमी मेको रागीम लीशो मेको आन चच युइ आन कली काइ मवोइक्‍थु साइक्‍ने मचाप्‍शो बाक्‍मा बाक्‍त। सोलोमनमी मेको आन कली गेय पाइब वाइल सेल्‍शा वोइक्‍मी बाक्‍त। मेको मुल सम्‍म मोपान बाक्‍शो बाक्‍नीम। यहोसु १६:१०

एज्रा 4:13

पिप इन कली मार लोव़ तुइक्‍पाइक्‍चा दाक्‍नीकी देंशा हना, मेको सहर कली लेंशा सेल्‍तेक्‍म नु मेको आ गारो प्रोव़ने थुम्‍तेक्‍म हना, मेकोपुकीमी पिप कली थाप्‍तीके, आन चेम्‍शो रे थाप्‍तीक नु आन रू ङा थाप्‍तीके मारेइ मथाप्‍नीम। मिनु मो पामेनु, पिप इन कली मरिम्‍शो दुम्‍ब।

एज्रा 4:20

यरूसलेममी सासन पाइब सक्ति पाइश्‍शो पिपपुकी बाक्‍तेक्‍म। मेकोपुकीमी युफ्रेटीस आइक्‍ची हांबु ङा रागी नेल्‍ल अधिकारम वोइश्‍शो बाक्‍तेक्‍म। मिनु मुरपुकीमी पिप कली थाप्‍तीके, आन चेम्‍शो रे थाप्‍तीके नु आन रू ङा थाप्‍तीके नेल्‍ल थाप्‍शो बाक्‍तेक्‍म।

एज्रा 7:24

मिनु गो इन कली मार तुइक्‍पाइक्‍चा दाक्‍नीकी देंशा हना, चढ़ेब, लेवी, कुम्‍सो पाइब, लाप्‍चो खाल पाइब, परमप्रभु आ खिंमी गेय पाइब नु अरु गेय पाइब आन कली पिप कली गेतीक क्‍येट नु तिरो पोक्‍चा मताइनीम’ दे हुकुम गे‍नन्‍नी।

नेहेम्‍याह 5:3

मिनु का निक्‍शीमी “अन्‍कालमी अन्‍न ग्‍याप्‍चा कली आंइ रूपुकी, आंइ अङगुर रूपुकी नु आंइ खिंपुकी जाकट वोइक्‍चा माल्‍ताक्‍क” देंतेक्‍म।

नेहेम्‍याह 9:37

मेको रागी ङा मारेइ मारेइ रिम्‍शो थोव़की गे आंइ कली हुकुम पपाइक्‍ब पिप आन कली ताइब सेल्‍तीनी। मेको आंइ मरिम्‍शो पतीके आ पर्बम बाक्‍ब। मेकोपुकीमी आंइ कली नु आंइ बी ब्‍यफ नु क्‍यारश भेडा आन कली आन दाक्‍स पा पाइनीमी। मोदेंशो पा गो शुश श्‍येत जशो बाक्‍नीकी” दे एज्रामी परमप्रभु कली लोव़ पाप्‍तु।

हितोपदेस 22:7

क्‍येट थीबमी प्रुङग कली अधिकार पाइब। जेर ताक्‍ब मुर जेर गेब आ वाइल बाक्‍ब।

यहोसु 16:10

तन्‍न मेकोपुकीमी गेजेर सहरमी बाक्‍ब कनानी आन कली मखेरेम। मोपतीके कनानीपुकी मुल सम्‍म एफ्राइम आ मुर आन दातेमी बाक्‍नीम। मेकोपुकी वाइलीम वाइल दुम्‍शा बाक्‍शो बाक्‍नीम। न्‍यायाधीस १:२९; १राजा ९:१६