नेहेम्‍याह 5:19 - Sunuwar Bible

¹⁹ गो परमप्रभु यावे कली “आं परमप्रभु, गो एको मुर आन कली मार मार रिम्‍शो पङा, मेको मप्रेंदीन” देंती। नेहेम्‍याह १३:१४,२२,३१

नेहेम्‍याह 5:19 ပူးပေါင်းရင်းမြစ်များ

उत्पत्ती 40:14

इन कली रिम्‍शो दुम्‍मेनु, आं कली यो मप्रेंदीन। आं कली शिशी पने। फाराओ कली आं कली मेको जेल्‍खान रे ग्रुंइचा, दे लोव़ पने।

२ राजा 20:3

मेकोमी “परमप्रभु यावे, गो इन ङोंइती रिम्‍शो पा बाक्‍ती। गो इन कली गेनायो मप्रोंइथु आं थुं नेल्‍लेमी इन नोले खोइक्‍ता। इन ङोंइती मार रिम्‍शो बाक्‍मे, मेको पाता, मेको मिम्‍तीन” दे आ थुं खाइश्‍शा ङाक्‍माक्‍त।

नेहेम्‍याह 13:14

गो परमप्रभु यावे कली “आं परमप्रभु, इन खिं कोव़शा नु मेकेर ङा पशो रिम्‍शो पतीक मप्रें‍दीन। आं कली मिम्‍तीन” देंती। नेहेम्‍याह ५:१९

नेहेम्‍याह 13:22

मिनु गो लेवी आन कली ब्रेश्‍शा “आंम कली ठीक सेल्‍सीने। नाइक्‍तीक नाक्‍त परमप्रभु यावे के बाक्‍ब, दे मानेचा कली ठेयब लाप्‍चोपुकी खाल पथ बाक्‍कीन” दे माइक्‍तामी। मिनु गो “आं परमप्रभु, आं ओदेंशो पशो यो मिम्‍तीन। मिनु इन ठेयब नु गेना हना यो दाक्‍तीके कोंइ‍दीनी” देंती।

नेहेम्‍याह 13:31

मिनु परमप्रभु आ खिं कली शी नु नेल्‍ल क्‍येङा ङोंइती सिश्‍शो फल चाक्‍चा आ पर्बम लोव़सी गारपाइक्‍ता। मिनु गो “आं परमप्रभु, आं पशो मिम्‍शा, आं कली रिम्‍शो पाइय्‍यीनी” देंती।

भजन संग्रह 106:4

परमप्रभु यावे, गे इन मुर आन कली शिशी पनी ना, आं कली यो मिम्‍तीन। मेको आन कली प्रोंइनीनु, आं कली यो वारच पन।

भजन संग्रह 40:17

गो प्रुङग नु श्‍येत जाइब बाक्‍ती हना यो, परमप्रभुम आं कली मिम्‍ब। गे आं कली वारच पाइब नु आं कली श्‍येत रे प्रोंइब बाक्‍नीनी। आं परमप्रभु देश मपने” दे लोव़ पाता।

येरमीया 29:11

मारदे हना गो इन पर्बम शुश मिम्‍शो बाक्‍नुङ। गो मेको मिम्‍शो तुइक्‍नुङ। आं मिम्‍शो इन कली रिम्‍शो दुम्‍चा कली बाक्‍ब। मरिम्‍शो दुम्‍पाइक्‍चा कली ममाइ।

मत्ती 10:42

नोफा दाइश्‍शा नेनीने, सुमी महिक्‍सीशो मुर का कली ‘एको यो शेंसीब का बाक्‍माक्‍त’ दे मिम्‍शा, लोटा का ब्‍वाक्‍कु तूचा गेबा, मेकोमी दोपा यो आ तचा ङा इनाम मसाम्‍ब” दे शेंताक्‍मी। मत्ती २५:४०; मर्कूस ९:४१

मर्कूस 9:41

नोफा दाइश्‍शा नेनीने, सुमी आं नें थिशा, ख्रीस्‍त आ मुर नम देंशा, इन कली लोटा का ब्‍वाक्‍कु तूचा गेबा, मेकोमी दोपा यो आ इनाम ताइब। मत्ती १०:४२