नेहेम्‍याह 4:6 - Sunuwar Bible

⁶ मिनु गोपुकीमी आधा लाइश्‍शो सम्‍म गारो प्रोव़शा, एर ओंथ नेल्‍ल हिरने थुम्‍शो। मारदे हना प्रोव़ब मुरपुकीमी आन थुं नुशा, ग्‍येरशा, गारो प्रोव़तेक्‍म।

नेहेम्‍याह 4:6 ပူးပေါင်းရင်းမြစ်များ

१ इतिहास 29:14

मिनु गो आंइ थुंम ग्‍येरशा सोम्‍शा ओपा शुश गेने चाप्‍नीकी? गो सु नङा? आं मुरपुकी सु बाक्‍नीमी? मारदे हना नेल्‍ल थोव़क इन गुइ रे जाक्‍नीम। गोपुकीमी इन गेशो रे इन कली गेतक।

१ इतिहास 29:3

मेको आं परमप्रभु आ बाक्‍तीके सेल्‍चा कली खुप्‍शा वोइश्‍शो मार मार प्रोंइशा यो आं परमप्रभु आ खिं सेल्‍चा थाम्‍पा दाक्‍तीके गो आंम आं सुन नु चांदी परमप्रभु आ खिं सेल्‍चा कली गेता।

२ इतिहास 29:36

मिनु हिज्‍कीयाह नु मुर नेल्‍ल थाम्‍पा ग्‍येरसमा बाक्‍त। मारदे हना परमप्रभुम आ मुर आन कली पशो रीब पा छक लाक्‍चा ङा पा दुम्‍माक्‍त।

नेहेम्‍याह 4:5

मेको आन मरिम्‍शो पतीके नेल्‍ल क्‍याम्‍शा मगेने। मारदे हना मेकोपुकीमी गारो प्रोव़‍ब आन कली शुक्‍शी पा, आन थुं तोक्‍शा गेम्‍तेक्‍म” दे परमप्रभु कली पुंइता।

नेहेम्‍याह 4:7

मिनु सान्‍बल्‍लत, तोबीयाह, अराबीपुकी, अम्‍मोनीपुकी नु अश्‍दोदीपुकीमी “यरूसलेम ङा गारो रिम्‍शो पा सेल्‍ना सेल्‍न बाक्‍नीम। आ पोव़ला यो सु‍ना सु‍न बाक्‍नीम” दे तुइश्‍शा, शुश गाइक्‍ताक्‍म।

नेहेम्‍याह 6:15

एलुल महिना ङा २५ नाक्‍त गोपुकीमी गारो सेल्‍ने थुम्‍तक। सेल्‍ने थुम्‍चा कली ५२ नाक्‍त माल्‍ताक्‍क।

भजन संग्रह 110:3

गे लडाइ पनी नाक्‍ती इन मुर आन थुंम ग्‍येरशा इन नोले खोइक्‍नीम। सुनी ङा सीत खोदेंशो पा इन रागी ङा ठिटापुकी खुम्‍सीशा इन नेक्‍था जाक्‍नीम।

भजन संग्रह 122:3

यरूसलेम रिम्‍शो पा सेल्‍शो सहर बाक्‍ब। मेकेर खिं नेक्‍नेक्‍था बाक्‍नीम।

हाग्‍गै 1:14

मिनु परमप्रभु यावेमी शाल्‍तीएल आ तौ, यहूदा रागीम हुकुम पाइब, जेरूब-बाबेल नु यहो-सादाक आ तौ, नेल्‍ल क्‍येङा ठेयब चढ़ेब, यहोसु नु लीशो मुर आन थुं कली जोंब पोक्‍ताक्‍व। मिनु मेकोपुकीमी मुर नेल्‍ल आन परमप्रभु यावे, आ खिं सेल्‍चा गोम्‍तेक्‍म।

फिलिप्‍पी 2:13

मारदे हना परमप्रभु यावेमी इन थुंमी गेय पाइब। मार गेय पाइब देंशा हना, आ दाक्‍शो पचा, दे इन कली दाक्‍ब थुं गेशा, गेय पपाइक्‍ब। फिलिप्‍पी १:६

हिब्रू 13:21

परमप्रभु यावेमी येसु ख्रीस्‍त रे पा इन थुं रिम्‍शो सेलल, आ दाक्‍शो गेय पपदल, आ कली ग्‍येरपाइक्‍ब सेलल। येसु ख्रीस्‍त कली गेना हना यो ठेयब सेल्‍य। आमेन। आमेन आ अर्थ “गो यो मेकोन मिम्‍नुङ” बाक्‍ब।