नेहेम्‍याह 4:2 - Sunuwar Bible

² मिनु मेकोमी यहूदी आन पर्बम शुक्‍शी पा, आ लोक्‍बपुकी नु सामरीया ङा लडाइ पाइब आन ङोंइती “एको मारेइ सोक्‍त मपाइश्‍शो यहूदीपुकीमी मार पना पन बाक्‍नीमी? मार, मेकोपुकीमी आन गारो लेंशा प्रोव़ने चाप्‍नीमी? मार, मेकोपुकीमी चढ़ेनीमी? मार, मेकोपुकीम काबुमी थुम्‍नीमी? मेको मीम दुप्‍शो फुल्‍लुम गारो प्रोव़ने चाप्‍नीमी ङा?” दे लोव़ पाप्‍तु।

नेहेम्‍याह 4:2 ပူးပေါင်းရင်းမြစ်များ

एज्रा 4:4

मिनु नोले मेको रागी ङा मुरपुकीमी यहूदी आन कली आन थुं तोक्‍शा गेम्‍तेक्‍म। मिनु मेको खिं मसेल्‍पाइक्‍‍चा कली हिंच कोंइताक्‍म।

नेहेम्‍याह 12:27

मिनु यरूसलेम ङा गारो प्रोव़ने थुम्‍तीक चाड कली लेवी आन कली आन आन बाक्‍तीक तेइ तेइ रे माल्‍शा, यरूसलेममी चाक्‍तेक्‍म। मारदे चाक्‍तेक्‍म देंशा हना, गारो थुम्‍तीके परमप्रभु यावे आ ङोंइती ग्‍येरसीशा “गे रिम्‍शो पाइब ननी” दे ठेयब सेल्‍तीक कुम्‍सो पचा नु खैजडी, तार पाइश्‍शो ठेयब ताप्‍तीके नु बीना ताप्‍चा कली चाक्‍तेक्‍म।

नेहेम्‍याह 12:43

मेको नाक्‍त ठेयब चढ़ेतीक चढ़ेशा, शुश ग्‍येरशो बाक्‍तेक्‍म। मारदे हना परमप्रभुमी मेको आन थुं थाम्‍पा ग्‍येरपाइक्‍तु। मीश मुरपुकी नु आलपुकी यो शुश ग्‍येरसाक्‍म। मिनु यरूसलेम ङा मुर आन ग्‍येरसीशो सेंदा ङोन ङोन सम्‍म नेंसाक्‍व।

नेहेम्‍याह 4:10

मिनु यहूदा ङा मुरपुकीमी “फुल्‍लु कुरब आन बोल जाम्‍ना जाम्‍न लत। मारदे हना शोर गाक्‍शो शी, फुल्‍लु नु खप शुश दुम्‍तीके, गोपुकी गारो प्रोव़ने मचाप्‍नीकी” दे गन गन पाम्‍तेक्‍म।

नेहेम्‍याह 6:15

एलुल महिना ङा २५ नाक्‍त गोपुकीमी गारो सेल्‍ने थुम्‍तक। सेल्‍ने थुम्‍चा कली ५२ नाक्‍त माल्‍ताक्‍क।

भजन संग्रह 83:4

मेकोपुकीमी ‘जाक्‍कीन, गो मेको आन रागी मलीचा ङा पा क्‍याम्‍दय। मिनु इस्राएल आ नें मलील’ देंनीम।

येरमीया 26:18

“यहूदा ङा पिप हिज्‍कीयाह आ पालाम मोरेशेथ ङा मीकाहम परमप्रभु यावे आ लोव़ पशो बाक्‍त। मेकोमी यहूदा ङा मुर नेल्‍ल आन कली ‘मुर नेल्‍ल आन परमप्रभु यावेम सियोन कली रू खोदेंशो पा वाक्‍सीब। यरूसलेम चहिं फुल्‍लु तेल्‍शो खोदेंशो दुम्‍ब। परमप्रभु यावे आ खिं चहिं रवापुकी वाशा सुम्‍शो डांडा खोदेंशो दुम्‍ब’ देंशो बाक्‍त” देंतेक्‍म। मीका १:१; मीका ३:१२; येरमीया ९:१०

येरमीया 33:24

मार लोव़ पाप्‍तु देंशा हना “मेको मुरपुकी मार, देंना देंन बाक्‍मा, मार, गे मनेंनी? मेकोपुकीमी ‘परमप्रभु यावे आ योव़शो खिं निक्‍शी ङा मुर आन कली प्रोंइशा तिल्‍शो बाक्‍ब’ देंतेक्‍म। मो देंतीके मेको मुरपुकीमी आं मुर आन कली आइक्‍च सेल्‍शा, मुल रे रागी का यो मनम, दे मिम्‍नीम” देंत।

दानीएल 9:25

मोपतीके यरूसलेम लेंशा सेल्‍तीक लोव़ तेल लुक्‍शो पिप मजाक्‍म सम्‍म ७ हप्‍ता बाक्‍नीम। मिनु ६२ हप्‍ता लां नु खिं आ एर ओंथ लेंशा सेल्‍चा कली माल्‍ब, दे रुप्‍शा तुइक्‍तो। मेना श्‍येत जतीक ना बाक्‍ब।

हबकुक 3:2

“परमप्रभु यावे, गो इन पशो नेल्‍ल नेंता। परमप्रभु यावे, गो इन पशो तशा, इन कली ठेयब सेल्‍नुङ। आंइ ब्रोंइतीक नाक्‍तीमी मेको लेंशा कोंइदीन। मेको तुइक्‍पतीन। गे गाइक्‍ताक्‍नी हना, यो इन शिशी मिम्‍तीन।

जकरिया 12:8

मेको नाक्‍ती परमप्रभु यावेमी यरूसलेममी बाक्‍ब मुर आन कली वारच पाइब। मेकेर बाक्‍ब नेल्‍ल क्‍येङा मचाप्‍ब दाऊद खोदेंशो बाक्‍नीम। मिनु दाऊद आ खिं ङा मुर परमप्रभु खोदेंशो बाक्‍नीम। मिनु परमप्रभु यावे आ स्‍वर्ग ङा गेय पाइब मेको आन ङोंइती गाक्‍ब। यसैया ३३:२४

जकरिया 4:10

मिनु “सु आइक्‍च गेय गोशो नाक्‍ती आइक्‍च सेल्‍बा? नोले मेकोपुकीमी जेरूब-बाबेल आ गुइमी गारो थाप्‍तीक श्‍येले तशा, ग्‍येरसीनीम। हाग्‍गै २:३; जकरिया ४:७ मेको फुल्‍लु ङा ७ ओटा मिक्‍च परमप्रभु यावे आ मिक्‍च बाक्‍नीम। मेको मिक्‍चीमी रागी नेल्‍ल कोव़शो बाक्नीम” दे परमप्रभु आ लोव़ बाक्‍ब।

१ कोरिन्‍थी 1:27

तन्‍न परमप्रभु यावेमी जोक्‍ब तुइक्‍ब आन कली मुने तोक्‍चा कली मजोक्‍ब मतुइक्‍ब मूर्ख आन कली योव़तीमी। परमप्रभु यावेमी अधिकार सक्ति पाइश्‍शो आन कली मुने तोक्‍चा कली अधिकार सक्ति मपाइश्‍शो आन कली योव़तीमी।