नेहेम्‍याह 4:15 - Sunuwar Bible

¹⁵ आन मिम्‍शो गोपुकीमी तुइक्‍ताक्‍क नु परमप्रभुमी आन मिम्‍शो नेल्‍ल क्‍याम्‍शा गेवा बाक्‍त, दे आंइ जोरी सत्रुपुकीमी तुइक्‍तमे बाक्‍त। मोपतीके गो नेल्‍ल आंम आंम गेय पा गारो प्रोव़थ लेत्‍तक।

नेहेम्‍याह 4:15 ပူးပေါင်းရင်းမြစ်များ

२ सामुएल 15:31

मिनु दाऊद कली अहीथोफेल मरिम्‍शो पाइ‍ब आन दातेम अब्‍सालोम नु बाक्‍त देंशो लोव़ नेंपदमे बाक्‍त। मिनु दाऊदम “परमप्रभु यावे अहीथोफेल आ अर्ती शोर गाक्‍शो सेलीन” दे पुंना बाक्‍त। २सामुएल १७:१४

२ सामुएल 17:14

मिनु अब्‍सालोम नु इस्राएली नेल्‍लेमी “अहीथोफेल आ अर्ती क्‍येङा अरकी आ हुशाइमी गेशो अर्ती रिम्‍शो बाक्‍ब” देंमा बाक्‍त। मारदे हना परमप्रभु यावेमी अहीथोफेल आ अर्ती क्‍याम्‍शा, अब्‍सालोम कली खतम पोक्‍चा कली मो पवा बाक्‍त। २सामुएल १५:३१-३४

नेहेम्‍याह 4:16

मेको नाक्‍त ङा मेरे गो आंइ उइक्‍थ मुरपुकीमी गारो प्रोव़शा बाक्‍शो। मिनु लीशो उइक्‍थ मुरपुकीमी तूतीक, तेक्‍तीक नु लिब्रा कुरशा, फलाम के फेक्‍तीक फेक्‍शा बाक्‍तेक्‍म। मिनु ठेयब मुरपुकीमी गारो प्रोव़‍ब यहूदा ङा मुर नु गारशा, आन थुं बारपाइक्‍तेक्‍म।

हितोपदेस 21:30

मुर आन तुइक्‍तीक, रुप्‍तीके अर्ती गेतीके परमप्रभु यावे आ ङोंइती थम आइक्‍च बाक्‍ब। भजन संग्रह ३३:१०-११

यसैया 44:25

गो जोल पाइब आन नोले दुम्‍ब लोव़ शोर गाक्‍शो सेल्‍नुङ। लिंक्‍यु कोव़ब आन निप्‍स क्‍यातामी। जोक्‍ब तुइक्‍ब आन कली दिप्‍शा, मेको आन जोक्‍तीके तुइक्‍तीके नेल्‍ल मूर्ख सेल्‍ता। यसैया २९:१४

यसैया 8:10

गे सल्‍ला पा लोव़सी गारपाइक्‍नीनी, तन्‍न मेको शोर गाक्‍शो दुम्‍ब। लोव़ पने, तन्‍न इन लोव़ मगाप्‍ब। मारदे हना परमप्रभु गो नु बाक्‍ब।

मर्कूस 13:34

दोदेंशो दुम्‍ब देंशा हना, मुर का तेइ तेइ हिरथ लमेनु, लचा ङोंइती आ गेय पाइब आन कली का का पा आन गेय योक्‍शा, लाप्‍चो खाल पाइब कली ‘गेना हना यो लां कोव़शा बाक्‍को’ दे माइश्‍शा लाइब।

रोमी 12:11

पचा माल्‍शो गेय अल्‍सी मपथु पने। परमप्रभु यावे आ सोक्‍तीम इन थुंम मी ब्रशो खोदेंशो आ प्रभु कली गेय पने। प्रकाश ३:१५; प्रेरित १८:२५; कलस्‍सी ३:२३

१ थिस्‍सलोनिकी 4:11

गेपुकी दुशा बाक्‍कीन। आंम खिं ङा गेय ला मिम्‍तीने। आंमान गेय पना पन बाक्‍कीन। मेको इन कली अरेतीक लोव़ पाइतक। १थिस्‍सलोनिकी २:९; एफिसी ४:२८; २थिस्‍सलोनिकी ३:८,१२