नेहेम्‍याह 4:11 - Sunuwar Bible

¹¹ मिनु आंइ जोरी सत्रुपुकीमी “मेको आन मतुइक्‍थु, मतथु, मेको आन दातेमी जाक्‍दीश्‍शा, मेको आन कली साइश्‍शा, आन गेय थुम्‍पाइय्‍य” देंमुमा बाक्‍त।

नेहेम्‍याह 4:11 ပူးပေါင်းရင်းမြစ်များ

२ सामुएल 17:2

मेको दशा, आ थुं लुक्‍च लशा बाक्‍मेनु, मेको कली थित्‍नुङ। मिनु मेको नु बाक्‍ब मुर नेल्‍ल ब्रशा प्रोक्‍‍नीम। मिनु गो पिप कली ला साइक्‍नुङ, अरु सुइ मसाइक्‍नुङ।

नेहेम्‍याह 4:10

मिनु यहूदा ङा मुरपुकीमी “फुल्‍लु कुरब आन बोल जाम्‍ना जाम्‍न लत। मारदे हना शोर गाक्‍शो शी, फुल्‍लु नु खप शुश दुम्‍तीके, गोपुकी गारो प्रोव़ने मचाप्‍नीकी” दे गन गन पाम्‍तेक्‍म।

नेहेम्‍याह 4:12

तन्‍न मेको आन नेक्‍था बाक्‍ब गाउं गाउं ङा यहूदीपुकी आंइ बाक्‍तीक जाक्‍शा “आंइ जोरी सत्रु गोपुकी नु लडाइ पचा कली बुक्‍शा बाक्‍नीम” दे शुश खेयप देंतेक्‍म।

नेहेम्‍याह 4:9

गोपुकी चहिं आंइ परमप्रभु कली पुंइना पुंइन बाक्‍तक। मिनु गोपुकीमी “मारेइ पाइनीमी, कों” दे मेको आन कली कोव़शा, नाक्‍दो नाक्‍त खाल पाइबपुकी वोइक्‍तक।

भजन संग्रह 56:6

मिनु मेकोपुकीमी आं कली क्‍यारी पा बाप्‍शा साइक्‍चा माल्‍नीम।

यसैया 47:11

तन्‍न मुल गे शुश श्‍येत जाइनेवे। इ मन्‍तर तन्‍तरमी तिक्‍ने मचाप्‍नेवे। गे शुश हिंचा ङा श्‍येत जाइनेवे। गे मेको तेक्‍ने मचाप्‍नेवे। मुल सम्‍म मतुइश्‍शो जाम्‍तीक नु नुप्‍तीक इ तारी जाक्‍ब।

प्रेरित 23:12

मिनु आ दीसा सुनी यहूदीपुकीमी “पावल कली साइश्‍शो मतया सम्‍म मारेइ मजय, मतूय” दे कसम जशा, पावल कली साइक्‍चा सल्‍ला पामे बाक्‍त।

प्रेरित 23:21

मेको आन लोव़ मनेंचा। मारदे हना ४० जना क्‍येङा शुश मुरुमी पावल कली साइक्‍चा, दे लांम बाप्‍शा बाक्‍नीम। मेकोपुकीमी ‘पावल कली साइश्‍शो मतका सम्‍म मारेइ मजाइनीकी, मतूनीकी’ दे कसम जने थुम्‍तेक्‍म। मिनु हजुरमी पावल कली गेना सोइक्‍बा, तेको लां रे सोइक्‍बा, दे योव़की पा बाक्‍शो बाक्नीम” देंमाक्‍त।

१ थिस्‍सलोनिकी 5:2

मारदे हना गेपुकी प्रभु आ नाक्‍त खुइ खोदेंशो पा जाक्‍ब, दे तुइक्‍नीनी। मत्ती २४:४२-४४; २पत्रुस ३:१०; प्रकाश ३:३; प्रकाश १६:१५