नेहेम्‍याह 3:26 - Sunuwar Bible

²⁶ मेकेर रे बोइश्‍शा, पारोश आ तौ पेदायाह नु ओफेलम बाक्‍शो परमप्रभु यावे आ खिं ङा गेय पाइबपुकीमी नां दाप्‍तीक गे, ब्‍वाक्‍कु लाप्‍चो आइक्‍ची नु गारो ङा लाइश्‍शो खिं सम्‍म प्रोव़तेक्‍‍म।

नेहेम्‍याह 3:26 ပူးပေါင်းရင်းမြစ်များ

१ इतिहास 9:2

मिनु नेल्‍ल क्‍येङा ङोंइती लेंशा आंम थेरशो रू नु आंम आन सहरपुकीम बाक्‍ब सु सु बाक्‍मा बाक्‍त देंशा हना, इस्राएल ङा मुर, चढ़ेब, लेवी नु परमप्रभु यावे आ खिंम गेय पाइबपुकी बाक्‍मा बाक्‍त। यहोसु ९:२३,२७; एज्रा ८:२०

२ इतिहास 27:3

मेकोमी परमप्रभु यावे आ खिं ङा आइक्‍था ङा लाप्‍चो लेंशा सेला बाक्‍त। मिनु मेकोमी ओफेल ङा गारोम शुश गेय पा बोल्‍यो पा सेला बाक्‍त।

२ इतिहास 33:14

मिनु मेको लेश्‍शा नोले दाऊद आ सहर ङा लाङगाम अर्को गारो गिहोन आ पच्‍छिम गे सेला बाक्‍त। मेको ओफेल हिरशा, ङांइ लाप्‍चो सम्‍म सेला बाक्‍त। मेकोमी मेको गारो शुश दुइश्‍शो सेला बाक्‍त। मिनु मेकोमी यहूदा ङा बोल्‍यो सहर नेल्‍लेमी कप्‍तानपुकी वोइक्‍पदा बाक्‍त। २इतिहास २७:३

नेहेम्‍याह 10:28

मिनु लीशो मुरपुकी: चढ़ेबपुकी, लेवीपुकी, लाप्‍चो खाल पाइबपुकी, कुम्‍सो पाइबपुकी, परमप्रभु यावे आ खिंमी गेय पाइबपुकी नु परमप्रभु आ अरेशो पचा कली अर्को रागी ङा मुरपुकी रे तिल्‍सीशो वोंइश मुर, मीश मुर, आन तमी तौपुकी सु सु रुप्‍ने चाप्‍ब बाक्‍मा, मेको नेल्‍ल बाक्‍तेक्‍म।

नेहेम्‍याह 11:21

मिनु परमप्रभु यावे आ खिं ङा गेय पाइबपुकी यरूसलेम सहर ओफेल माइक्‍तीकेमी बाक्‍शो बाक्‍तेक्‍म। सीहा नु गिश्‍पा परमप्रभु यावे आ खिं ङा गेय पाइब आन कली कोव़ब बाक्‍ताक्‍से।

नेहेम्‍याह 12:37

मिनु मेकोपुकी ब्‍वाक्‍कु बुक्‍तीक लाप्‍चो गे लाम्‍तेक्‍म। मिनु क्रेसी ङोइश्‍शा, ग्‍येत्‍थ लशा, दाऊद आ सहर ङा गारो ङोइश्‍शा, दाऊद आ खिं लाक्‍शा, पूर्ब गे बाक्‍शो ब्‍वाक्‍कु लाप्‍चो गे लाम्‍तेक्‍म।

नेहेम्‍याह 3:27

मेकेर रे बोइश्‍शा, तेकोहा आ मुरपुकीमी ठेयब लाइश्‍शो खिं आ ङोंइती रे ओफेल ङा गारो सम्‍म प्रोव़तेक्‍म।

नेहेम्‍याह 8:1

मिनु ७ महिना थेक्‍चावानु, इस्राएली आंम आन आन सहरमी बाक्‍मानु, मुर नेल्‍ल थुं का दुम्‍शा, ब्‍वाक्‍कु लाप्‍चो आ नेक्‍था ङा ठेयब बाक्‍तीकेम बुक्‍तेक्‍म। मिनु मेकोपुकीमी परमप्रभु यावे आ लोव़ जोक्‍ब तुइक्‍ब चढ़ेब एज्रा कली “परमप्रभु यावेमी मोसा कली गेशो इस्राएली आन कली अरेशो लोव़ ङा किताब चाक्‍को” देंतेक्‍म। एज्रा ७:६

नेहेम्‍याह 8:16

मिनु मुरपुकी लशा, सेउला चाक्‍तेक्‍म। मिनु आन खिं तारी, आन लाङगामी, परमप्रभु आ खिं ङा लाङगामी, ब्‍वाक्‍कु लाप्‍चो आ नेक्‍थामी नु एफ्राइम लाप्‍चो आ नेक्‍थामी गोठ सेल्‍शा बाक्‍तेक्‍म। नेहेम्‍याह ८:१

नेहेम्‍याह 8:3

मोपा एज्रामी ब्‍वाक्‍कु लाप्‍चो आ नेक्‍था ङा बाक्‍तीकेमी सुनी रे नाक्‍त सम्‍म वोंइश मुर, मीश मुर नु लोव़ रुप्‍ने चाप्‍ब नेल्‍ल आन ङोंइती मेको किताब पढेप्‍तु। मिनु परमप्रभु यावे आ अरेशो लोव़ ङा किताब पढेवानु, नेल्‍लेमी नोफा दाइश्‍शा नेंतेक्‍म।

यसैया 32:14

मारदे हना दरवार ङा मुर नेल्‍ल प्रोक्‍नीम। शुश मुर बाक्‍शो सहर श्‍येत्‍थ दुम्‍ब। ओफेल माइश्‍शो ग्‍येत्‍थ लुक्‍च गाक्‍तीक लां नु मेकेर खाल पाइब मुर आन बाक्‍तीक गेना हना यो पुक्‍खी दुम्‍नीम। मेकेर ब्‍वाकी ङा गधा ग्‍येरसीशा बाक्‍नीम। मिनु क्‍यारश भेडा आन जोतीक दुम्‍ब।