नेहेम्‍याह 3:25 - Sunuwar Bible

²⁵ मेकेर रे बोइश्‍शा, उजाइ आ तौ पालालमी कुना नु पिप आ खिं आ नेक्‍था ङा लाइश्‍शो खिं आइक्‍ची एरे सम्‍म ङा गारो प्रोव़तु। येरमीया ३२:२

नेहेम्‍याह 3:25 ပူးပေါင်းရင်းမြစ်များ

एज्रा 2:3

पारोश आ चच युइ २,१७२

नेहेम्‍याह 12:39

मिनु नोले एफ्राइम लाप्‍चो, माइत गारो ङा ठेयब लाप्‍चो, ङांइ लाप्‍चो, हानानेल माइश्‍शो लाइश्‍शो खिं, मेआ माइश्‍शो लाइश्‍शो खिं लाक्‍शा, भेडा लाप्‍चो गे लाइतक। मिनु मेकोपुकी जेल्‍खान लाप्‍चोम जाक्‍दीशा नांइसाक्‍म।

नेहेम्‍याह 7:8

लेत्‍चा ताइब इस्राएली सु सु बाक्‍तेक्‍म देंशा हना, पारोश नु आ खिं ङा मुर २,१७२

नेहेम्‍याह 8:4

मिनु परमप्रभु यावे आ लोव़ जोक्‍ब तुइक्‍ब एज्रा मुर नेल्‍ल आन कली रिम्‍शो नेंपाइक्‍चा कली शी के सेल्‍शो लाइश्‍शो राप्‍तीकेमी राप्‍शो बाक्‍त। मेको आ ग्‍युरा गे मत्तीथ्‍‍याह, शेमा, आनायाह, उरीयाह, हिल्‍कीयाह नु मासेयाह राप्‍शो बाक्‍तेक्‍म। मिनु आ पेरा गे पेदायाह, मीशाएल, माल्‍कीयाह, हाशुम, हश्‍बादानाह, जकरिया नु मेशुल्‍लाम राप्‍शो बाक्‍तेक्‍म।

येरमीया 22:14

मेकोमी ‘गो आं कली तला तार शुश ठेयब कोठा पाइश्‍शो खिं का सेल्‍नुङ’ देंब। मेकोमी झेलपुकी सेल्‍ब। मेको कली लेबानोन ङा लाइश्‍शो रवा आ शीम क्‍येप्‍शा, मेको कली लल रङ ख्रेक्‍ब।

येरमीया 32:2

मेना बेबीलोन ङा पिप आ लडाइ पाइबपुकीम यरूसलेम पुम्‍ताक्‍म। परमप्रभु यावे आ लोव़ पाइब येरमीया चहिं यहूदा ङा पिप आ दरवार खाल पाइब मुर आ जेल्‍खानम बाक्‍त। मेको यहूदा ङा पिप आ लाङगाम बाक्‍त। २राजा २५:१-२

येरमीया 33:1

परमप्रभु यावेमी येरमीया कली पिप आ दरवार खाल पाइब मुर आ जेल्‍खानम बाक्‍मेनु निक्‍शी खेयप लोव़ पाप्‍तु। येरमीया ३२:२

येरमीया 37:21

मिनु पिप सिदकीयाह आ हुकुममी येरमीया पिप आ दरवार खाल पाइब मुर आ जेल्‍खानम वोइक्‍चा पुंइसाक्‍व। मिनु सहर ङा शोब्‍ले चोतीक रे मनुम्म सम्‍म, नाक्‍त किंत किंत मेको कली शोब्‍ले चाक्‍शा गेम्‍तेक्‍म। मोपा येरमीया पिप आ दरवार खाल पाइब आ जेल्‍खान ङा लाङगाम बाक्‍त। येरमीया ३२:२

येरमीया 38:13

मिनु मेकोपुकीमी डोरीम येरमीया कली इनार रे ग्रुंइताक्‍मे। मेको नोले येरमीया पिप आ दरवार खाल पाइब मुर आ जेल्‍खान ङा लाङगाम बाक्‍त।

येरमीया 39:8

कल्‍दीपुकीम पिप आ दरवार नु मुर आन खिंम मी सुइक्‍ताक्‍मे। मिनु यरूसलेम ङा गारो प्रेत्‍तेक्‍म।

मीका 4:8

आं बगाल बाक्‍तीक डांडा, सियोन आ तमी इ सांद मिग्‍दाल-एदेर सहर सम्‍म जाक्‍दीप्‍ब। गे ङोंइती ङा राज्‍य लेंशा ताइनेवे। यरूसलेम ङा तमीम आ राज्‍य लेंशा ताइ‍ब।