नेहेम्‍याह 2:8 - Sunuwar Bible

⁸ मिनु परमप्रभु यावे आ खिं आ नेक्‍था ङा बोल्‍यो खिं कली लाप्‍चो कली, सहर ङा गारो ङा ठेयब लाप्‍चो आन कली, नु आं बाक्‍तीक खिं कली शी माल्‍नुङ। इन ब्‍वाकी कोव़ब आसाफ कली आं माल्‍शो शी गेचा, दे यो ब्रेक्‍स का ब्रेक्‍शा गेयीनी” दे पुंइता। मिनु पिपमी आं पुंइशो नेल्‍ल गेती। मारदे हना आं परमप्रभु आ शिशी आं तारी बाक्‍त। एज्रा ७:६

नेहेम्‍याह 2:8 ပူးပေါင်းရင်းမြစ်များ

उत्पत्ती 32:28

मिनु मेकोमी “मुल ङा मेरे इ नें याकूब ममाइ, इ नें इस्राएल देंचा माल्‍नीम। मारदे हना गे परमप्रभु नु राम्‍शी पा ग्राते, मुर नु राम्‍शी पा यो ग्राते” देंमाक्‍त। उत्‍पत्ती ३५:१०; येरमीया २०:७

एज्रा 5:5

तन्‍न परमप्रभुमी यहूदी आन खाल्‍पा आन कली वारच पाप्‍तु। मिनु मेकोपुकी पिप दारा आ बाक्‍तीकेम आन ब्रेक्‍स जाक्‍दीश्‍शा, पिपमी मार देंबा, मेको लोव़ मनेन्‍मे सम्‍म, मेको गेय तेक्‍ने मचबेम। ब्‍यवस्‍था ११:१२; १राजा ८:२९

एज्रा 6:22

मिनु मेकोपुकीमी ग्‍येरशा ७ नाक्‍त सम्‍म बोरब ओख्‍ती मसुप्‍शो शोब्‍ले ङा चाड मानेम्‍‍तेक्‍म। मारदे हना परमप्रभु यावेमी मेको आन कली ग्‍येरपाइश्‍शो बाक्‍त। मेकोमी अस्‍सुर ङा पिप आ थुं हिरशा, मेको आन कली दाक्‍पाइश्‍शो बाक्‍त। मोपतीके मेको पिपमी इस्राएल ङा परमप्रभु आ खिं सेल्‍चा कली मेको आन कली वारच पाइक्‍तीमी।

एज्रा 6:8

मिनु गो हुकुम का पाइनुङ। गे यहूदी आन खाल्‍पा आन कली परमप्रभु आ खिं सेल्‍चा कली मार पचा माल्‍नीनी मेको यो इन कली हुकुम गेनन्‍नी। मेको सेल्‍तीक गेय पचा कली युफ्रेटीस आइक्‍ची हांबु ङा रागी रे पोक्‍शो तिरो रे पिप आ क्‍येट वोइक्‍तीक रे मेको आन कली माल्‍शो नेल्‍ल गेने।

एज्रा 7:6

मेको एज्रा बेबीलोन रागी रे जाक्‍त। मोसा रे पा गेशो, परमप्रभु यावे, इस्राएली आन परमप्रभु आ अरेशो लोव़ जोक्‍ब तुइक्‍ब बाक्‍त। मिनु पिपमी आ पुंइशो नेल्‍ल गेप्‍तु। मारदे हना आ परमप्रभु यावे आ गुइ मेको आ तारी बाक्‍त। एज्रा ८:१८-२२; नेहेम्‍याह २:८

एज्रा 7:9

मिनु ङोंइती ङा महिना ङा ङोंइती ङा नाक्‍तीमी बेबीलोन रागी रे यरूसलेम लचा गोम्‍तेक्‍म। मिनु मेकोपुकी ५ महिना ङा ङोंइती ङा नाक्‍तीमी यरूसलेम जाक्‍तेक्‍म। मारदे हना परमप्रभु यावे, आ परमप्रभु आ शिशी पतीक गुइ मेको आन तारी बाक्‍त।

नेहेम्‍याह 7:2

मिनु गो आं लोक्‍ब हानानी नु लडाइ पाइब आन नेल्‍ल क्‍येङा ठेयब मुर हनान्‍याह आस कली यरूसलेममी हुकुम पाइब सेल्‍तासी। मारदे हना शुश मुर आन क्‍येङा हनान्‍याह दीगो नु रिम्‍शो पाइब परमप्रभु कली मान पा हिंब बाक्‍त।

हितोपदेस 21:1

पिप आ थुं परमप्रभु यावे आ गुइमी खोला ङा ब्‍वाक्‍कु खोदेंशो बाक्‍ब। दोथ गे लाइक्‍चा दाक्‍ता, मोथ गे लाइक्‍ब। भजन संग्रह ३३:१५

उपदेसक 2:5

गो फल फुल रूपुकी नु बाक्‍तीकपुकी यो सेल्‍शा मेकेर नेल्‍ल खाल ङा फल फुल रवापुकी ख्रुम्‍तामी।

उपदेसक 2:6

रिम्‍शो पा बारना बारन ल‍शो रवा आन कली ब्‍वाक्‍कु लुक्‍चा कली ठेयब दोम्‍ली सेल्‍तामी।

यसैया 66:14

गेपुकी मेको कली तशा, शुश ग्‍येरशा, इन थुं बारपाइक्‍नीनी। गे घांस बारशो खोदेंशो पा बारनीनी” देंत। परमप्रभु यावेमी आ गेय पाइब आन कली वारच पाइब, दे मुर नेल्‍लेमी तुइक्‍नीम। मेको आ जोरी सत्रु आन पर्बम गाइक्‍ब।

दानीएल 1:9

मिनु परमप्रभुमी पिप आ ठेयब गेय पाइब आ थुंमी दानीएल कली शिशी पा दाक्‍तीकेमी प्रिंदा बाक्‍त। उत्‍पत्ती ३९:२१

प्रेरित 26:22

खेदा पा शुश श्‍येत गेयीमीनु, परमप्रभु यावेमी श्‍येत फाल्‍तीक सक्ति गेती। मोपतीके गो ठेयब थुं पा इन ङोंइती राप्‍शा, ठेयब मुर आइक्‍च मुर नेल्‍ल इन कली आं लोव़ मोसा नु परमप्रभु यावे आ लोव़ पाइब आन लोव़ नु गारब, दे रुपीन। लूका २४:४४-४७

प्रेरित 7:10

मिनु आ श्‍येत रे प्रोंइबाक्‍माक्‍त। मिनु योसेफ इजीप्‍त रागी ङा पिप फाराओ आं ङोंइती जाक्‍मेनु, मेकोमी आ जोक्‍तीक तुइक्‍तीक थुं तशा, योसेफ कली शुश दाक्‍शो बाक्‍माक्‍त। मिनु पिप फाराओम योसेफ कली आ रागी ङा ठेयब मुर सेला बाक्‍त।

२ कोरिन्‍थी 8:16

गो परमप्रभु यावे कली “गे रिम्‍शो पाइब बाक्‍नीनी” दे ठेयब सेल्‍नुङ। मारदे हना तीतसमी कोरिन्‍थी इन कली शुश मिम्‍ताक्‍व।