नेहेम्‍याह 2:7 - Sunuwar Bible

⁷ मिनु गोमी पिप कली “गे रिम्‍शो लाक्‍नीनी हना, युफ्रेटीस ठेयब खोला आ आइक्‍ची हांबुमी सासन पाइब मुर आन कली, आं कली यहूदा रागी सम्‍म ग्रीशा लचा गेचा कली ब्रेक्‍स का ब्रेक्‍शा गेयीनी।

नेहेम्‍याह 2:7 ပူးပေါင်းရင်းမြစ်များ

एज्रा 6:6

मिनु पिप दारामी “युफ्रेटीस आइक्‍ची हांबु ङा रागीमी हुकुम पाइब तत्तेनाइ, शेथार-बोजे‍नाइ नु इन गेय पाइबपुकी नु युफ्रेटीस आइक्‍ची हांबुम बाक्‍ब सोइश्‍शो नेल्‍ल इन कली

एज्रा 7:21

गो, पिप आरता-सास्‍तमी, युफ्रेटीस आइक्‍ची हांबु ङा रागी ङा क्‍येट कोव़शा वोइक्‍ब आन कली हुकुम गेतामी। नेल्‍ल आन कली ‘स्‍वर्ग ङा परमप्रभु आ अरेशो लोव़ जोक्‍ब तुइक्‍ब चढ़ेब एज्रामी इन कली मार पुंइतु हना यो, रीब पा गेने।

एज्रा 8:22

गो आंइ कली लांम आंइ जोरी सत्रु रे प्रोंइचा कली लडाइ पाइब नु शारा ङोइक्‍बपुकी सोइक्‍तीकी, दे पिप कली पुंइचा मुने पाता। मारदे हना गोपुकीमी पिप कली “आंइ परमप्रभुमी आ नोले खोइक्‍ब नेल्‍ल आन कली कोव़ब। तन्‍न मेको कली प्रोंइब आन कली आ गाइश्‍शो कोंइब” देंशो नङ।

एज्रा 8:36

मेकोपुकीमी पिपमी ब्रेक्‍शा अरेशो लोव़ युफ्रेटीस आइक्‍ची हांबु ङा रागी ङा पिप आ गेय पाइब नु हुकुम पाइब आन कली गेम्‍तेक्‍म। मिनु मेकोपुकीमी मुर आन कली नु परमप्रभु आ खिं कली ठेयब वारच पाइक्‍तेक्‍म।

नेहेम्‍याह 2:9

पिपमी आं कली वारच पाइक्‍चा कली सिपाइ आन ठेयब मुरपुकी नु शारा ङोइक्‍बपुकी यो गो नु काथा सोइक्‍ताक्‍व। मिनु युफ्रेटीस, ठेयब खोला आ आइक्‍ची हांबु ङा ठेयब मुर आन बाक्‍तीक जाक्‍दीश्‍शा, पिप आ ब्रेक्‍सपुकी गेतामी।

नेहेम्‍याह 3:7

मेकेर रे बोइश्‍शा, गिबोन ङा मेलत्‍याह नु मेरोनोथ ङा मुर यादोन, गिबोन नु मिस्‍पा ङा मुरपुकीमी प्रोव़तेक्‍म। मेकोपुकी युफ्रेटीस ओंथ हांबु ङा जिल्‍ला ङा सासन पाइब आ हुकुममी बाक्‍‍तेक्‍म।