नेहेम्‍याह 2:6 - Sunuwar Bible

⁶ मेना पिपीम पिप नु निश्‍शो बाक्‍त। मिनु पिपमी “मो पचा कली गिश नाक्‍त माल्‍नेवे? मिनु गेना लेश्‍शा जाक्‍नेवे?” दे हिल्‍लो पती। मिनु गो आं माल्‍शो नाक्‍त देंती। मिनु पिपम आं देंशो बिश्‍शा लचा गेती।

नेहेम्‍याह 2:6 ပူးပေါင်းရင်းမြစ်များ

नेहेम्‍याह 1:11

परमप्रभु, इन नोफा दाइक्‍तीन। मिनु इन नें कली मान पचा दाक्‍ब इन वाइल आन पुंइशो लोव़ यो नेनीन। मुलाक्‍ती आं पुंइशो खपीन। पिप आ ङोंइती गो शिशी तङल” दे पुंइता। मेना गो पिप कली तूचा गेब आन ठेयब मुर बाक्‍ती।

नेहेम्‍याह 13:6

मेको नेल्‍ल दुम्‍ची ना गो यरूसलेममी मबाक्‍शो बाक्‍ती। मारदे हना गो बेबीलोन ङा पिप आरता-सास्‍त ३२ बर्स जाक्‍दीम्‍मेनु, पिप आ बाक्‍तीकेमी लेत्‍ती। मिनु इच्‍का नोले “यरूसलेम लेश्‍शा, लचा गेयीनी” दे पिप कली पुंइता।

नेहेम्‍याह 2:4

मिनु पिपमी “गे मार माल्‍नेवे?” दे हिल्‍लो पती। मिनु गो आं थुंमी स्‍वर्गम बाक्‍ब परमप्रभु कली लोव़ पाता।

नेहेम्‍याह 2:5

मिनु गो पिप कली “गे दाक्‍नीनी नु इन शिशी ताता हना, आं किकी पिपी थिम्‍शो, यहूदा रागी ङा सहर कली लेंशा सेल्‍थ सोइक्‍तीनी” देंती।

नेहेम्‍याह 5:14

मिनु आरता-सास्‍त पिप दुम्‍शो २० बर्स दुम्‍मेनु, गो यहूदा रागीमी हुकुम पचा कली योव़चा पुंइसाक्‍यी। मेना रे मुल १२ बर्स दुम्‍त। मेको आरता-सास्‍त पिप दुम्‍शो ३२ बर्स दुम्‍त। मेको १२ बर्स सम्‍म गो नु आं लोक्‍बपुकीमी हुकुम पाइब आन ततीक जचा थोव़क मजक।

यसैया 58:12

मिनु गे इन साइ ङा ब्रेश्‍शो खिंपुकी लेंशा सेल्‍नीनी। साइ ङोंइती ङा सेल्‍शो जग लेंशा वोइक्‍नीनी। मिनु इन कली गारो सेल्‍ब, खिं सेल्‍ब नु लां लेंशा सेल्‍ब, दे नें वोइक्‍नीम। यसैया ६१:४

यसैया 61:4

मिनु मेकोपुकीमी साइ ङोंइती खतम दुम्‍शो ब्रेश्‍शो माइत खिंपुकी लेंशा सेल्‍नीम। मेकोमी ब्रेश्‍शो सहर लेंशा सेल्‍नीम। मिनु शुश पाला रे मुर मबाक्‍थु, श्‍‍येत्‍थ दुम्‍शो सहर लेंशा सेल्‍नीम। यसैया ५८:१२

यसैया 65:24

मिनु गो मेको आन पुंइचा क्‍येङा ङोंइती, लोव़ लेत्‍नुङमी। आन लोव़ पन पना नेंनुङ। यसैया ३०:१९; यसैया ५८:९

दानीएल 9:25

मोपतीके यरूसलेम लेंशा सेल्‍तीक लोव़ तेल लुक्‍शो पिप मजाक्‍म सम्‍म ७ हप्‍ता बाक्‍नीम। मिनु ६२ हप्‍ता लां नु खिं आ एर ओंथ लेंशा सेल्‍चा कली माल्‍ब, दे रुप्‍शा तुइक्‍तो। मेना श्‍येत जतीक ना बाक्‍ब।