नेहेम्‍याह 2:19 - Sunuwar Bible

¹⁹ मिनु होरोनी सान्‍बल्‍लत, आ गेय पाइब अम्‍मोनी तोबीयाह नु अराबी गेशेममी चहिं एको लोव़ नेंशा, आंइ कली शुक्‍शी पा ठेयब लेश्‍शा “गे मार पाइनीनी, हां? पिप आ सासन प्रोंइचा माल्‍नी?” दे हुइक्‍ताक्‍की।

नेहेम्‍याह 2:19 ပူးပေါင်းရင်းမြစ်များ

नेहेम्‍याह 13:28

मिनु नेल्‍ल क्‍येङा ठेयब चढ़ेब एल्‍याशीब आ चच, येहो-यादा आ तौमी होरोनी सान्‍बल्‍लत आ तमी का चाक्‍शो बाक्‍त। मोपतीके गो मेको कली आं ङोंइती रे ग्रुंइशा खेरता। नेहेम्‍याह २:१०,१९; नेहेम्‍याह १२:१०

नेहेम्‍याह 2:10

मिनु होरोनी सान्‍बल्‍लत नु आ गेय पाइब अम्‍मोनी तोबीयाह, निम्‍फा “इस्राएली आन कली रिम्‍शो पाइब का जाक्‍शो बाक्‍ब” देंशो नेंशा, थाम्‍पा चुरताक्‍स।

नेहेम्‍याह 4:1

“गो गारो प्रोव़ना प्रोव़‍न बाक्‍नीकी” देंशो लोव़ सान्‍बल्‍लतमी नेंशा, उरशा, शुश गाइश्‍शा, यहूदी आन पर्बम शुक्‍शी पाप्‍तु। नेहेम्‍याह २:१०,१९

नेहेम्‍याह 6:6

मिनु मेको ब्रेक्‍समी “अर्को जात ङा मुरपुकीमी ‘गे नु यहूदीपुकी गारशा सरकार कली तुल्‍चशो बाक्‍नीनी’ देंतेक्‍म। गेशेममी यो मोन देंत। मोपतीके गे गारो सेल्‍ना सेल्‍न बाक्‍नीनी। गे चहिं मेको आन पिप दुम्‍चा माल्‍शो बाक्‍नेवे, देंशो यो नेंसाक्‍व। नेहेम्‍याह २:१९; एज्रा ४:१२

नेहेम्‍याह 6:9

मिनु मेको नेल्‍लेमी आंइ कली हिंच कोंइचा माल्‍तेक्‍म। मेकोपुकीमी “एको गारो प्रोव़चा प्रोंइनीम। मथुम्‍नीम” दे मिम्‍त्‍मे बाक्‍त। मिनु गो “परमप्रभु, आं थुं बारपतीन” दे पुंइता।

अय्‍युब 30:1

मिनु अय्‍युबमी “मुल ठिटापुकी आं कली तशा शुक्‍शी पा रिस्‍साक्‍म। मेको आं क्‍येङा ठिटा बाक्‍नीम। मेको आन आफ आन कली गो आं क्‍‍यारश भेडा खाल पाइब कुचुमपुकी नु काथा वोइक्‍चा यो मशिरशो मिम्‍शो नङ। अय्‍युब १९:१८

भजन संग्रह 123:4

ठेयब लेश्‍शोपुकी नु मरिम्‍शो पाइबपुकीमी आंइ कली महिक्‍थु शुश श्‍येत गेतीके गो ब्रीताक्‍क।

भजन संग्रह 79:4

आंइ नेक्‍था बाक्‍ब मुरपुकीमी आंइ कली शुक्‍शी पाइक्‍नीम। मिनु आंइ एर ओंथ ङा मुरपुकीमी आंइ कली रिश्‍शा तोक्‍शा लोव़ पाइनीम। भजन संग्रह ४४:१४

भजन संग्रह 80:6

गे आंइ कली आंइ नेक्‍था ङा मुर आन कली जीब सेल्‍शो बाक्‍तीनी। मिनु आंइ जोरी सत्रुमी आंइ कली शुक्‍शी पाइब सेल्‍तीनी।

भजन संग्रह 80:7

मुर नेल्‍ल आन परमप्रभु, आंइ कली लेंशा सेल्‍की। इन कुल ङा छेङछेङ आंइ तार वोतीन। मिनु गो ब्रोंइने चाप्‍कल।

यसैया 36:5

गे इन फश लोव़म लडाइ दोपा पचा तुइक्‍तीक नु लडाइ पतीक सक्ति बाक्‍बा? गे आं कली मटिथु, सु कली आस पा थमा सुइक्‍नेवे?

येरमीया 20:8

गो लोव़ पची ना ठेयब सेंदा पा लोव़ पचा माल्‍नुङ। गो हुश ख्राक्‍श बोक्‍चा नु खतम दुम्‍चा आ पर्बम ला ग्रीनुङ। परमप्रभु यावे आ लोव़ नाक्‍त रेन आं कली शुक्‍शी पाइक्‍तीक नु मरिम्‍शो पाइक्‍तीके दुम्‍त।

येरमीया 41:10

मेको नोले इश्‍माएलमी, मिस्‍पाम बाक्‍शो लीशो मुर नेल्‍ल, पिप आ तमीपुकी नु अरु मुर नेल्‍ल आन कली ग्‍याइक्‍ताक्‍मी। मेको आन कली पिप कली कोव़ब आन कप्‍तान नेबुजरादानमी अहीकाम आ तौ गेदाल्‍याह आ गुइम गेशो बाक्‍त। मिनु नेथन्‍याह आ तौ इश्‍माएलम मेको नेल्‍ल आन कली ग्‍याइश्‍शा खोला आइक्‍ची हांबु अम्‍मोनी आन रागीम लाइक्‍चा कली गाक्‍त।

मत्ती 9:24

मिनु मेको आन कली “कतीने। एको आल बेक्‍शो ममाइ, इप्‍शो बाक्‍ब” दे माइक्‍तीमी। मेकोपुकीमी “मबाक्‍शो लोव़ पाइबाक्‍त” दे शुक्‍शी पाम्‍तेक्‍म। यूहन्‍ना ११:११,१४,२५

मर्कूस 5:40

मिनु मेकोपुकीमी आ देंशो थमा मसुदमे बाक्‍त। “हत्‍तै, दोदेंशो लोव़ पवा” देंमानु, येसुमी मेको आन कली ग्रुंइदीमी बाक्‍त। मिनु आल आ आंम आफ नु आ शेंसीब आन कली आल आ बाक्‍तीके ओंइदा बाक्‍त।

लूका 23:2

मिनु पिलातस आ ङोंइती राप्‍पाइश्‍शा “हजुर, एको मुरुमी मुर आन थुं क्‍याल्‍ब। ‘सिजर कली ममानेचा। तिरो थाप्‍चा ममाल्‍ब। गो ख्रीस्‍त नङ। मिनु गोन पिप नङ’ दे शेंना शेंन गाक्‍त” दे दोस गेमे बाक्‍त। प्रेरित २४:५; लूका २०:२५

यूहन्‍ना 19:12

मिनु येसु आ लोव़ नेंशा नोले पिलातसमी येसु कली प्रोंइशा सोइक्‍चा माल्‍तु। तन्‍न मेको यहूदीपुकीमी पिलातस कली “गे एको कली प्रोंइशा सोइक्‍ताक्‍नी हना, गे रोमी आन पिप सिजर आ वारच मननी। मिनु सुमी ‘गो पिप नङ’ देंबा, मेको सिजर आ जोरी सत्रु दुम्‍ब” देंतेक्‍म। प्रेरित १७:७

प्रेरित 24:5

मेको इन ङोंइती राप्‍पा वोइश्‍शो मुर कली गो रिम्‍शो पा तुइक्‍नीकी। मेको मुर थम हिंचा ङा रोइ खोदेंशो बाक्‍ब। रागी रागी हिरशा गाक्‍मेनु, यहूदी आन कली पोक्‍शा मरिम्‍शो पपाइक्‍बाक्‍त। एको नासरथ ङा दूली थमा सुइक्‍ब आन ठेयब मुर बाक्‍ब। प्रेरित १७:६

हिब्रू 11:36

का निक्‍शी शुक्‍शी लोव़ पा कोर्राम युक्‍शा, गुइ खोइली साङलोम पाइश्‍शा, जेल्‍खानम चोक्‍शा वोइक्‍चा पुंइसमा बाक्‍त। १राजा २२:२७; येरमीया २०:१-३; येरमीया ३७:११-१६