नेहेम्‍याह 2:15 - Sunuwar Bible

¹⁵ मिनु गो मेको नाक्‍दो बेंसी रे ग्‍येत्‍थ ङोइश्‍शा, गारो कोव़तामी। मिनु लेश्‍शा, लेंशा बेंसी लाप्‍चो रे सहर जाक्‍ती।

नेहेम्‍याह 2:15 ပူးပေါင်းရင်းမြစ်များ

२ सामुएल 15:23

पिप मोपा गाक्‍मेनु लांम बाक्‍ब मुर नेल्‍ल ङाक्‍मा बाक्‍त। पिप किद्रोन खोला शोक्‍शा गोरशो रागी गे लमा बाक्‍त।

२ इतिहास 26:9

मेकोमी यरूसलेमम गारो ङा सुर ङा ठेयब लाप्‍चो, बेंसी ङा ठेयब लाप्‍चो नु गारो आ सुर हिरतीकेमी यो लाइश्‍शो खिंपुकी सेला बाक्‍त। मिनु मेको कली बोल्‍यो सेला बाक्‍त।

नेहेम्‍याह 2:16

मिनु सहर ङा ठेयब मुरपुकीम गो ते लङा नु मार पङा, मारेइ मतुइक्‍तेम। मारदे हना गो मेना सम्‍म यहूदी, चढ़ेब, मान ताइब, ठेयब मुर नु अरु आन कली मारेइ मशेंदुमी।

नेहेम्‍याह 3:13

मिनु मेकेर रे बोइश्‍शा, हानुन नु जानोह ङा मुरपुकीमी बेंसी लाप्‍चो सेल्‍‍तेक्‍म। मेकोपुकीमी ठेयब लाप्‍चो सेल्‍शा, थारशा, लाप्‍चो चोक्‍तीक आग्‍लो वोइक्‍तेक्‍म। मिनु मेकोपुकीमी मोव़ल लाप्‍चो माइश्‍शो ठेयब लाप्‍चो सम्‍म, हजार का कुबीत गारो प्रोव़तेक्‍म। कुबीत का आधा मिटर खोदेंशो बाक्‍ब।

यूहन्‍ना 18:1

मिनु येसुमी परमप्रभु यावे नु मेको लोव़ पने थुम्‍शा, आ शेंसीबपुकी नु किद्रोन खोल्‍सा आइक्‍ची हांबु लाम्‍तेक्‍म। मेकेर फल फुल रवा बाक्‍शो रिम्‍शो बाक्‍तीक बाक्‍त। मिनु येसु आ शेंसीबपुकी नु मेकेर ओव़तेक्‍म।