नेहेम्‍याह 2:13 - Sunuwar Bible

¹³ मेको नाक्‍दो गो बेंसी लाप्‍चो रे ठेयब बुस्‍स माइश्‍शो ब्‍वाक्‍कु बुक्‍तीके नु मोव़ल लाप्‍चो गे लती। मिनु यरूसलेम ङा ब्रेश्‍शो गारो नु मीम दुप्‍शो ठेयब लाप्‍चोपुकी कोव़तामी।

नेहेम्‍याह 2:13 ပူးပေါင်းရင်းမြစ်များ

२ इतिहास 26:9

मेकोमी यरूसलेमम गारो ङा सुर ङा ठेयब लाप्‍चो, बेंसी ङा ठेयब लाप्‍चो नु गारो आ सुर हिरतीकेमी यो लाइश्‍शो खिंपुकी सेला बाक्‍त। मिनु मेको कली बोल्‍यो सेला बाक्‍त।

नेहेम्‍याह 1:3

मिनु मेकोपुकीमी आं कली “ग्‍याइक्‍चा मपुंइसीशो मेक उइ लीशोपुकीम शुश श्‍येत जशा, खेदा पचा पुंइसीना सीन बाक्‍नीम। यरूसलेम ङा गारो ब्रेश्‍शो बाक्‍ब। मेकेर ङा ठेयब लाप्‍चोपुकी मीम दुप्‍शो बाक्‍नीम” देंतेक्‍म। २इतिहास ३६:१९

नेहेम्‍याह 12:31

मिनु गो यहूदा रागी ङा ठेयब मुर आन कली गारो तार ङोइक्‍पाइक्‍तामी। परमप्रभु यावे कली ठेयब सेल्‍ब कुम्‍सो पाइब आन कली ठेयब हुल निक्‍शी पा वोइक्‍ता। हुल का गारो तारी ग्‍युरा गे पा, मोव़ल लाप्‍चो गे लाम्‍तेक्‍म।

नेहेम्‍याह 2:12

मिनु नोले गो नाक्‍दो बोक्‍शा, का निक्‍शी मुर नु गारो कोव़थ लती। तन्‍न आं परमप्रभुमी आं थुंमी यरूसलेम आ पर्बम वोइश्‍शो लोव़ सुइ आन कली मशेंदुमी। मिनु गो आं ङोइश्‍शो शारा ङा लाक्‍शा, अरु शारा मलदु।

नेहेम्‍याह 2:15

मिनु गो मेको नाक्‍दो बेंसी रे ग्‍येत्‍थ ङोइश्‍शा, गारो कोव़तामी। मिनु लेश्‍शा, लेंशा बेंसी लाप्‍चो रे सहर जाक्‍ती।

नेहेम्‍याह 2:17

मिनु मेको नोले गो सहर ङा मुर नेल्‍ल आन कली “गे गो आंइ खतम दुम्‍‍शो नेल्‍ल तुइक्‍नीनी। यरूसलेम यो खतम दुम्‍शो बाक्‍ब। मिनु गारो ङा ठेयब लाप्‍चोपुकी मीम दुप्‍शो बाक्‍नीम। लो, गो नेल्‍ल गारशा, यरूसलेम ङा गारो सेल्‍शा, आंइ मुने साम्‍य” दे माइक्‍ता‍मी।

नेहेम्‍याह 2:3

मिनु “हजुर, गेना हना यो ब्रोंइशा बाक्‍कीन। आं किकी पिपी आन कली थिम्‍शो सहर, खतम दुम्‍शो बाक्‍ब। मिनु गारो ङा ठेयब लाप्‍चो मीम दुप्‍शो बाक्‍नीम। मिनु गो दोपा सुर्ता मपाइनुङा ङा?” देंती।

येरमीया 5:10

परमप्रभु यावेम आं कली “गे मेको आन अङगुर बोट दिम्‍शा ताइश्‍शा पावो। तन्‍न नेल्‍ल श्‍येत्‍थ मपोक्‍को। मेको आ राशी इत्‍तो। मारदे हना मेको परमप्रभु यावे आ मुर मनम।