नेहेम्‍याह 13:28 - Sunuwar Bible

²⁸ मिनु नेल्‍ल क्‍येङा ठेयब चढ़ेब एल्‍याशीब आ चच, येहो-यादा आ तौमी होरोनी सान्‍बल्‍लत आ तमी का चाक्‍शो बाक्‍त। मोपतीके गो मेको कली आं ङोंइती रे ग्रुंइशा खेरता। नेहेम्‍याह २:१०,१९; नेहेम्‍याह १२:१०

नेहेम्‍याह 13:28 ပူးပေါင်းရင်းမြစ်များ

एज्रा 10:8

मिनु हुकुम पाइब नु खाल्‍पापुकीमी “सुइ मुर नाक्‍त सां सम्‍ममी मजाक्‍त हना, मेको आ शोंप नेल्‍ल रोइक्‍चा पुंइसीब। मिनु लेश्‍शा जाक्‍शो ग्‍याइश्‍शा लाइक्‍चा पुंइसीब आन दाते रे तिल्‍चा पुंइसीब” दे यहूदा नु यरूसलेम ङा तेइ तेइ लोव़ सोइक्‍ताक्‍म।

नेहेम्‍याह 12:10

येशुआ योयाकीम आ आफ बाक्‍त। योयाकीम एल्‍याशीब आ आफ बाक्‍त। एल्‍याशीब यो-यादा आ आफ बाक्‍त। नेहेम्‍याह ३:१

नेहेम्‍याह 12:22

पारसी ङा पिप दारा आ पालामी चढ़ेब नु लेवी आन खिं ङा ठेयब मुर आन नें ब्रेक्‍शा वोइश्‍शो बाक्‍त। चढ़ेब आन नेल्‍ल क्‍येङा ठेयब चढ़ेब एल्‍याशीब, यो-यादा, योहानान नु यादुअ आन पाला सम्‍म आन खिं ङा ठेयब मुर आन नें ब्रेक्‍शो बाक्‍तेक्‍म।

नेहेम्‍याह 13:25

मिनु गो मेकोपुकी नु जि‍शा, सराप पाइश्‍शा, का निक्‍शी आन कली तुप्‍शा, आन चां रोक्‍ताक्‍ङमी। मिनु मेको आन कली परमप्रभु आ नेंमी लोव़ पाइक्‍तामी। “गे इन तमीपुकी मेको आन तौ कली गेतीनी नु आन तमी इन तौ आन कली चाक्‍तीनी हना, आंइ कली खतम दुम्‍पाइक्‍नीनी” देंती। ब्‍‍यवस्‍था ७:३

नेहेम्‍याह 2:10

मिनु होरोनी सान्‍बल्‍लत नु आ गेय पाइब अम्‍मोनी तोबीयाह, निम्‍फा “इस्राएली आन कली रिम्‍शो पाइब का जाक्‍शो बाक्‍ब” देंशो नेंशा, थाम्‍पा चुरताक्‍स।

नेहेम्‍याह 2:19

मिनु होरोनी सान्‍बल्‍लत, आ गेय पाइब अम्‍मोनी तोबीयाह नु अराबी गेशेममी चहिं एको लोव़ नेंशा, आंइ कली शुक्‍शी पा ठेयब लेश्‍शा “गे मार पाइनीनी, हां? पिप आ सासन प्रोंइचा माल्‍नी?” दे हुइक्‍ताक्‍की।

नेहेम्‍याह 3:1

नेल्‍ल क्‍येङा ठेयब चढ़ेब एल्‍याशीब नु चढ़ेबपुकीमी भेडा लाप्‍चो सेल्‍तेक्‍म। मिनु ठेयब लाप्‍चो सेल्‍ने थुम्‍शा “परमप्रभु के बाक्‍ब” दे थारतेक्‍म। मिनु मेकोपुकीमी मेआ माइश्‍शो लाइश्‍शो खिं नु हानानेल माइश्‍शो लाइश्‍शो खिं सम्‍म गारो प्रोव़ना प्रोव़न “परमप्रभु के बाक्‍ब” दे वोइक्‍तेक्‍म। नेहेम्‍याह १२:१; येरमीया ३१:३८

नेहेम्‍याह 4:1

“गो गारो प्रोव़ना प्रोव़‍न बाक्‍नीकी” देंशो लोव़ सान्‍बल्‍लतमी नेंशा, उरशा, शुश गाइश्‍शा, यहूदी आन पर्बम शुक्‍शी पाप्‍तु। नेहेम्‍याह २:१०,१९

भजन संग्रह 101:8

गो सुनी कुस कुस रागीम बाक्‍ब परमप्रभु आ अरेशो लोव़ मटीब आन कली खतम सेल्‍नुङमी। मोपा परमप्रभु यावे आ सहरम बाक्‍ब मरिम्‍शो पाइब मलीनीम। हितोपदेस २०:२६

हितोपदेस 20:26

जोक्‍‍ब तुइक्‍ब पिपमी परमप्रभु यावे आ अरेशो मटीब आन कली तिल्‍ब। मिनु मेको आन कली साइक्‍ब।

हितोपदेस 20:8

निसाफ पाइब नित्‍तीकेम निश्‍शो पिपमी कोव़शा, रिम्‍शो नु मरिम्‍शो नेल्‍ल तिल्‍ब। भजन संग्रह १०१:३