नेहेम्‍याह 13:26 - Sunuwar Bible

²⁶ मिनु “इस्राएल ङा पिप सोलोमनमी मोदेंशो मीश चाक्‍शा पाप पवा, ममाइ? शुश रागी आन दातेमी मेको खोदेंशो पिप सुइ मबाक्‍म। मिनु परमप्रभुमी मेको कली दाक्‍शा, इस्राएली नेल्‍ल आन पिप सेल्‍शो बाक्‍त। मोदेंशो बाक्‍त हना यो, अर्को रागी ङा मीश मुरपुकीमी मेको कली पाप पपाइश्‍शो बाक्‍तेक्‍म। १राजा ११:३-८

नेहेम्‍याह 13:26 ပူးပေါင်းရင်းမြစ်များ

१ राजा 21:25

आहाबम आ मीश इजेबेल आ लोव़ नेंशा, परमप्रभु यावे आ ङोंइती काइ मरिम्‍शो पवा बाक्‍त। मोदेंशो मुर अर्को सुइ मबाक्‍मा बाक्‍त।

१ राजा 3:12

मुल गो इ पुंइशो गे‍नुङ। गो थमा पा इ कली जोक्‍तीक तुइक्‍तीक थुं नु रुप्‍तीक थुं गेनन। ङोंइती इ खोदेंशो अर्को सुइ मबाक्‍म। मिनु नोले यो इ खोदेंशो सुइ मदुम्‍नीम। ब्‍यवस्‍था २६:१४

१ राजा 3:13

मेको प्रोंइशा यो, गो अर्को इ मपुंइशो यो गेनन। गे मबेक्‍ङे सम्‍म इ कली शोंप नु मान ततीके यो गेनन। तेकोइ पिपपुकी गे नु उइक्‍थ मदुम्‍नीम। मत्ती ६:३३

१ राजा 4:1

मोपा पिप सोलोमनम इस्राएल नेल्‍लेम सासन पवा बाक्‍त।

२ इतिहास 1:12

मोपतीके गो इ कली रुप्‍तीक नु तुइक्‍तीक थुं गेनन। मिनु गो इ कली शुश क्‍येट, शोंप नु मान ततीके यो गेनन। मेको इ क्‍येङा ङोंइती नु इ क्‍येङा नोले ङा तेकोइ पिपपुकीम मतशो बाक्‍नीम” दे मदा बाक्‍त।

२ इतिहास 9:22

मोपा पिप सोलोमन शोंप पाइश्‍शो नु रुप्‍तीक थुंम रागी ङा पिप नेल्‍ल आन क्‍येङा ठेयब दुम्‍माक्‍त।

हितोपदेस 31:3

इ बोल मीश मुर आन कली मगेवो। मेको हेंथे गाक्‍बपुकीमी पिप आन कली खतम सेल्‍नीम। ब्‍यवस्‍था १७:१७; १राजा ११:१,४

उपदेसक 7:26

मेको बेक्‍तीक क्‍‍येङा मरिम्‍शो ब्‍वारद दाइश्‍शो खोदेंशो मीश मुर बाक्‍त। मेको आ थुं थेम्‍लु नु मेको आ गुइ चहिं पाइक्‍‍तीक साङलो बाक्‍त। सुम परमप्रभु कली ग्‍येरपाइक्‍बा, मेको रे ब्रोंइब। तन्‍न मेकोमी पाप पाइब कली चहिं आ ग्‍याइलीम रेप्‍ब। हितोपदेस २:१६-२२