नेहेम्‍याह 13:14 - Sunuwar Bible

¹⁴ गो परमप्रभु यावे कली “आं परमप्रभु, इन खिं कोव़शा नु मेकेर ङा पशो रिम्‍शो पतीक मप्रें‍दीन। आं कली मिम्‍तीन” देंती। नेहेम्‍याह ५:१९

नेहेम्‍याह 13:14 ပူးပေါင်းရင်းမြစ်များ

२ राजा 20:3

मेकोमी “परमप्रभु यावे, गो इन ङोंइती रिम्‍शो पा बाक्‍ती। गो इन कली गेनायो मप्रोंइथु आं थुं नेल्‍लेमी इन नोले खोइक्‍ता। इन ङोंइती मार रिम्‍शो बाक्‍मे, मेको पाता, मेको मिम्‍तीन” दे आ थुं खाइश्‍शा ङाक्‍माक्‍त।

१ इतिहास 29:3

मेको आं परमप्रभु आ बाक्‍तीके सेल्‍चा कली खुप्‍शा वोइश्‍शो मार मार प्रोंइशा यो आं परमप्रभु आ खिं सेल्‍चा थाम्‍पा दाक्‍तीके गो आंम आं सुन नु चांदी परमप्रभु आ खिं सेल्‍चा कली गेता।

२ इतिहास 24:16

मिनु मुरपुकीम मेको कली दाऊद आ सहरम पिप आन कली थिम्‍तीकेमी थिम्‍मे बाक्‍त। मारदे हना मेकोमी इस्राएलमी रिम्‍शो पवा बाक्‍त। परमप्रभु नु आ खिं कली यो थम रिम्‍शो पवा बाक्‍त।

एज्रा 7:20

मिनु इन परमप्रभु आ खिं कली मारेइ माल्‍ताक्‍व हना, मेको पिप आ क्‍येट वोइक्‍तीक रे शोल्‍शा, गेय पने चाप्‍नीनी।

एज्रा 7:24

मिनु गो इन कली मार तुइक्‍पाइक्‍चा दाक्‍नीकी देंशा हना, चढ़ेब, लेवी, कुम्‍सो पाइब, लाप्‍चो खाल पाइब, परमप्रभु आ खिंमी गेय पाइब नु अरु गेय पाइब आन कली पिप कली गेतीक क्‍येट नु तिरो पोक्‍चा मताइनीम’ दे हुकुम गे‍नन्‍नी।

एज्रा 7:27

मिनु एज्रामी “परमप्रभु यावे, आंइ किकी पिपी आन परमप्रभु, गे ठेयब बाक्‍नीनी। यरूसलेममी बाक्‍शो परमप्रभु यावे, इन खिं आ मान नु छेङछेङ बारपाइक्‍चा कली पिप आ थुंमी मोदेंशो रिम्‍शो पतीके कुर पाइतीनी।

नेहेम्‍याह 13:22

मिनु गो लेवी आन कली ब्रेश्‍शा “आंम कली ठीक सेल्‍सीने। नाइक्‍तीक नाक्‍त परमप्रभु यावे के बाक्‍ब, दे मानेचा कली ठेयब लाप्‍चोपुकी खाल पथ बाक्‍कीन” दे माइक्‍तामी। मिनु गो “आं परमप्रभु, आं ओदेंशो पशो यो मिम्‍तीन। मिनु इन ठेयब नु गेना हना यो दाक्‍तीके कोंइ‍दीनी” देंती।

नेहेम्‍याह 13:31

मिनु परमप्रभु आ खिं कली शी नु नेल्‍ल क्‍येङा ङोंइती सिश्‍शो फल चाक्‍चा आ पर्बम लोव़सी गारपाइक्‍ता। मिनु गो “आं परमप्रभु, आं पशो मिम्‍शा, आं कली रिम्‍शो पाइय्‍यीनी” देंती।

नेहेम्‍याह 5:19

गो परमप्रभु यावे कली “आं परमप्रभु, गो एको मुर आन कली मार मार रिम्‍शो पङा, मेको मप्रेंदीन” देंती। नेहेम्‍याह १३:१४,२२,३१

यसैया 38:3

“परमप्रभु यावे, गो इन ङोंइती थमा पा थुं निक्‍शी मपथु, बाक्‍ती। मेको मिम्‍तीने। गो इन ङोंइती नेल्‍ल रिम्‍शो पाता” देंत। मिनु हिज्‍कीयाह शुश ङाक्‍त। २राजा १८:२-६

हिब्रू 6:10

मारदे हना परमप्रभु यावे आ नेंमी अरु थमा सुइक्‍ब आन कली वारच पा रिम्‍शो पाइतीनी। मुल यो रिम्‍शो पाइनीनी। मिनु मेकोमी इन रिम्‍शो पशो गेनायो मप्रेंब। हिब्रू १०:३२-३४

प्रकाश 3:5

सु सुमी सैतान कली ग्रानीमी, मेको आन कली मोपा बुश वा फेक्‍चा गेनुङ। मिनु मेको आन नें परमप्रभु यावे नु ब्रोंइचा ताइब आन नें ब्रेक्‍शो किताब रे मक्‍याम्‍नुङ। गोमी आं आफ नु आ स्‍वर्ग ङा गेय पाइब आन ङोंइती ‘मेको आं मुर नम’ देंनुङ। प्रकाश ७:१३; लूका १०:२०; मत्ती १०:३२