नेहेम्‍याह 13:11 - Sunuwar Bible

¹¹ मोपतीके गो ठेयब मुर आन कली “परमप्रभु यावे आ खिं मारदे प्रोंइनी?” दे हुइक्‍ताक्‍ङमी। मिनु गो लेवी नु कुम्‍सो पाइब आन कली ब्रेश्‍शा, आन गेय पपाइक्‍तामी।

नेहेम्‍याह 13:11 ပူးပေါင်းရင်းမြစ်များ

नेहेम्‍याह 10:39

मिनु इस्राएली नु लेवीपुकीमी मेको चाक्‍शो अन्‍न, अङगुर शांबु नु तेल मार मार वोइक्‍तीक कोठाम चाक्‍चा माल्‍नीम। मारदे हना मेको परमप्रभु आ खिं ङा बोसपुकी वोइक्‍तीके बाक्‍त। मिनु मेकेर गेय पाइब चढ़ेबपुकी, लाप्‍चोम खाल पाइबपुकी नु कुम्‍सो पाइबपुकी यो मेकेर बाक्‍नीम। मिनु गोपुकीम “परमप्रभु आ खिं श्‍येत्‍थ मवोइय्‍‍य” दे आंइ थुं फ्रेंताक्‍क।

नेहेम्‍याह 13:17

मिनु यहूदा ङा ठेयब मुर आन कली हुइश्‍शा “नाइक्‍तीक नाक्‍त गे मार मरिम्‍शो गेय पनी? गे नाइक्‍तीक नाक्‍त अरु नाक्‍त खोदेंशो सेल्‍तीनी। गे मतुइक्‍तीनी?

नेहेम्‍याह 13:25

मिनु गो मेकोपुकी नु जि‍शा, सराप पाइश्‍शा, का निक्‍शी आन कली तुप्‍शा, आन चां रोक्‍ताक्‍ङमी। मिनु मेको आन कली परमप्रभु आ नेंमी लोव़ पाइक्‍तामी। “गे इन तमीपुकी मेको आन तौ कली गेतीनी नु आन तमी इन तौ आन कली चाक्‍तीनी हना, आंइ कली खतम दुम्‍पाइक्‍नीनी” देंती। ब्‍‍यवस्‍था ७:३

अय्‍युब 31:34

मारदे हना गो हुलपुकीम मार देंनीमी, दे हिंती। मिनु खिं खिं ङा आन शुक्‍शी पतीक रे शुश हिंती। मोपतीके गो सिक्‍सी पा बाक्‍‍ती। गो खिं रे मग्रूङ।

हितोपदेस 28:4

परमप्रभु यावे आ अरेशो प्रोंइबपुकीमी अरु अरेशो मटीब आन कली ठेयब सेल्‍नीम। तन्‍न परमप्रभु यावे आ अरेशो टीब मुरपुकीमी मरिम्‍शो पाइब आन कली तशा, मेको आन पर्बम सुर्ता पाइनीम।

१ सामुएल 2:17

मिनु मेको ठिटा आस मरिम्‍शो पशो परमप्रभु यावे आ ङोंइती ठेयब पाप दुम्‍माक्‍त। मारदे हना मुरपुकीमी परमप्रभु यावे कली चढ़ेशो आइक्‍च मिम्‍तसे बाक्‍त।