नेहेम्‍याह 13:1 - Sunuwar Bible

¹ मेको नाक्‍ती मुर आन ङोंइती मोसा आ ब्रेक्‍शो किताब पढेशो बाक्‍त। मिनु मेकेर मार ब्रेक्‍शो बाक्‍त देंशा हना “अम्‍मोन नु मोआब ङा मुरपुकी रे सुइ परमप्रभु आ मुर आन ग्रुम्‍तीकेमी गेनायो जाक्‍चा मताइनीम। ब्‍यवस्‍था २३:४-६

नेहेम्‍याह 13:1 ပူးပေါင်းရင်းမြစ်များ

२ राजा 23:2

मिनु पिप परमप्रभु यावे आ खिं लमाक्‍त। मिनु मेको नु यहूदा ङा मुर नेल्‍ल, यरूसलेम ङा मुर, चढ़ेबपुकी, परमप्रभु यावे आ लोव़ पाइबपुकी नु आइक्‍च नु ठेयब मुर नेल्‍ल पिप नु परमप्रभु यावे आ खिं लमा बाक्‍त। मिनु पिपमी नेल्‍ल नेंशा, परमप्रभु यावे आ खिंम थिश्‍शो कबल ङा लोव़ ब्रेक्‍शो कागज पढेवा बाक्‍त।

नेहेम्‍याह 13:23

मिनु मेना यो गो अश्‍दोदी, अम्‍मोनी नु मोआबी मीश आन कली चाक्‍ब यहूदी आन कली ग्रुम्‍तामी।

नेहेम्‍याह 2:10

मिनु होरोनी सान्‍बल्‍लत नु आ गेय पाइब अम्‍मोनी तोबीयाह, निम्‍फा “इस्राएली आन कली रिम्‍शो पाइब का जाक्‍शो बाक्‍ब” देंशो नेंशा, थाम्‍पा चुरताक्‍स।

नेहेम्‍याह 2:19

मिनु होरोनी सान्‍बल्‍लत, आ गेय पाइब अम्‍मोनी तोबीयाह नु अराबी गेशेममी चहिं एको लोव़ नेंशा, आंइ कली शुक्‍शी पा ठेयब लेश्‍शा “गे मार पाइनीनी, हां? पिप आ सासन प्रोंइचा माल्‍नी?” दे हुइक्‍ताक्‍की।

नेहेम्‍याह 4:3

मिनु अम्‍मोनी ङा तोबीयाह सान्‍बल्‍लत आ नेक्‍था बाक्‍शा “मेकोपुकीमी मेको प्रोव़तेक्‍म हना यो, सिवार का मेको तारी ङोंइसाक्‍व हना, नेल्‍ल ब्रेप्‍ब” देंत।

नेहेम्‍याह 8:2

मिनु ७ महिना ङा ङोंइती ङा नाक्‍तीमी चढ़ेब एज्रामी मेको किताब मुर आन ङोंइती चाक्‍तु। मेकेर वोंइश मुर, मीश मुरपुकी नु सु सु रुप्‍ने चाप्‍ब बाक्‍मा, मेको नेल्‍ल बुक्‍शो बाक्‍तेक्‍म। ब्‍यवस्‍था ३१:१०-१३

नेहेम्‍याह 9:3

मिनु नेल्‍ल आन बाक्‍तीकेमी राप्‍शा, घन्‍टा सां सम्‍म परमप्रभु यावे, आन परमप्रभु आ अरेशो लोव़ ङा किताब पढेशो नेंतेक्‍म। मिनु अर्को घन्‍टा सां सम्‍म चहिं आंम आंम आन मरिम्‍शो पशो शोव़ना शोव़न, परमप्रभु यावे आ ङोंइती बाप्‍शा, परमप्रभु यावे, आन परमप्रभु कली ठेयब सेल्‍ना सेल्‍न बाक्‍तेक्‍म।

यसैया 34:16

परमप्रभु यावे आ किताबम माल्‍शा पढेने। मेकेर नेल्‍ल ब्रेक्‍शो बाक्‍ब। मेको नेल्‍ल निक्‍शी निक्‍शी बाक्‍नीमी। मारदे हना परमप्रभु यावेमी लोव़ पा मेको आन कली अरेप्‍तु। आ सोक्‍तीमी मोदेंशो दुम्‍पाइश्‍शो बाक्‍ब। प्रस्‍थान ३२:३२

येरमीया 48:1

मुर नेल्‍ल आन परमप्रभु यावे, इस्राएली आन परमप्रभुमी मोआब आ पर्बम मार लोव़ पाप्‍तु देंशा हना “नेबो सहर मुर मबाक्‍तीके दुम्‍ब। किरयथ-थाइम मुने दोक्‍ब। मेको ब्रुत। मेको आ बोल्‍यो दरवार नेल्‍ल मुने तोक्‍शा प्रेश्‍शा ताइक्‍चा पुंइसाक्‍म।

आमोस 1:13

मिनु परमप्रभु यावेमी “गो अम्‍मोन आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोपुकीम गिलाद ङा आल कुरशो मीश मुर आन कोव़ज तरवारम चेत्‍तेक्‍म। मेको आन रागी ठेयब सेल्‍चा कली मो पाम्‍तेक्‍म। येरमीया ४९:१-६

गन्‍ती 22:5

मेकोमी आमाव रागी युफ्रेटीस माइश्‍शो ठेयब खोला आ नेक्‍था, पेथोर सहरम बाक्‍शो बेओर आ तौ बालाम कली मुरपुकी ब्रथ सोइक्‍ताक्‍व। मेकोपुकीमी “इजीप्‍त रे जाक्‍शो मुरुम रागी नेल्‍ल ब्रीतेक्‍म। मेकोपुकी आं नेक्‍था जाक्‍शा बाक्‍शो बाक्‍नीम। गन्‍ती ३१:८; यहोसु २४:९; मीका ६:५

लूका 10:26

मिनु येसुमी “परमप्रभु यावे आ अरेशो लोव़मी मार ब्रेक्‍शो बाक्‍मे? मेको मपढेनी?” देंमेनु,

प्रेरित 13:15

मिनु ग्रुम्‍तीक खिं ङा ठेयब मुरपुकीमी मोसा नु परमप्रभु यावे आ लोव़ पाइबमी ब्रेक्‍शो लोव़ पढेपा नेंपाइक्‍ने थुम्‍शा, पावल नु बारनाबास आस कली ब्रेश्‍शा “आंइ लोक्‍ब निक्‍शी, मुर आन कली शेंशा, आन थुं बारपाइक्‍चा ङा लोव़ बाक्‍त हना, शेंदीसे” दे आस कली लोव़ पचा गेमे बाक्‍त। प्रेरित १५:२१

प्रेरित 15:21

परमप्रभुमी मोसा कली ब्रेक्‍पाइश्‍शो लोव़ चहिं तुइक्‍नीम। मारदे हना साइ रे नाइक्‍तीक नाक्‍त इं ग्रुम्‍तीक खिंमी नेंशा तुइक्‍नीम” दे माइक्‍मी बाक्‍त। प्रेरित १३:१५