नेहेम्‍याह 12:47 - Sunuwar Bible

⁴⁷ मिनु इस्राएल ङा मुर नेल्‍लेमी जेरूब-बाबेल नु नेहेम्‍याह आस पालामी कुम्‍सो पाइब नु लाप्‍चो खाल पाइब आन कली नाक्‍त किंत किंत ङा माल्‍शो गेम्‍तेक्‍म। लेवी आन भाग वोइक्‍‍तेक्‍म। मिनु लेवीपुकीमी आन ताक्‍शो रे हारून आ चच युइ आन भाग वोइक्‍तेक्‍म। गन्‍ती १८:२६; नेहेम्‍याह १०:३९

नेहेम्‍याह 12:47 ပူးပေါင်းရင်းမြစ်များ

२ राजा 25:30

बेबीलोन ङा पिपमी मेको कली ब्रोंइम सम्‍म नाक्‍त किंत किंत आ माल्‍शो मारेइ मारेइ गेवा बाक्‍त।

२ राजा 7:10

मिनु मेकोपुकी लशा, सहर ङा ठेयब लाप्‍चो खाल पाइब आन कली ब्रेश्‍शा “गोपुकी अरामी आन बाक्‍तीक लाइतक। मिनु मेकेर मुर का यो मतक। मारेइ चाल चुल मबा। शारा नु गधापुकी पाइक्‍स ङा पाइक्‍स बाक्‍तेक्‍म। मिनु मुर आन ताम्‍बु यो मो प्रोंइशो बाक्‍तेक्‍म” देंमा बाक्‍त।

एज्रा 2:2

जेरूब-बाबेल नु बेबीलोन रे यरूसलेम जाक्‍ब येशुआ, नेहेम्‍याह सेरायाह, रेलायाह, मोरदेकै, बिल्‍शान, मिस्‍पार, बिग्‍वाइ, रेहुम नु बानाह जाक्‍शो बाक्‍तेक्‍म। मेको इस्राएली सु सु नु गिश मुर बाक्‍तेक्‍म देंशा हना,

नेहेम्‍याह 11:23

मिनु पिपमी मेको कुम्‍सो पाइब आन पर्बम आन नाक्‍त किंत किंत ङा पतीके आंमान ब्रेक्‍शा, अरेवा बाक्‍त। मेको आन कली मार मार गेचा, दे यो ब्रेक्‍शो बाक्‍त।

नेहेम्‍याह 12:1

शाल्‍तीएल आ तौ जेरूब-बाबेल नु येशुआ नु काथा लेश्‍शा जाक्‍ब चढ़ेब नु लेवीपुकी सु सु बाक्‍तेक्‍म देंशा हना, सेरायाह, येरमीया, एज्रा एज्रा २:२

नेहेम्‍याह 12:12

योयाकीम आ पालामी चढ़ेब आन खिं खिं ङा ठेयब मुर सु सु बाक्‍तेक्‍म देंशा हना, सेरायाह आ खिं ङा ठेयब मुर मेरायाह, येरमीया आ खिं ङा ठेयब मुर हनान्‍याह,

नेहेम्‍याह 12:26

मेको नेल्‍लेमी योसादाक आ चच, येशुआ आ तौ योयाकीम नु हुकुम पाइब नेहेम्‍याह नु परमप्रभु यावे आ लोव़ जोक्‍ब तुइक्‍ब चढ़ेब एज्रा आ पालामी मोदेंशो गेय पाइब बाक्‍तेक्‍म। १इतिहास ५:४०-४१

गलाती 6:6

ख्रीस्‍त आ लोव़ शेंचा पुंइसीबमी शेंब कली आ नु बाक्‍शो रिम्‍शो थोक्‍शा योक्‍शा गेवल। १कोरिन्‍थी ९:१४

ब्‍यवस्‍था 18:8

मेको नु आ मार मार लेयशो क्‍येट बाक्‍त हना यो, अरु चढ़ेब खोदेंशो पा उइक्‍थ उइक्‍थ जचा ताइब।