नेहेम्‍याह 12:39 - Sunuwar Bible

³⁹ मिनु नोले एफ्राइम लाप्‍चो, माइत गारो ङा ठेयब लाप्‍चो, ङांइ लाप्‍चो, हानानेल माइश्‍शो लाइश्‍शो खिं, मेआ माइश्‍शो लाइश्‍शो खिं लाक्‍शा, भेडा लाप्‍चो गे लाइतक। मिनु मेकोपुकी जेल्‍खान लाप्‍चोम जाक्‍दीशा नांइसाक्‍म।

नेहेम्‍याह 12:39 ပူးပေါင်းရင်းမြစ်များ

२ राजा 14:13

मिनु इस्राएल ङा पिप योआशमी यहूदा ङा पिप अहाज्‍याह आ चच, योआश आ तौ अमस्‍याह कली बेथ-शेमेशमी ग्‍याइक्‍ता बाक्‍त। मिनु मेको नोले योआश यरूसलेम लेश्‍शा जाक्‍माक्‍त। मिनु इस्राएल ङा पिपमी यरूसलेम ङा गारो एफ्राइम ङा ठेयब लाप्‍चो रे कुना ङा ठेयब लाप्‍चो सम्‍म ४ सहे कुबीत प्रेप्‍पदा बाक्‍त। कुबीत का आधा मिटर खोदेंशो बाक्‍ब।

नेहेम्‍याह 12:40

मेकेर जाक्‍शा, परमप्रभु कली “गे रिम्‍शो पाइब बाक्‍नीनी” दे कुम्‍सो पाइब आन हुल निक्‍शी परमप्रभु आ खिं आ ङोंइती राप्‍तेक्‍म। मिनु गो नु ठेयब मुर आन हुल का यो मेकेर बाक्‍तक।

नेहेम्‍याह 3:1

नेल्‍ल क्‍येङा ठेयब चढ़ेब एल्‍याशीब नु चढ़ेबपुकीमी भेडा लाप्‍चो सेल्‍तेक्‍म। मिनु ठेयब लाप्‍चो सेल्‍ने थुम्‍शा “परमप्रभु के बाक्‍ब” दे थारतेक्‍म। मिनु मेकोपुकीमी मेआ माइश्‍शो लाइश्‍शो खिं नु हानानेल माइश्‍शो लाइश्‍शो खिं सम्‍म गारो प्रोव़ना प्रोव़न “परमप्रभु के बाक्‍ब” दे वोइक्‍तेक्‍म। नेहेम्‍याह १२:१; येरमीया ३१:३८

नेहेम्‍याह 3:25

मेकेर रे बोइश्‍शा, उजाइ आ तौ पालालमी कुना नु पिप आ खिं आ नेक्‍था ङा लाइश्‍शो खिं आइक्‍ची एरे सम्‍म ङा गारो प्रोव़तु। येरमीया ३२:२

नेहेम्‍याह 3:3

मिनु हास्‍सेनाह आ तौपुकीमी ङांइ लाप्‍चो सेल्‍तेक्‍म। मेकोपुकीमी ठेयब लाप्‍चो ङा शी वोइश्‍शा, ठेयब लाप्‍चो थारशा, लाप्‍चो नु चोक्‍तीके आग्‍लो वोइक्‍तेक्‍म।

नेहेम्‍याह 3:6

माइत गारो ङा ठेयब लाप्‍चो पासेआह आ तौ यो-यादा नु बेसोदैयाह आ तौ मेशुल्‍लाममी सेल्‍ताक्‍स। मेकोमी ठेयब लाप्‍चो ङा शी वोइश्‍शा, लाप्‍चो थारशा, पाइक्‍तीक नु चोक्‍तीके आग्‍लो वोइक्‍तेक्‍म।

नेहेम्‍याह 8:16

मिनु मुरपुकी लशा, सेउला चाक्‍तेक्‍म। मिनु आन खिं तारी, आन लाङगामी, परमप्रभु आ खिं ङा लाङगामी, ब्‍वाक्‍कु लाप्‍चो आ नेक्‍थामी नु एफ्राइम लाप्‍चो आ नेक्‍थामी गोठ सेल्‍शा बाक्‍तेक्‍म। नेहेम्‍याह ८:१

येरमीया 31:38

परमप्रभु यावेम “हानानेल आ लाइश्‍शो खिं रे सुर ङा ठेयब लाप्‍चो सम्‍म आं नेंम लेंशा सहर सेल्‍तीक नाक्‍ती थमा पा जाक्‍ना जाक्‍न बाक्‍नीम।

येरमीया 32:2

मेना बेबीलोन ङा पिप आ लडाइ पाइबपुकीम यरूसलेम पुम्‍ताक्‍म। परमप्रभु यावे आ लोव़ पाइब येरमीया चहिं यहूदा ङा पिप आ दरवार खाल पाइब मुर आ जेल्‍खानम बाक्‍त। मेको यहूदा ङा पिप आ लाङगाम बाक्‍त। २राजा २५:१-२

सेफन्‍याह 1:10

मिनु परमप्रभु यावेमी “मेको नाक्‍त ङांइ लाप्‍चो रे ठेयब सेंदा पा ङाक्‍शो, नक सहर रे रोंका पशो नु डांडा रे पा ठेयब रेयके पशो नेंसीब।

यूहन्‍ना 5:2

यरूसलेम सहर कली गारोमी हिरशो बाक्‍ब। मेको गारोमी लाप्‍चोपुकी बाक्‍नीम। मेको गारो ङा ठेयब लाप्‍चो का कली भेडा लाप्‍चो देंनीम। मेको आ नेक्‍थामी हिब्रू लोव़मी बेथेस्‍दा माइश्‍शो दोम्‍ली का बाक्‍ब। मेको दोम्‍ली बाक्‍तीकेमी ५ ओटा पाटी खिं बाक्‍नीम। नेहेम्‍याह ३:१