नेहेम्‍याह 12:25 - Sunuwar Bible

²⁵ मत्तन्‍याह, बाकबुकीयाह, ओबदिया, मेशुल्‍लाम, ताल्‍मोन नु अक्‍कुब चहिं ठेयब लाप्‍चो आ नेक्‍था ङा मार मार वोइक्‍तीक कोठा ङा लाप्‍चो खाल पाइब बाक्‍तेक्‍म। २इतिहास ८:१४

नेहेम्‍याह 12:25 ပူးပေါင်းရင်းမြစ်များ

२ राजा 7:10

मिनु मेकोपुकी लशा, सहर ङा ठेयब लाप्‍चो खाल पाइब आन कली ब्रेश्‍शा “गोपुकी अरामी आन बाक्‍तीक लाइतक। मिनु मेकेर मुर का यो मतक। मारेइ चाल चुल मबा। शारा नु गधापुकी पाइक्‍स ङा पाइक्‍स बाक्‍तेक्‍म। मिनु मुर आन ताम्‍बु यो मो प्रोंइशो बाक्‍तेक्‍म” देंमा बाक्‍त।

१ इतिहास 23:32

मोपा मेकोपुकीमी ग्रुम्‍तीक ताम्‍बु नु चोव़खो बाक्‍तीक नेल्‍ल कोव़चा माल्‍मा बाक्‍त। मिनु मेकोपुकीमी हारून आ तौ चच आन दी बाक्‍शा परमप्रभु यावे आ खिं ङा गेय पचा माल्‍बाक्‍मा बाक्‍त।

१ इतिहास 26:12

परमप्रभु यावे आ खिं ङा लाप्‍चो खाल पाइब आन हुल नु आन ठेयब मुर आन खिं खिं ङा मुरपुकी खोदेंशो पा परमप्रभु यावे आ खिंम गेय पचा कली योव़शो बाक्‍मा बाक्‍त।

१ इतिहास 26:15

ओबेद-एदोम दक्‍खिन ङा ठेयब लाप्‍चो खाल पाइब दुम्‍माक्‍त। आ तौ आन गेय मार मार वोइक्‍तीक खिं कोव़तीक बाक्‍माक्‍त।

१ इतिहास 26:17

मिनु पूर्ब गे नाक्‍त किंत किंत ६ जना लेवी, उत्तर गे नाक्‍त किंत किंत ४ जना, दक्‍खिन गे नाक्‍त किंत किंत ४ जना खाल पाइब बाक्‍मा बाक्‍त। मार मार वोइक्‍तीक खिं खाल पचा कली नाक्‍त किंत किंत निक्‍‍निक्‍शी मुर बाक्‍सा बाक्‍त।

२ इतिहास 8:14

सोलोमन आ आफ दाऊदम ब्रेक्‍शो अरेशो लोव़ खोदेंशो पा, तेको चढ़ेबम गेना चढ़ेचा माल्‍बा, आन पालोम पतीक गेय नेल्‍ल देंशो बाक्‍माक्‍त। मिनु लेवीपुकीमी परमप्रभु यावे कली ठेयब सेल्‍तीक कुम्‍सो पचा कली नु चढ़ेब आन कली वारच पचा कली बाक्‍मा बाक्‍त। मिनु लाप्‍चो खाल पाइब आन कली आन हुल हुल पा योव़शा, तेको तेको लाप्‍चोम बाक्‍चा माल्‍दा मोपा वोइक्‍पाइश्‍शो बाक्‍माक्‍त। मारदे हना परमप्रभु आ मुर दाऊद मोदेंशो अरेशो बाक्‍त। १इतिहास २३:- १इतिहास २६:-

यसैया 21:8

मिनु कोव़ब मुरुमी गुप्‍स खोदेंशो पा, ठेयब सेंदा पा “परमप्रभु, गो नाक्‍दो नाक्‍ती खाल पतीकेमी खाल पा राप्‍शा बाक्‍शो बाक्‍नुङ।