नेहेम्‍याह 11:24 - Sunuwar Bible

²⁴ मिनु जेराह आ चच युइ रे मेशेजाबेल आ तौ पेथायाह बाक्‍त। मेको मशेजाबेल आ आफ बाक्‍त। मिनु जेराह आ आफ यहूदा बाक्‍त। मेको पेथायाह चहिं मुरपुकीम मार मार माल्‍नीमी, दे कोव़ब, पिप आ खिंम गेय पाइब बाक्‍त।

नेहेम्‍याह 11:24 ပူးပေါင်းရင်းမြစ်များ

उत्पत्ती 38:30

मिनु नोले लल श्‍येले पाइश्‍शो आल जरमेसे बाक्‍त। मिनु मेको आ नें जेराह वोदा बाक्‍त।

उत्पत्ती 46:12

यहूदा आ तौपुकी एर, ओनान, शेलाह, पेरेस नु जेराह बाक्‍मा बाक्‍त। एर नु ओनान चहिं कनान रागीम बेक्‍सा बाक्‍त। पेरेस आ तौ हेस्रोन नु हामुल बाक्‍सा बाक्‍त। उत्‍पत्ती ३८:३,४,२९,३०

१ इतिहास 18:17

येहो-यादा आ तौ बेनायाह केरेथी नु पेलेथी पिप कली खाल पाइब आन कप्‍तान बाक्‍माक्‍त। दाऊद आ तौपुकी चहिं पिप आ गेय पाइब आन ठेयब मुर बाक्‍मा बाक्‍त।

१ इतिहास 23:28

मेकोपुकीमी हारून आ तौ परमप्रभु यावे आ खिं ङा गेय पतीकेम वारच पचा माल्‍मा बाक्‍त। लाङगा नु कोठापुकी कोव़चा, चोव़खो थोव़कपुकी सफा पचा, परमप्रभु आ खिं ङा अरु गेय नेल्‍ल पचा माल्‍बाक्‍मा बाक्‍त।

नेहेम्‍याह 10:21

मेशेजाबेल, सादोक, यादुअ,

नेहेम्‍याह 3:4

मिनु मेकेर रे बोइश्‍शा, हककोस आ तौ उरीयाह आ तौ मेरेमोथमी गारो प्रोव़तु। मिनु मेकेर रे बोइश्‍शा, मेशेजाबेल आ तौ बेरेक्‍याह आ तौ मेशुल्‍लाममी सेल्‍तु। मेकेर रे बोइश्‍शा, बाना आ तौ सादोकमी प्रोव़तु।

गन्‍ती 26:20

यहूदा आ थर ङा मुर आन खिं खिं ङा मुरपुकी का का पा हिक्‍शोनु, शेलाह आ खिं खिं ङा मुरपुकी, पेरेस आ खिं खिं ङा मुरपुकी, जेराह आ खिं खिं ङा मुरपुकी बाक्‍तेक्‍म।

मत्ती 1:3

यहूदामी तामार रे पेरेस नु जेरह तौ निक्‍शी थिम्‍सी बाक्‍त। पेरेसमी हेस्रोन थि‍माक्‍त। हेस्रोनमी अराम थि‍माक्‍त। रूथ ४:१८-२२; उत्‍पत्ती ३८:२९-३०