नेहेम्‍याह 11:22 - Sunuwar Bible

²² यरूसलेममी बाक्‍ब लेवी आन कली कोव़ब सु सु बाक्‍तेक्‍म देंशा हना, बानी आ तौ उज्‍जी बाक्‍त। उज्‍जी आ आफ हशाब्‍याह बाक्‍त। हशाब्‍याह आ आफ मत्तन्‍याह बाक्‍त। मत्तन्‍याह आ आफ मीका बाक्‍त। मेको नेल्‍ले परमप्रभु आ खिंम कुम्‍सो पाइब शेंब आसाफ आ चच युइ बाक्‍तेक्‍म।

नेहेम्‍याह 11:22 ပူးပေါင်းရင်းမြစ်များ

२ सामुएल 9:12

मेफी-बोशेथ आ तौ का बाक्‍माक्‍त। मेको आ नें मीका बाक्‍माक्‍त। मिनु सीबा आ खिं ङा मुर नेल्‍ल मेफी-बोशेथ आ गेय पाइब दुम्‍मा बाक्‍त।

एज्रा 8:19

मिनु मेकोपुकीम यो हशाब्‍याह, मेरारी आ चच युइ येशायाह नु मेको आ लोक्‍ब नु मेको आन तौ २० जना यो चाक्‍तेक्‍म।

नेहेम्‍याह 10:11

मीका, रेहोब, हशाब्‍याह,

नेहेम्‍याह 10:13

होदीयाह, बानी नु बेनीनु आन नें ब्रेक्शो बाक्‍त।

नेहेम्‍याह 11:11

हिल्‍कीयाह आ तौ सेरायाह, हिल्‍कीयाह आ आफ मेशुल्‍लाम, मेशुल्‍लाम आ आफ सादोक, सादोक आ आफ मेरायोथ, मेरायोथ आ आफ अहीतुब चढ़ेब बाक्‍तेक्‍म। मिनु अहीतुब परमप्रभु आ खिं ङा ठेयब मुर बाक्‍त। २राजा २५:१८; एज्रा २:२

नेहेम्‍याह 11:14

मिनु मेको आन लोक्‍बपुकी महिंब ठेयब थुं पाइश्‍शो लडाइ पाइब वोंइश मुर बाक्‍तेक्‍म। मेको नेल्‍ल पा १२८ जना बाक्‍तेक्‍म। मेको आन ठेयब मुर हग्‍गेदोलीम आ तौ जब्‍दीएल बाक्‍त।

नेहेम्‍याह 11:9

जिक्री आ तौ योएल मेको आन कली कोव़ब, ठेयब मुर बाक्‍त। हास्‍सेनुआ आ तौ यहूदा योएल नोले सहर ङा ठेयब मुर दुम्‍शो बाक्‍त।

नेहेम्‍याह 12:35

मिनु चढ़ेब आन तौ का निक्‍शी तुराही ताप्‍बपुकी यो मेको आन नोले खोइक्‍तेक्‍म। योनाथन आ तौ जकरिया, योनाथन आ आफ शेमायाह, शेमायाह आ आफ मत्तन्‍याह, मत्तन्‍याह आ आफ मीकाया नु जाक्‍कुर आ आफ आसाफ बाक्‍त।

नेहेम्‍याह 12:42

मिनु मासेयाह, शेमायाह, एलाजर, उज्‍जी, येहो-हानान, माल्‍कीयाह, एलाम नु एजेर यो मेको नु बाक्‍तेक्‍म। मिनु कुम्‍सो पाइबपुकीमी येज्‍रायाह कुम्‍सो पाइब आन कली शेंब नु कुम्‍सो पाम्‍तेक्‍म।

नेहेम्‍याह 12:46

मारदे हना दाऊद नु आसाफ आस पालामी कुम्‍सो पाइब आन कली शेंब का बाक्‍शो बाक्‍त। मेना यो परमप्रभु कली ठेयब सेल्‍तीक नु “गे रिम्‍शो पाइब बाक्‍नीनी” दे कुम्‍सो पाइब बाक्‍शो बाक्‍तेक्‍म। १इतिहास २५:-

नेहेम्‍याह 13:13

मिनु गो चढ़ेब शेलेम्‍याह, ब्रेक्‍ब सादोक नु लेवी आ थर ङा पेदायाह मेको सांफा कली मार मार वोइक्‍तीक कोठा कोव़ब मुर सेल्‍तामी। मिनु मत्तन्‍याह, आ चच नु जाक्‍कुर आ तौ हानान कली मेको आन कली वारच पाइब सेल्‍ता। मेकोपुकी थमा सुइक्‍चा पुंइसीशो मुर बाक्‍तेक्‍म। मिनु मेको आन लोक्‍ब आन तचा ङा थोव़क गेचा माल्‍तेक्‍म।

नेहेम्‍याह 3:17

मेकेर रे बोइश्‍शा, लेवीपुकीमी प्रोव़तेक्‍म। बानी आ तौ रेहुम मेको आन कली कोव़ब बाक्‍त। मिनु मेकेर रे बोइश्‍शा, कैलाह सहर ङा उइक्‍थ जिल्‍लामी हुकुम पाइब, हशाब्‍याहमी प्रोव़तु।

नेहेम्‍याह 8:7

मिनु येशुआ, बानी, शेरेब्‍याह, यामीन, अक्‍कुब, शब्‍बेथाइ, होदीयाह, मासेयाह, केलीता, अजारयाह, योजाबाद, हानान, पेलायाह नु लेवीपुकीमी मुर आन कली परमप्रभु आ अरेशो लोव़ रुप्‍पाइक्‍तेक्‍म। मिनु मुर आन बाक्‍तीकेम राप्‍शा बाक्‍तेक्‍म।

प्रेरित 20:28

गे आंम कली कोव़ङीने। परमप्रभु यावे आ सोक्‍तीमी इन कली थमा सुइक्‍ब आन कली कोव़ब सेल्‍तु। गे परमप्रभु यावे आ मुर आन कली मुर आन कली कोव़ब रिम्‍शो गोठला दुमीन। मारदे हना मेकोपुकी आ तौ आ हुशेम ग्‍याप्‍शो बाक्‍नीमी। १तिमोथी ४:१६; १पत्रुस ५:२-४