नेहेम्‍याह 11:16 - Sunuwar Bible

¹⁶ मिनु लेवी आन ठेयब मुरपुकी शब्‍बेथाइ नु योजाबाद बाक्‍ताक्‍स। मेको निक्‍शी परमप्रभु आ खिं ङा लाङगा माल्‍शो मारेइ मारेइ गेय पचा कली कोव़ब वोइश्‍शो बाक्‍ताक्‍स।

नेहेम्‍याह 11:16 ပူးပေါင်းရင်းမြစ်များ

१ इतिहास 26:20

मिनु अरु लेवी आ थर ङा मुर आन गेय मार बाक्‍त देंशा हना, परमप्रभु आ खिं ङा मार मार शोंप वोइक्‍तीके नु मार मार परमप्रभु कली गेशो वोइक्‍तीके कोव़ब अहीयाह बाक्‍माक्‍त।

१ इतिहास 26:29

इच्‍हार आ थर ङा मुर आन दाते रे केनानीयाह नु आ तौ आन कली इस्राएली आन कली कोव़ब नु निसाफ पाइब बाक्‍मा बाक्‍त।

एज्रा 10:15

मिनु आसाहेल आ तौ योनाथन नु तिकवाह आ तौ याहजैयाह मबि‍स्‍सस। मेशुल्‍लाम नु शब्‍बेथाइ लेवी निक्‍शीमी मेको आस कली वारच पाइक्‍ताक्‍स।

एज्रा 8:33

मिनु आ दीसा मेको सुन चांदी नु बोसपुकी, आंइ परमप्रभु आ खिंमी लाइश्‍शा, चढ़ेब उरीयाह आ तौ मेरेमोथ कली नाक्‍शा गेतक। मेको नु फिने‍हास आ तौ एलाजर यो बाक्‍त। मिनु मेको निक्‍शी नु लेवी आन दाते ङा येशुआ आ तौ योजाबाद नु बिन्‍नुइ आ तौ नोआदीयाह यो बाक्‍ताक्‍स।

नेहेम्‍याह 11:15

लेवीपुकी सु सु बाक्‍तेक्‍म देंशा हना, हश्‍शुब आ तौ शेमायाह, हाश्‍शुब आ आफ अज्रीकाम, अज्रीकाम आ आफ हशाब्‍याह, हशाब्‍याह आ आफ बुन्‍नी बाक्‍त।

नेहेम्‍याह 11:17

मिनु मीका आ तौ मत्तन्‍याह बाक्‍त। मीका आ आफ जब्‍दी बाक्‍त। जब्‍दी आ आफ आसाफ बाक्‍त। आसाफमी परमप्रभु कली पुंइची ना “गे रिम्‍शो पाइब ननी” दे ठेयब सेल्‍शा, कुम्‍सो पपाइक्‍ब बाक्‍त। मेको आसाफ आ नोले ङा शेंब आ लोक्‍ब बाकबुकीयाह बाक्‍त। मिनु शम्‍मुआ आ तौ अब्‍दा, शम्‍मुआ आ आफ गालाल, गालाल आ आफ येदुथून बाक्‍त।

नेहेम्‍याह 8:7

मिनु येशुआ, बानी, शेरेब्‍याह, यामीन, अक्‍कुब, शब्‍बेथाइ, होदीयाह, मासेयाह, केलीता, अजारयाह, योजाबाद, हानान, पेलायाह नु लेवीपुकीमी मुर आन कली परमप्रभु आ अरेशो लोव़ रुप्‍पाइक्‍तेक्‍म। मिनु मुर आन बाक्‍तीकेम राप्‍शा बाक्‍तेक्‍म।