नेहेम्‍याह 10:31 - Sunuwar Bible

³¹ मिनु मेको रागी ङा मुरपुकीमी नाइक्‍तीक नाक्‍त मार मार लेयतीक थोव़क नु अन्‍न लेयथ चाक्‍तेक्‍म हना, गोपुकीमी नाइक्‍तीक नाक्‍त नु परमप्रभु आ ठेयब नाक्‍तीम मेको आन के मारेइ मग्‍याप्‍नीकी। मिनु गोपुकी ६ बर्स आ नोले ङा बर्सम मारेइ मख्रुम्‍नीकी। जेर गेशो बाक्‍तक हना यो, मेको बर्समी जेर नु आ चाइक्‍ब काइ मपोक्‍थु, प्रोंइनीकी। ब्‍यवस्‍था १५:१-११; नेहेम्‍याह ५:१०; नेहेम्‍याह १३:१५-१८; येरमीया १७:२१-२७

नेहेम्‍याह 10:31 ပူးပေါင်းရင်းမြစ်များ

२ इतिहास 36:21

मिनु परमप्रभु यावे आ लोव़ पाइब येरमीया रे पा देंशो परमप्रभु यावे आ लोव़ गाप्‍चा कली ७० बर्स मगाम सम्‍म इस्राएल रागीम आ नाइक्‍तीक नाक्‍ती मानेवा बाक्‍त। मेको रागीम ७० बर्स सम्‍म श्‍येत्‍थ दुम्‍मेनु, आ नाइक्‍तीक नाक्‍ती मानेवा बाक्‍त। येरमीया २५:११; लेवी २६:३४; बिलाप २:६

नेहेम्‍याह 13:23

मिनु मेना यो गो अश्‍दोदी, अम्‍मोनी नु मोआबी मीश आन कली चाक्‍ब यहूदी आन कली ग्रुम्‍तामी।

नेहेम्‍याह 13:27

मिनु मार, गोपुकीमी इन लोव़ नेंशा, इन खोदेंशो पा इं परमप्रभु कली शुश मरिम्‍शो पा, अर्को रागी ङा मीश चाक्‍नीनी?” दे हुइक्‍ताक्‍ङमी।

प्रस्‍थान 12:16

मिनु ७ नाक्‍त ङा ङोंइती नाक्‍ती नु नोले ङा नाक्‍ती परमप्रभु आ नेंमी ग्रुम्‍चा माल्‍नीनी। मिनु जचा थोव़क सेल्‍चा क्‍येङा लाक्‍शा, अरु गेय काइ मपने।

प्रस्‍थान 20:10

तन्‍न मेको आ नोले ङा नाक्‍त परमप्रभु यावे, इन परमप्रभु आ नाइक्‍तीक नाक्‍त बाक्‍ब। मेको नाक्‍ती गेपुकी काइ गेय मपने। इन तमी तौ, इन वाइलीम वाइल, इन बस्‍तु भाव, इन रागीम बाक्‍शो अर्को रागी ङा मुर आन कली यो काइ गेय मपपतीन। प्रस्‍थान ३१:१३-१७; इजीकीएल २०:१२; मर्कूस २:२७-२८; कलस्‍सी २:१६-१७

प्रस्‍थान 34:16

मिनु गे आन तमी इन तौ आन कली चाक्‍नीनी। मिनु मेको आन तमीम आन देवी देवता आन कली पूजा पा चढ़ेनीम। इन तौ आन कली यो आन देवी देवता आन कली पूजा पा चढ़ेपपाइक्‍नीम। ब्‍यवस्‍था ७:३; न्‍यायाधीस ३:६; १राजा ११:२

यसैया 58:6

आं दाक्‍शो माइजा बाक्‍तीके मार बाक्‍ब, देंशा हना, ठीक निसाफ मतशो आन कली प्रोंइचा नु दिप्‍शा श्‍येत गेचा पुंइसीशो आन जुवा प्रुइक्‍चा बाक्‍ब।

लेवी 16:29

एको नेल्‍ले इन कली गेना हना यो पतीके बाक्‍ब। ७ महिना ङा १० नाक्‍ती परमप्रभु यावे आ नेक्‍था जाक्‍चा माल्‍नीनी। मेको नाक्‍ती गे, इस्राएली नु अर्को रागी ङा मुर नेल्‍लेमी काइ गेय मपने। लेवी २३:२७-३२; गन्‍ती २९:७

लेवी 23:21

मेको नाक्‍त इन कली ठेयब ग्रुम्‍तीक नाक्‍त बाक्‍ब, दे गेपुकीमी नेल्‍ल आन कली नेंपाइक्‍चा माल्‍नीनी। गेपुकीमी मारेइ गेय मपने। मेको गेपुकी ते बाक्‍तीनी हना यो, एको गेना हना यो नेल्‍ल पाला सम्‍म पतीक बाक्‍ब।

लेवी 23:3

गे ६ नाक्‍ती सम्‍म गेय पचा माल्‍नीनी। तन्‍न ७ नाक्‍त चहिं थमा पा नाइक्‍तीक नाक्‍ती बाक्‍शा, परमप्रभु यावे केन बाक्‍ब। गे मारेइ गेय मपने। इन बाक्‍तीक नेल्‍लेमी परमप्रभु यावे आ नाइक्‍तीक नाक्‍ती बाक्‍ब’ ” देंत। प्रस्‍थान २०:८-११

मत्ती 6:12

आंइ मरिम्‍शो पशो क्‍याम्‍शा गेने। मारदे हना गो यो आंइ कली मरिम्‍शो पाइब आन कली माफ गेतक। मत्ती १८:२१-३५

कलस्‍सी 2:16

मोदेंशो दुम्‍शा इन कली मार मार जचा तूचा दुम्‍बा, मार मार जचा तूचा मदुम्‍बा, मार मार चाड मानेचा, तेको औंसी ठेयब सेल्‍चा, तेक तेको नाइक्‍तीक नाक्‍ती ठेयब सेल्‍चा देंब मुर आन लोव़ मनेनीन। रोमी १४:१-१२

याकूब 2:13

शिशी मपाइबपुकीमी निसाफ पची नाक्‍त शिशी मताइनीम। निसाफ क्‍येङा शिशी ठेयब बाक्‍ब। मत्ती ५:७; मत्ती १८:३०,३४; मत्ती २५:४०,४६