नेहेम्‍याह 10:30 - Sunuwar Bible

³⁰ मिनु गोपुकीमी आंइ तमी आन कली मेको रागी ङा अर्को जात ङा मुर आन कली मगेनीक। आंइ तौ आन कली यो मेको आन तमीपुकी मचाक्‍नीकी। प्रस्‍थान ३४:१६; ब्‍‍यवस्‍था ७:३; एज्रा ९:२

नेहेम्‍याह 10:30 ပူးပေါင်းရင်းမြစ်များ

२ राजा 23:25

मोपा योसीयाह खोदेंशो पा आ थुं नेल्‍ले आ रां नेल्‍ले नु आ सक्ति नेल्‍लेमी मोसा आ ब्रेक्‍शो लोव़ टिशा गाक्‍शा परमप्रभु यावे गे लेप्‍ब मेको आ ङोंइती नु नोले तेकोइ पिप मदुम्‍मा बाक्‍त। २राजा १८:५; ब्‍यवस्‍था ६:५

२ राजा 23:3

मिनु पिप थाम आ पुंम राप्‍शा, परमप्रभु यावे आ ङोंइती कबल का पवा बाक्‍त। मेको कबल मार बाक्‍त देंशा हना, “गो परमप्रभु यावे आ शेंशो, आ देंशो लोव़, आ फुल्‍लुम मुशा ब्रेक्‍शो लोव़ आं थुं नु रां नेल्‍लेमी टिशा पाइनुङ। मोपा एको कागजम ब्रेक्‍शो कबल ङा लोव़ नेल्‍ल खाप्‍नुङ” देंमाक्‍त। मिनु मेको नोले मुर नेल्‍लेमी “गोपुकीम यो मेको कबल खाप्‍नीकी” देंमा बाक्‍त। प्रस्‍थान २४:३-८; यहोसु २४:२५

२ इतिहास 34:31

मिनु पिप आ बाक्‍तीकेम राप्‍शा, परमप्रभु यावे नु कबल का पवा बाक्‍त। मार कबल पवा बाक्‍त देंशा हना, परमप्रभु यावे आ नोले खोइक्‍चा, मेको आ शेंतीके, आ देंशो नु आ फुल्‍लुम मुशा ब्रेक्‍शो लोव़ थुं नेल्‍लेमी पचा नु मेको किताबम ब्रेक्‍शो कबल ङा लोव़ नेल्‍ल पचा कली कबल पवा बाक्‍त। २इतिहास १५:१२

नेहेम्‍याह 10:1

मेको छाप थोक्‍‍शो ब्रेक्‍स आगाम सु सु आन नें ब्रेक्‍शो बाक्‍त देंशा हना: हाकाल्‍याह आ तौ हुकुम पाइब नेहेम्‍याह नु सिदकीयाह आस नें ब्रेक्‍शो बाक्‍त।

नेहेम्‍याह 13:23

मिनु मेना यो गो अश्‍दोदी, अम्‍मोनी नु मोआबी मीश आन कली चाक्‍ब यहूदी आन कली ग्रुम्‍तामी।

नेहेम्‍याह 13:25

मिनु गो मेकोपुकी नु जि‍शा, सराप पाइश्‍शा, का निक्‍शी आन कली तुप्‍शा, आन चां रोक्‍ताक्‍ङमी। मिनु मेको आन कली परमप्रभु आ नेंमी लोव़ पाइक्‍तामी। “गे इन तमीपुकी मेको आन तौ कली गेतीनी नु आन तमी इन तौ आन कली चाक्‍तीनी हना, आंइ कली खतम दुम्‍पाइक्‍नीनी” देंती। ब्‍‍यवस्‍था ७:३

नेहेम्‍याह 13:30

मिनु गो मेको आन कली अर्को रागी ङा मारेइ मारेइ रे ठीक सेल्‍तामी। मिनु गो चढ़ेब नु लेवी आन पचा माल्‍शो गेय लेंशा पपाइक्‍तामी। गन्‍ती २५:१२-१३; मलाकी २:८

नेहेम्‍याह 5:12

मिनु मेकोपुकीमी “गो नेल्‍ल लेश्‍शा गेनीकी। मेकोपुकी रे मारेइ मताक्‍नीकी। इन देंशो खोदेंशो पा नेल्‍ल पाइनीकी” देंतेक्‍म। मिनु गो चढ़ेब आन कली ब्रेश्‍शा “आंइ देंशो खोदेंशो पा पाइनीकी” दे कसम जपाइक्‍तामी।

भजन संग्रह 119:106

गो इन निसाफ पतीक लोव़ पाइनुङ, दे कसम जशा खाप्‍ता।

प्रस्‍थान 34:16

मिनु गे आन तमी इन तौ आन कली चाक्‍नीनी। मिनु मेको आन तमीम आन देवी देवता आन कली पूजा पा चढ़ेनीम। इन तौ आन कली यो आन देवी देवता आन कली पूजा पा चढ़ेपपाइक्‍नीम। ब्‍यवस्‍था ७:३; न्‍यायाधीस ३:६; १राजा ११:२

ब्‍यवस्‍था 29:11

इन आलपुकी नु इन मीशपुकी, अर्को रागी ङा इन दातेमी बाक्‍शो मुरपुकी, शी चाक्‍ब नु ब्‍वाक्‍कु कुरब नेल्‍ल बाक्‍नीम। यहोसु ९:२७

ब्‍यवस्‍था 7:3

मेकोपुकी नु ग्‍युंबे मपचा। इन तमी मेको आन तौ कली ग्‍युंबे पा मगेन। इन तौ कली आन तमी मचाक्‍चा। प्रस्‍थान ३४:१५-१६