नेहेम्‍याह 10:28 - Sunuwar Bible

²⁸ मिनु लीशो मुरपुकी: चढ़ेबपुकी, लेवीपुकी, लाप्‍चो खाल पाइबपुकी, कुम्‍सो पाइबपुकी, परमप्रभु यावे आ खिंमी गेय पाइबपुकी नु परमप्रभु आ अरेशो पचा कली अर्को रागी ङा मुरपुकी रे तिल्‍सीशो वोंइश मुर, मीश मुर, आन तमी तौपुकी सु सु रुप्‍ने चाप्‍ब बाक्‍मा, मेको नेल्‍ल बाक्‍तेक्‍म।

नेहेम्‍याह 10:28 ပူးပေါင်းရင်းမြစ်များ

एज्रा 2:70

मिनु चढ़ेबपुकी, लेवीपुकी नु का निक्‍शी अरु मुर यरूसलेम नु आ एर ओंथ ङा गाउंपुकीमी बाक्‍तेक्‍म। मिनु कुम्‍सो पाइबपुकी, लाप्‍चो खाल पाइबपुकी, परमप्रभु यावे आ खिंमी गेय पाइबपुकी नु लीशो इस्राएली नेल्‍ल आंम आन सहरम बाक्‍तेक्‍म।

एज्रा 6:21

लेश्‍शा जाक्‍शो ग्‍याइश्‍शा लाइक्‍चा पुंइसीब इस्राएलीपुकीम मेको ब्‍वाम्‍तेक्‍म। मिनु रागी ङा मरिम्‍शो दुम्‍तीके रे दिल्‍शो परमप्रभु यावे, इस्राएली आन परमप्रभु कली ठेयब सेल्‍ब मुरपुकी मेको नु गारशा ब्‍वाम्‍तेक्‍म। ब्‍यवस्‍था १६:१-८

नेहेम्‍याह 10:27

माल्‍लुक, हारीम नु बानाह आन नें ब्रेक्शो बाक्‍त।

नेहेम्‍याह 13:3

मिनु मेको अरेशो लोव़ पढेशो नेंशा, अर्को रागी ङा मुर नेल्‍ल आन कली तिल्‍तेक्‍म।

नेहेम्‍याह 8:2

मिनु ७ महिना ङा ङोंइती ङा नाक्‍तीमी चढ़ेब एज्रामी मेको किताब मुर आन ङोंइती चाक्‍तु। मेकेर वोंइश मुर, मीश मुरपुकी नु सु सु रुप्‍ने चाप्‍ब बाक्‍मा, मेको नेल्‍ल बुक्‍शो बाक्‍तेक्‍म। ब्‍यवस्‍था ३१:१०-१३

नेहेम्‍याह 9:2

इस्राएलीपुकीमी अर्को जात ङा मुरपुकी रे आंम कली तिल्‍साक्‍म। मिनु आन बाक्‍तीकेम राप्‍शा, आन मरिम्‍शो पशो नु आन किकी पिपी आन मरिम्‍शो पशो शोव़तेक्‍म।

भजन संग्रह 47:7

मारदे हना परमप्रभु रागी नेल्‍ल ङा पिप बाक्‍ब। मेको कली ठेयब सेल्‍तीक कुम्‍सो का पने। भजन संग्रह ९३:१

उपदेसक 5:2

ब्‍वाक्‍चा कली मचुइक्‍‍तीन। परमप्रभु आ ङोंइती रीब पा लोव़ मपन। परमप्रभु स्‍वर्गमी बाक्‍ब। गे चहिं रागीम बाक्‍नीनी। मोपतीके शुश मब्‍वाक्‍कीन।

येरमीया 4:2

कसम जची ना गेपुकीम ‘परमप्रभु यावे ब्रोंइशा बाक्‍शो खोदेंशो पा’ दे कसम जाइतीनी हना, गे थमा लोव़ पा, ठीक निसाफ पाइब नु रिम्‍शो थुं पाइब मुर दुम्‍तीनी हना, रागी रागी ङा मुर परमप्रभु आ नें थि‍शा आसीक पमुइनीम। मिनु मेकोपुकी आ आल दुम्‍तीके ग्‍येरसीनीम” देंत। ब्‍यवस्‍था १०:२०; यसैया ६५:१६

लेवी 20:24

तन्‍न गो इन कली मेको आन रागी इन के दुम्‍ब। गो इन कली गेनुङ, देंती। मिनु मेको रागीम दूध नु खुदो शुश बाक्‍ब। गो परमप्रभु यावे, इन परमप्रभु नङ। मिनु गो इन कली रागी रागी ङा मुर रे तिल्‍शा योव़तन्‍नी। प्रस्‍थान १९:५-६

रोमी 1:1

गो ख्रीस्‍त येसु आ वाइल पावल नङ। आ सोइश्‍शो दुम्‍शा, परमप्रभु यावेमी आ ग्‍येरपाइक्‍ब लोव़ तुइक्‍पाइक्‍चा कली योव़चा पुंइसाक्‍यी। प्रेरित ९:१५; प्रेरित १३:२; गलाती १:१५