नेहेम्‍याह 1:5 - Sunuwar Bible

⁵ “परमप्रभु यावे, स्‍वर्गम बाक्‍ब परमप्रभु, गे नेल्‍ल क्‍येङा ठेयब नु मान पा हिंचा माल्‍शो परमप्रभु बाक्‍नीनी। इन कली दाक्‍शा, इन अरेशो लोव़ टीब आन कली शिशी पाइब नु कबल खाप्‍ब बाक्‍नीनी। दानीएल ९:४

नेहेम्‍याह 1:5 ပူးပေါင်းရင်းမြစ်များ

१ राजा 8:23

मिनु मेकोमी “परमप्रभु यावे, इस्राएली आन परमप्रभु इर स्‍वर्गम नु रागीम इन खोदेंशो अर्को तेकोइ परमप्रभु मबाक्‍नीम। इन कली आन थुं नेल्‍लेमी नोले खोइक्‍ब, इन गेय पाइब आन कली पशो कबल खाप्‍शा, मेको आन कली गेना हना यो दाक्‍नीनी।

१ इतिहास 17:21

मिनु इन मुर इस्राएली आन कली सु नु थाप्‍ने चाम्‍सीबा ङा? मेको आन वाइल दुम्‍तीक रागी रे आंम मुर सेल्‍चा कली आंमान रागीम चाक्‍ब अर्को तेको जात ङा मुर आन परमप्रभु बाक्‍नीमी ङा? गेमी ठेयब नु हिंचा ङा गेय पा इजीप्‍त रे प्रोंइशो इन मुर आन ङोंइङोंइती अर्को जात ङा मुर आन कली खेरशा इन मुर आन कली बाक्‍पाइश्‍शो बाक्‍नीनी।

एज्रा 1:2

मिनु पारसी ङा पिप कोरेसमी मार लोव़ ब्रेक्‍पदा बाक्‍त देंशा हना “परमप्रभु यावे, स्‍वर्ग ङा परमप्रभुमी, रागी ङा राज्‍य नेल्‍ल आं कली गेशो बाक्‍ब। मिनु मेकोमी आं कली ‘यहूदा रागी ङा यरूसलेममी आं खिं सेलो’ दे माइक्‍ती।

नेहेम्‍याह 2:4

मिनु पिपमी “गे मार माल्‍नेवे?” दे हिल्‍लो पती। मिनु गो आं थुंमी स्‍वर्गम बाक्‍ब परमप्रभु कली लोव़ पाता।

नेहेम्‍याह 4:14

मिनु गो मेको आन कली हिंशो तशा “महिनीन। नेल्‍ल क्‍येङा ठेयब नु मान पा हिंचा माल्‍शो परमप्रभु कली मिम्‍तीन। मिनु आंम लोक्‍ब, तमी तौ, मीश नु आंम खिं आ पर्बम लडाइ पने” दे ठेयब मुरपुकी, सासन पाइबपुकी नु मुर नेल्‍ल आन कली माइक्‍ता‍मी। नेहेम्‍याह १:५

नेहेम्‍याह 4:8

मिनु मेकोपुकी गारशा, यरूसलेम कली लडाइ पा, खतम सेल्‍चा, दे खुम्‍साक्‍म।

नेहेम्‍याह 9:32

मिनु आंइ परमप्रभु, गे नेल्‍ल क्‍येङा ठेयब सक्ति पाइश्‍शो नु मान पा हिंचा माल्‍शो परमप्रभु बाक्‍नीनी। इन पशो कबल इन गेना हना यो दाक्‍तीक खाप्‍ब बाक्‍नीनी। अस्‍सुर ङा पिप आन पाला रे मुलाक्‍त सम्‍म आंइ कली गेशो श्‍येत, आंइ पिप आन कली, आंइ ठेयब मुर आन कली, इन कली चढ़ेब आन कली, इन लोव़ पाइब आन कली, आंइ किकी पिपी आन कली नु इन मुर नेल्‍ल आन कली गेशो श्‍येत कली आइक्‍च ममिम्‍तीन। ब्‍यवस्‍था ७:९,१२; १राजा ८:२३; नेहेम्‍याह १:५

भजन संग्रह 47:2

मारदे हना परमप्रभु यावे, नेल्‍ल क्‍येङा ठेयब नु हिंचा ङा बाक्‍ब। मेको रागी नेल्‍ल ङा ठेयब पिप बाक्‍ब।

भजन संग्रह 76:8

गे स्‍वर्ग रे इन निसाफ नेंपाइक्‍तीनी। मिनु रागी हिंशा, सिक्‍सी पाप्‍तु। भजन संग्रह ४६:१; हबकुक २:२०

भजन संग्रह 89:2

गे इन दाक्‍तीक गेना हना यो लीपाइक्‍चा कली वोइक्‍तीनी। इन दाक्‍शा गेनायो मप्रोंइतीके सरीङ खोदेंशो ठेयब बाक्‍ब।

भजन संग्रह 89:3

गे “गो आं योव़शो नु कबल पाता। आं गेय पाइब दाऊद नु कसम जाता। मार कसम जाता देंशा हना, यसैया ५५:३; भजन संग्रह १३२:११

भजन संग्रह 89:8

परमप्रभु यावे, मुर नेल्‍ल आन परमप्रभु, इन खोदेंशो ठेयब सक्ति पाइश्‍शो सु बाक्‍बा ङा? इन दाक्‍शा मप्रोंइतीके इन एर ओंथ बाक्‍ब।

प्रस्‍थान 20:6

तन्‍न सु सुमी आं कली दाक्‍नीमी, आं शेंशो लोव़ टीनीमी, मेको आन आल, चच युइ नु युइ आन युइ आन पाला सम्‍म कली ला ममाइ, हजार हजार पाला सम्‍म गेना हना यो शिशी पाइक्‍नुङमी। प्रस्‍थान ३४:७; ब्‍यवस्‍था ७:९

ब्‍यवस्‍था 7:12

मिनु गेपुकीमी एको ठीक पतीके लोव़ होस पा नेंशा टिशा, पाइतीनी हना, इन परमप्रभुमी इन किकी पिपी नु कसम जशा, पशो कबल खाप्‍शा इन कली मप्रोंइब। प्रस्‍थान २३:२२-३१

ब्‍यवस्‍था 7:21

गेपुकी चहिं मेको आन क्‍येङा महिनीन। मारदे हना परमप्रभु यावे, इन परमप्रभु इन दातेमी बाक्‍ब। मेको ठेयब नु मान पा हिंचा ङा परमप्रभु बाक्‍ब।

ब्‍यवस्‍था 7:9

परमप्रभु यावे, इन परमप्रभुमी आ कबल काइ मप्रोंइब आ देंशो पाइब परमप्रभु बाक्‍ब। मिनु परमप्रभु कली दाक्‍ब नु आ शेंशो टीब आन कली हजार पाला सम्‍म आ पशो कबल खाप्‍ब नु आ शिशी कोंइना कोंइन बाक्‍ब। प्रस्‍थान २०:६