नेहेम्‍याह 1:2 - Sunuwar Bible

² मेना आं लोक्‍ब हानानी, का निक्‍शी मुर नु यहूदा रागी रे जाक्‍त। मिनु गो मेको आन कली “प्रोक्‍शा, गाक्‍शो नु ग्‍याइश्‍शा, लाइक्‍चा मपुंइसीशो रे लीशो यहूदीपुकी दोदेंशो बाक्‍नीमी? यरूसलेम दोदेंशो तांइसीबा?” दे हिल्‍लो पातामी।

नेहेम्‍याह 1:2 ပူးပေါင်းရင်းမြစ်များ

उत्पत्ती 14:10

मिनु सिददीम ङा दिंममी अल्‍कत्रा खाल्‍टा शुश बाक्‍मा बाक्‍त। मिनु सोदोम नु गोमोररा ङा पिप प्रोक्‍शा, खाल्‍टा आगा दोक्‍सा बाक्‍त। लीशो मुरपुकी चहिं पहाड गे प्रोक्‍मा बाक्‍त।

२ राजा 24:14

मेकोपुकीम यरूसलेम ङा ठेयब मुर, लडाइ पाइब आन ठेयब मुर नेल्‍ल, लडाइ पाइब नेल्‍ल १० हजार मार मार सेल्‍स जोक्‍ब नु तुप्‍तील नेल्‍ल ग्‍याइश्‍शा लदा बाक्‍त। थम प्रुङग आन कली ला प्रोंइशा वोदा बाक्‍त। येरमीया २४:१

२ राजा 25:12

तन्‍न मेको पिप कली खाल पाइब आन ठेयब मुरुम अङगुर रू रोक्‍चा नु रू दोचा कली थम प्रुङग आन कली चहिं प्रोंइशा वोइक्‍मी बाक्‍त।

एज्रा 9:14

गो लेंशा इन शेंशो लोव़ मटिथु, मेको ग्रांग्रा दिशो गेय पाइब नु ग्‍युं‍बे पाइनीकी ङा? गे गोपुकी नु चुरशा, आंइ कली मसाइक्‍नीनी ङा? मिनु ब्रोंइशा बाक्‍ब सुइ मलीब।

नेहेम्‍याह 7:2

मिनु गो आं लोक्‍ब हानानी नु लडाइ पाइब आन नेल्‍ल क्‍येङा ठेयब मुर हनान्‍याह आस कली यरूसलेममी हुकुम पाइब सेल्‍तासी। मारदे हना शुश मुर आन क्‍येङा हनान्‍याह दीगो नु रिम्‍शो पाइब परमप्रभु कली मान पा हिंब बाक्‍त।

येरमीया 44:14

मोपा इजीप्‍तम बाक्‍शो यहूदा ङा लीशो मुर सुइ प्रोक्‍चा मताइनीम। सुइ मब्रोंइनीम। मिनु सुइ यहूदा रागी लेत्‍चा मताइनीम। मो हना यो मेकेर बाक्‍चा कली लचा दाक्‍नीम। ङोंइती प्रोक्‍शा लशो का निक्‍शी ला लेत्‍चा ताइनीमी” देंत।

इजीकीएल 6:9

मिनु मोदेंशो रागी रागीम ब्रोंइशा लीशोपुकी ग्‍याइश्‍शा लाइक्‍चा पुंइसीशो रागीम आं कली मिम्‍नीम। मिनु मेकोपुकीम आन दला दाक्‍स पशा, आं रे दिल्‍शा लशा, आन मूर्ति आन नोले खोइक्‍नी‍म। मेको आन पशो मरिम्‍शो नु ग्रांग्रा दिशो गेयम आंमा मुने दोक्‍नीम।

इजीकीएल 7:16

मिनु ब्रोंइशा प्रोक्‍शो नेल्‍ल बेंसी ङा ढुकुर खोदेंशो पा पहाडम बाक्‍नीम। मेको आन मरिम्‍शो पशो आ पर्बम रोंका पा बाक्‍नीम।