नहुम 3:3 - Sunuwar Bible

³ शारा ङोइक्‍ब दोरोर पा गाक्‍नीम। आन टल्‍केशो तरवार शेशा, आन तूतीक झिल्‍झील पा कोंइनीम। बेक्‍शो मुर शुश बाक्‍नीम। हिक्‍ने मचाप्‍चा ङा पा साइश्‍शो मुर बाक्‍नीम। मुर शोल्‍मो पा साइश्‍शो बाक्‍नीम। मुरपुकी बेक्‍शो मुर तार दाइल पांइ‍सीन सीन गाक्‍नीम।

नहुम 3:3 ပူးပေါင်းရင်းမြစ်များ

उत्पत्ती 3:24

परमप्रभुमी मेको आस कली खेरसी बाक्‍त। मेको आस कली खेरशा, एदेन रू ङा पूर्बमी आ स्‍वर्ग ङा करूब माइश्‍शो गेय पाइब वोदा बाक्‍त। मेकेर मी ब्रशो एर ओंथ हिरब तरवार का यो वोदा बाक्‍त। मेको ब्रोंइपाइक्‍ब रवा आ फल ब्‍वचा मताम्‍सेक्‍ल, दे कोव़ब वोदा बाक्‍त।

२ राजा 19:35

मिनु मेको नाक्‍दो परमप्रभु यावे आ स्‍वर्ग ङा गेय पाइब का जाक्‍माक्‍त। मिनु मेकोमी अस्‍सुर ङा पिप आ लडाइ पाइब आन बाक्‍तीकेम ओव़शा, लाख का ८५ हजार मुर आन कली साइक्‍मी बाक्‍त। मिनु आ दीसा सुनी मुरपुकी बोक्‍मानु मेकेर बेक्‍शो मुर ला तामे बाक्‍त। यसैया ३७:३६-३८

यसैया 34:3

मेको साइश्‍शो मुर आन कली ताइक्‍नीम। मेको आन रिना कुइ‍ब। डांडापुकी मेको आन हुशेम जित्‍नीम।

यसैया 37:36

मिनु परमप्रभु यावे आ स्‍वर्ग ङा गेय पाइब का अस्‍सुर ङा मुर आन बाक्‍तीकेम लशा, लाख का ८५ हजार जना मुर सदा बाक्‍त। मिनु मुरपुकी सुनी बोक्‍शा कोव़ङमेनु, बेक्‍शो मुर ला ताम्‍तेक्‍म। यसैया १७:१४; यसैया ३१:८

यसैया 66:16

मारदे हना परमप्रभु यावेमी मीमी निसाफ पाइब। मुर नेल्‍ल आन कली आ तरवारम निसाफ पाइब। मिनु परमप्रभु यावेमी मोपा साइश्‍शो शुश दुम्‍‍नीम।

इजीकीएल 39:4

गे इस्राएल ङा पहाडमीन साइक्‍चा पुंइसीनेवे। इ लडाइ पाइब नेल्‍ल नु गे नु बाक्‍शो मुर नेल्‍ल मेकेर साइक्‍चा पुंइसीनीम। गो इ कली चिक्‍ब नु ब्‍वाकी ङा जन्‍तु आन ब्‍वतीक सेल्‍नुङ।

लेवी 26:37

सुइमी खेदा मपथु यो, मेकोपुकी तरवार तशा प्रोक्‍शो खोदेंशो पा, प्रोक्‍नीम। मिनु थोक्‍मुशा गोल्‍नीम। मोपतीके आन जोरी सत्रु आन ङोंइती राप्‍ने मचाप्‍नीम।

नहुम 2:4

मेको आन बग्‍गीपुकी शुश दोर‍नीम। मेको सहर आ एर ओंथ शुश हिरशा गाक्‍नीम। मेको तोव़शी खोदेंशो तांइसीनीम। चिला दाप्‍शो खोदेंशो पा ग्रूनीम।

हबकुक 3:11

इन आप्‍शो ब्रा जिल पा ब्रशा बेरमेनु, इन तूतीक जिल्‍मील पवानु, नां मसोव़। मिनु तास्‍ला सरीङम नांइसाक्‍व। यहोसु १०:१३