नहुम 3:10 - Sunuwar Bible

¹⁰ मो हना यो मेको ग्‍याइश्‍शा ग्रुंइचा पुंइसाक्‍व। मेको आ आलपुकी लांम ताइश्‍‍शा साइक्‍चा पुंइसाक्‍म। आ ठेयब मुर आन कली बाजी आप्‍शा लाइक्‍तेक्‍म। मिनु मेको आन नेल्‍ल क्‍येङा ठेयब मुर नेल्‍ल साङलोमी फ्रेंचा पुंइसाक्‍म। योएल ४:३

नहुम 3:10 ပူးပေါင်းရင်းမြစ်များ

२ राजा 8:12

मिनु हजाएलम “ए आं प्रभु, गे मारदे ङाक्‍नी?” दे हिल्‍लो पवा बाक्‍त। मिनु मेकोमी हजाएल कली “गेम इस्राएल ङा मुर आन कली काइ मरिम्‍शो पशो तुइक्‍नुङ। गे मेको आन दरवारम मी सुइक्‍नेवे। मिनु मेको आन ठिटा मुर आन कली तरवारम क्‍योरनेवे। मेको आन आइक्‍च आल आन कली खपीम राप्‍शा साइक्‍नेवे। मेको आन कोव़ज कुरशो मीश मुर आन कोव़ज पाक्‍नेवे” दे मदा बाक्‍त। २राजा १०:३२

अय्‍युब 6:27

गेपुकीमी रोम रोइक्‍च आन पर्बम फेन्‍टे आप्‍नीनी। मिनु इन वारच आन पर्बम मार मार फाइक्‍नीनी।

भजन संग्रह 137:8

बेबीलोन सहर, गे मुल खतम पोक्‍चा पुंइसीनेवे। गे मार पवी मेको आ क्‍येक्‍क लेप्‍ब ग्‍येरसीशो मुर बाक्‍ब।

भजन संग्रह 137:9

इन आल आन कली ग्‍याइश्‍शा, फुल्‍लु तार राप्‍शा साइक्‍ब, ग्‍येरसीशो बाक्‍नीम। यसैया १३:१६; रोमी १२:१९

भजन संग्रह 149:8

मिनु मेको आन पिप आन कली साङलो नु मेको आन ठेयब मुर आन कली फलाम के फ्रेंतीकेम फ्रेंने चाप्‍नीम।

यसैया 13:16

आन आल आन कली आन ङोंइती खपीम राप्‍शा साइश्‍शो ताइनीम। मेको आन खिं ङा मारेइ मारेइ योल्‍नीम। मेको आन मीश बिथोलो पाइनीम। भजन संग्रह १३७:८-९

यसैया 13:6

ठेयब सेंदा पा ङाक्‍कीन। मारदे हना परमप्रभु यावे आ नाक्‍त जाक्‍चशो बाक्‍ब। नेल्‍ल क्‍येङा ठेयब सक्ति पाइश्‍शो परमप्रभु मेको नाक्‍ती खतम पोक्‍थ जाक्‍ब।

यसैया 19:4

गो इजीप्‍त ङा मुर आन कली शिशी मपथु, सासन पाइब आ गुइमी जिम्‍मा गेनुङमी। मिनु हिंचा ङा पिपमी मेको आन कली सासन पाइब” दे परमप्रभु, मुर नेल्‍ल आन परमप्रभु यावेमी देंत।

यसैया 20:4

मोपा अस्‍सुर ङा पिपमी इजीप्‍त रागी नु एथीयोपीया ङा मुर आन कली ग्‍याइश्‍शा लाइक्‍ब। ठिटा नु खूशो नेल्‍ल आन कली शिश्रा, जुत्ता मलिक्‍पाइक्‍‍थु नु देल्‍लो तपाइश्‍शा लाइश्‍शा, इजीप्‍त कली मुने तोक्‍ब।

बिलाप 2:19

बोक्‍को। नाक्‍दो ङाक्‍शा पुनो। खाल पाइब आन गेय पची ना यो मो पावो। इ थुं ङा श्‍येत परमप्रभु आ ङोंइती ब्‍वाक्‍कु खोदेंशो पा लुक्‍तो। लांमी बाक्‍ब इ शोव़लु बेक्‍शो आल आन पर्बम इ गुइ परमप्रभु गे पोक्‍शा पुनो।

बिलाप 4:1

सुनमी आं दारस नेल्‍ल साम्‍तु। क्‍येख सुन मदारशो दुम्‍त। शुश क्‍येट लाइब हीरा नेल्‍ल लां मेर फ्राइसीशो बाक्‍नीम।

इजीकीएल 29:7

मिनु मेकोपुकीम इ कली गुइम ग्‍याइक्‍तमेनु, गे जिक्‍बाक्‍ते। मिनु मेकोपुकीमी इ कली तिक्‍सीमानु, गे जिक्‍शा, मेको आन खोइल रोप्‍पाइक्‍बाक्‍ते” देंत।

होसे 13:16

सामरीया ङा मुरपुकीमी आन पाप पशो ङा श्‍येत जचा माल्‍नीम। मारदे हना मेकोपुकीम आंम परमप्रभु कली मटीम। मेकोपुकी तरवारमी साइक्‍चा पुंइसीनीम। मेको आन आलपुकी खपीमी ताइश्‍शा साइक्‍चा पुंइसीनीम। मेको आन कोव़ज कुरशो मीश मुर आन कोव़ज चेत्‍चा पुंइसीनीम” देंत। २राजा १५:१६

योएल 3:3

मेकोपुकीमी आं मुर आन पर्बम फेन्‍टे ग्‍यारतेक्‍म। मिनु वोंइश आल लेयशा, ते‍ल्‍लेम नु लाम्‍तेक्‍म। मीश आल आन कली लेयशा, अङगुर शांबु तूतेक्‍म।

आमोस 1:13

मिनु परमप्रभु यावेमी “गो अम्‍मोन आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोपुकीम गिलाद ङा आल कुरशो मीश मुर आन कोव़ज तरवारम चेत्‍तेक्‍म। मेको आन रागी ठेयब सेल्‍चा कली मो पाम्‍तेक्‍म। येरमीया ४९:१-६

ओबदिया 1:11

मेको नाक्‍त गे ङोन राप्‍शा बाक्‍ते। मेको नाक्‍त अर्को रागी ङा मुरपुकीमी मेको आ शोंप नेल्‍ल रोइश्‍शा लाइक्‍तेक्‍म। अर्को रागी ङा मुर मेको आ लाप्‍चो रे ओव़तेक्‍म। मिनु यरूसलेम आ पर्बम फेन्‍टे आप्‍तेक्‍म। गे यो मेकोपुकी खोदेंशो का बाक्‍ते। भजन संग्रह १३७:७