नहुम 3:1 - Sunuwar Bible

¹ मिनु निनवे, गे हुश ख्राक्‍श पोक्‍ब सहर बाक्‍नेवे। इ दातेम शुश जोल पतीके बाक्‍ब। गे रोइश्‍शो थोव़कीम ब्रीशो बाक्‍नेवे। इ दातेमी रोइक्‍तीक गेनायो मनुप्‍ब। इजीकीएल ६:२,९

नहुम 3:1 ပူးပေါင်းရင်းမြစ်များ

भजन संग्रह 62:10

मुर आन कली दिप्‍शा “रिम्‍शो दुम्‍नुङ” दे ममिम्‍तीन। खुइ पशो मार मार तशा, ठेयब मलेतीन। इन शोंप शुश दुम्‍त हना यो, मेको कली थमा मसुतीन। मत्ती १९:२२; लूका १२:१५-२१; १तिमोथी ६:९,१७

यसैया 17:14

नाक्‍दो हिंचा ङा श्‍येत जाइनीम। नां सोव़चा क्‍येङा ङोंइती मेको नेल्‍ल बेक्‍नीम। आंइ मार मार रोइक्‍ब नु खुइ पाइबपुकी मोदेंशो दुम्‍नीम। यसैया ३७:३६

यसैया 24:9

मुल रे अङगुर शांबु तूङमेनु, कुम्‍सो मपाइनीम। राकसी तूब आन कली राकसी काइब।

यसैया 42:24

सुमी याकूब आ मुर आन कली रोइक्‍ब आन गुइमी गेवा? सुमी इस्राएली आन कली खुइ आन गुइमी गेवा? मेको पपाइक्‍ब परमप्रभु यावे ममाइ? मेकोपुकीम मेको कली पाप पाम्‍तेक्‍म। मेकोपुकी मेको आ लांम गाक्‍ने मबिस्‍सम नु आ अरेशो मटीम।

होसे 4:2

एकेर कसम जचा, जोल पचा, मुर साइक्‍चा, खुइ पचा नु तेल्‍लेम पचा ङा लाक्‍शा, अर्को मारेइ मबाक्‍ब। नेल्‍लेमी मरिम्‍शो ला पाइनीम। मेकोपुकीम मुर साइश्‍शा, हुश ख्राक्‍श पोक्‍नीम।

नहुम 2:12

गुप्‍स खोदेंशो ठेयब मुरुमी आ तमी तौ आन कली शुश मार मार खुप्‍शो बाक्‍त। आ मीश कली मारेइ मारेइ चाक्‍शो बाक्‍त। आ दरवार शोंपोम प्रिंशो बाक्‍त। आ पुक्‍खी मार मार साइश्‍शा चाक्‍शा प्रिंशो बाक्‍ब।

नहुम 2:13

मिनु मुर नेल्‍ल आन परमप्रभु यावेमी “गो इ कली काइ मदाक्‍थु, इ पर्बम बोक्‍ती। गो इ बग्‍गी चोशा गेनन। मिनु गुप्‍स आ चाइक्‍ब खोदेंशो इ तमी तौ तरवारमी साइक्‍चा पुंइसीनीम। इ रोइश्‍शो, इ साइश्‍शो रागी रे ग्रुंइनुङ। मिनु इ लोव़ कुरब मुर आन सेंदा मनेंसीब” देंशो बाक्‍ब।

हबकुक 2:12

“आबी आबी, गे हुश ख्राक्‍श पोक्‍तीकेमी, सहर का सेल्‍तीवी। गे ठीक मपतीकेमी सहर आ जग वोइक्‍ब बाक्‍नेवे। येरमीया २२:१३; मीका ३:१०