नहुम 2:9 - Sunuwar Bible

⁹ मेको आ सुन नु चांदी रोइक्‍तीन। आ शोंप हिक्‍ने मचाप्‍चा ङा पा शुश बाक्‍नीम। शुश क्‍येट लाइब मारेइ मारेइ बाक्‍ब।

नहुम 2:9 ပူးပေါင်းရင်းမြစ်များ

२ इतिहास 36:10

मिनु बर्खा जाक्‍चावानु, पिप नेबुकदनेसरम मुर सोइश्‍शा परमप्रभु यावे आ खिं ङा रिम्‍शो रिम्‍शो ग्‍योंबपुकी नु मेको पिप कली बेबीलोनम चाक्‍पदा बाक्‍त। मिनु मेकोमी मेको पिप आ खिं ङा मुर का सिदकीयाह कली यहूदा नु यरूसलेम ङा पिप सेला बाक्‍त। येरमीया २२:२४-३०

यसैया 33:1

आबी, गे खतम पोक्‍ब, मुल सम्‍म गे खतम पोक्‍चा मपुंइसीशो बाक्‍नेवे। गे रोइक्‍ब बाक्‍नेवे। तन्‍न सुइमी मारेइ मरोइक्‍थु, गे खतम पोक्‍चा पुंइसीनेवे। मिनु इ रोइक्‍चा नुप्‍‍त हना, इ मारेइ मारेइ रोइक्‍चा पुंइसीनेवे। मत्ती ७:२

यसैया 33:4

मेकोपुकीमी सल्‍हा खोदेंशो पा शुश मारेइ मारेइ रोइक्‍नीम। दोपा सल्‍हा प्रेक्‍शा दोरनीमी, मोपा मुरपुकी प्रेक्‍शा रोइक्‍चा कली दोरनीम।

येरमीया 25:34

गे गोठलापुकी रोंका पने। मिनु वाइ ब्रेश्‍शा ङाक्‍कीन। गे मेको बगाल ङा लां कोंइबपुकी पुलुम दिङ दाङ गोलीन। मारदे हना इन कली क्‍योरशा साइक्‍तीक नाक्‍त जाक्‍शो बाक्‍ब। गेपुकी गोल्‍नीनी। मिनु शुश क्‍येट लाइब ग्‍योंब खोदेंशो पा प्रोल्‍चा पुंइसीनीनी। येरमीया २३:१

येरमीया 46:5

गो मारदे मेको आन कली हिंशो तङमी? मेकोपुकी नोले शोंइसीशो बाक्‍नीम। मेको आन लडाइ पाइबपुकी आन थुं लुक्‍च लत। मेकोपुकी रीब पा प्रोक्‍तेक्‍म। मेकोपुकीमी नोले लेश्‍शा मकोव़नीम। तेइ तेइ हिंतीकेइ हिंतीके बाक्‍ब” दे परमप्रभु यावेम देंत। येरमीया २०:३

येरमीया 51:56

बेबीलोन कली खतम पोक्‍ब जाक्‍ब। बेबीलोन ङा लडाइ पाइबपुकी ग्‍याइक्‍चा पुंइसीनीम। मेको आन लिब्रा जिक्‍नीम। मारदे हना परमप्रभु यावे क्‍येक्‍क लेप्‍ब बाक्‍ब। मेकोमी आ पशो आ पा ङा नेल्‍ल गेब। ब्‍यवस्‍था ३२:३९-४१

इजीकीएल 26:12

मेकोपुकीम इ शोंप रोइश्‍शा योल्‍नीम। इ लेयचा कली वोइश्‍शो थोव़क रोइश्‍शा लाइक्‍‍नीम। मेकोपुकीम इ गारो नु इ दारदारशो खिं प्रेश्‍शा खतम पोक्‍नीम। मिनु इ फुल्‍लु, खिं सेल्‍तीक शी नु खप समुन्‍द्रम ताइक्‍नीम।

दानीएल 11:8

मेकोमी मेको आन देवी देवता आन मूर्तिपुकी नु सुन चांदी के बोसपुकी रोइश्‍शा, इजीप्‍त रागीमी लाइक्‍ब। मिनु मे नोले उत्तर ङा पिप नु बर्स का निक्‍शी सम्‍म लडाइ मपाइब।

नहुम 3:17

इ कली खाल पाइब घांस ब्‍वाइब माले खोदेंशो बाक्‍नीम। मिनु इ सरकार ङा ठेयब मुर माले आन हुल खोदेंशो बाक्‍नीम। मेको ग्‍यू दुम्‍मेनु, गारो तार बाक्‍नीम। मिनु नां पवानु, मेको नेल्‍ल बेरशा लाइनीम। मेको ते लाइनीमी, सुइमी मतुइक्‍नीम।

प्रकाश 18:12

आन लेयचा ङा थोव़क मार बाक्‍त देंशा हना, सुन, चांदी, हीरा, मोती, शुश क्‍येट लाइब सुती वा, प्‍याजी रङ ङा वा, रेसम वा, लल वा, ब्रोव़शो रिना पाइश्‍शो शी, हात्ती आन ख्रुइ शुश क्‍येट लाइब शी, कांसा, फलाम नु दारशो फुल्‍लु रे सेल्‍शो थोव़कपुकी बाक्‍तेक्‍म।

प्रकाश 18:16

“आबी आबी, मेको ठेयब सहर, मेको सहर ङा मुरपुकी शुश क्‍येट लाइब सुती वा, प्‍याजी नु लल रङ ङा वा फेक्‍शो बाक्‍तेक्‍म। मिनु मेकोपुकीम शुश सुन, हीरा नु मोती पांइशो बाक्‍तेक्‍म। प्रकाश १७:४