6 ब्वाक्कु बारशा यीब। मिनु दरवार ख्रिंख्रि पाइब।
मेकोमी आ लडाइ पाइब आन कप्तान आन कली ब्रेप्ब। मेकोपुकी दाइल पा आ ङोंइती जाक्नीम। मिनु रीब पा सहर ङा गारो गे दोरनीम। मेकेर आन फाम्सीतीके सेल्शो बाक्ब।
मेको सहर ङा पिपीम कली ग्याइश्शा, आ वा प्रुइश्शा लाइक्नीम। मेको आ वाइलीम नेल्ल ग्याइश्शा ङोन लाइक्चा पुंइसीनीम। मिनु मेकोपुकी कुचु तुप्शा ढुकुर खोदेंशो पा रोंका पा ङाक्नीम।
इ लडाइ पाइब आन कली कोव़ङो। मेको मीश मुर खोदेंशो बाक्नीम। इ रागी ङा ठेयब लाप्चो इ जोरी सत्रु आन कली रोक्सीशो बाक्नीम। लाप्चो आन आग्लो नेल्ल मीम नेक्शो बाक्नीम।
