नहुम 1:9 - Sunuwar Bible

⁹ गे मारदे परमप्रभु यावे कली मरिम्‍शो पचा कली लोव़ गारपाइक्‍नीनी? मेकोमी इन कली खतम पोक्‍ब। गे मेको आ पर्बम मरिम्‍शो पचा कली निक्‍शी खेयप बोक्‍ने मचाप्‍नीनी।

नहुम 1:9 ပူးပေါင်းရင်းမြစ်များ

२ सामुएल 20:10

आमासामी योआब आ गुइमी तरवार बाक्‍शो मतुइक्‍ता बाक्‍त। मिनु योआबमी मेको आ कोव़जम तूदा बाक्‍त। मिनु मेको आ गा क्‍यी खपीम दोक्‍शा बेक्‍माक्‍त। मेकोमी खेयप निक्‍शी तूचा ममाल्‍दा बाक्‍त। मिनु योआब नु आ लोक्‍ब अबीशै बिक्री आ तौ शेबा कली खेदा पना पन लसा बाक्‍त। १राजा २:५

भजन संग्रह 21:11

मेकोपुकीमी इन कली मरिम्‍शो पचा, दे मिम्‍शो बाक्‍तेक्‍म हना यो, आन मिम्‍शो पने मचाप्‍नीम। यसैया ८:१०

भजन संग्रह 33:10

परमप्रभु यावेमी रागी रागी ङा मुर आन मिम्‍शा पशो खतम सेल्‍ब। मेकोमी जात जात ङा मुर आन मिम्‍शो गेय शोर गाक्‍शो सेल्‍ब।

हितोपदेस 21:30

मुर आन तुइक्‍तीक, रुप्‍तीके अर्ती गेतीके परमप्रभु यावे आ ङोंइती थम आइक्‍च बाक्‍ब। भजन संग्रह ३३:१०-११

यसैया 28:22

शुक्‍शी लोव़ मपने। मो पाइतीनी हना इन कली फ्रेंशो डोरी खांइसीब। मारदे हना परमप्रभु, मुर नेल्‍ल आन परमप्रभु यावेमी “रागी नेल्‍ल खतम सेल्‍नुङ” देंशो नेंता। यसैया १०:२२-२३

येरमीया 51:64

मिनु “कागज ब्‍वाक्‍कुम ग्रुम्‍शो खोदेंशो पा बेबीलोन आं चाक्‍शो श्‍येत आ पर्बम ग्रुम्‍ब। मेको गेनायो ग्रूने मचाप्‍ब, देंचा माल्‍नेवे” देंत। मोपा येरमीया आ लोव़ नुप्‍त।

इजीकीएल 21:5

मिनु मुर नेल्‍लेम गो, परमप्रभु यावेमीन आं तरवार शोइश्‍शो बाक्‍नुङ’ दे तुइक्‍नीम। मेको लेंशा मपिम्‍सीब।

इजीकीएल 7:5

परमप्रभु, परमप्रभु यावेमी “हिंचा ङा श्‍येत, आ तार हिंचा ङा श्‍येत दुम्‍ब। कोव़ङो, मेको जाक्‍ब।

होसे 7:15

गो मेको आन कली शेंशा, बोल्‍यो सेल्‍ता। तन्‍न मेकोपुकीमी आं कली मरिम्‍शो पचा मिम्‍नीम।

नहुम 1:11

निनवे, परमप्रभु यावे कली मरिम्‍शो पचा कली लोव़ गारपाइक्‍ब नु काइ मरिम्‍शो सल्‍ला पाइब इ दाते रे ग्रूशो बाक्‍नीम।

२ कोरिन्‍थी 10:5

परमप्रभु यावे कली थमा सुइक्‍ब आन कली तेक्‍बमी पशो लोव़, ठेयब लेश्‍शा थमा मसुइक्‍तीक लोव़ खतम सेल्‍तक। मिनु ख्रीस्‍त आ लोव़ टीब दुम्‍पाइक्‍चा कली मटीब मिम्‍तीक नेल्‍ल ग्‍याइश्‍शा लाइक्‍ब खोदेंशो बाक्‍नीकी।

१ सामुएल 26:8

मिनु अबीशैमी दाऊद कली “परमप्रभुम मुलाक्‍ती इन जोरी सत्रु आन कली इन गुइमी गेशो बाक्‍माक्‍त। तूतीकेम काले‍मीन खप सम्‍म ग्रुक्‍सीचा ङा पा आप्‍चा कली हुकुम गेयीनी। गो खेयप निक्‍शी आप्‍‍चा ममाल्‍ङल” देंमाक्‍त। २सामुएल १६:९

१ सामुएल 3:12

मेको नाक्‍ती गो एली नु आ खिं ङा मुर आन कली आं देंशो नेल्‍ल पाइनुङ।