नहुम 1:6 - Sunuwar Bible

⁶ परमप्रभु यावे गाइक्‍तानु, मेको आ ङोंइती सु राप्‍ने चाप्‍‍बा ङा? मेको आ चुरशो सुम फाल्‍ने चाप्‍बा ङा? मेको आ गाइश्‍शो मी खोदेंशो पा ब्राइब। मिनु मेकोमी सेरथे फुल्‍लु आन कली प्रोल्‍ब।

नहुम 1:6 ပူးပေါင်းရင်းမြစ်များ

१ राजा 19:11

मिनु परमप्रभु यावेमी “ग्रूङो, आं ङोंइती डांडाम रपो” देंमाक्‍त। मारदे हना परमप्रभु यावे मेकेर रे लन लन बाक्‍माक्‍त। मिनु परमप्रभु यावे आ ङोंइङोंइती ठेयब फश गिवार डांडा आन कली प्रोल्‍ना प्रोल्‍न नु फुल्‍लु आन कली ख्रिन्‍ना ख्रिन्‍न जाक्‍माक्‍त। तन्‍न परमप्रभु यावे मेको फशेम मबाक्‍माक्‍त। मेको आ नोले ठेयब ख्रिनु कुमाक्‍त। तन्‍न परमप्रभु यावे मेको ख्रिनुमी यो मबाक्‍माक्‍त। प्रस्‍थान ३३:२२

अय्‍युब 26:11

मिनु सरीङ ङा थामपुकी हिम्‍‍सीनीम। परमप्रभु आ हुइश्‍शोमी हिंशा सिक्‍सी पाइनीम।

अय्‍युब 40:11

इ गाइक्‍तीक कोंइदो। मिनु ठेयब लेश्‍शो मुर आन कली कोव़शा, मेको आन कली दिप्‍शा आइक्‍च सेलो।

अय्‍युब 9:5

मेकोम डांडा आन कली आन मतुइक्‍थुन याक्‍ब। मिनु गाइश्‍शा, मेको आन कली लोक्‍ब।

भजन संग्रह 130:3

परमप्रभु यावे, गे आंइ मरिम्‍शो पशो मिम्‍ताक्‍नी हना, इन ङोंइती राप्‍ने चाप्‍नीमी ङा?

भजन संग्रह 2:12

मिनु आ तौ आ ङोंइती बाप्‍शा, आ खोइल पुक्‍पु पने। मेको गाइक्‍ताक्‍व हना, गेपुकी लांमीन जाम्‍शा लाइनीनी। मो मपाइतीनी हना, गाइक्‍चा चिक्‍शो बाक्‍ब। सु सु मेको कली थमा सुइश्‍शा, आ नेक्‍था लाइनीमी, मेको ग्‍येरसीशो मुर दुम्‍‍नीमी।

भजन संग्रह 76:7

गे मान पा हिंचा माल्‍शो बाक्‍नीनी। गे गाइक्‍तीनीनु, इन ङोंइती सु राप्‍ने चाप्‍बा ङा?

भजन संग्रह 76:8

गे स्‍वर्ग रे इन निसाफ नेंपाइक्‍तीनी। मिनु रागी हिंशा, सिक्‍सी पाप्‍तु। भजन संग्रह ४६:१; हबकुक २:२०

भजन संग्रह 90:11

इन गाइक्‍तीक सक्ति सुम तुइक्‍बा? गो इन गाइक्‍तीके आ पर्बम इन क्‍येङा हिंनीकी।

यसैया 10:16

मोपतीके परमप्रभु, मुर नेल्‍ल आन परमप्रभु यावेमी अस्‍सुर ङा दोम्‍शो लडाइ पाइब मुर आन कली बेक्‍तीक रोइ सोइक्‍नुङ। मिनु मेको आन रां चोशो खोदेंशो पा जेश्‍शा नुप्‍ब।

यसैया 13:13

मिनु आं गाइक्‍तीक नाक्‍ती गो सरीङ कली हिम्‍पाइक्‍नुङ। रागी यो आं गाइश्‍शोमी आ बाक्‍तीक रे प्रेक्‍शा ग्रूब” दे मुर नेल्‍ल आन परमप्रभु यावेमी देंत।

यसैया 27:4

गो मगाइक्‍नुङ। चू चोंक वाम हना, गो मेको आन कली लडाइ तोशो खोदेंशो पा, तुल्‍शा चोङमी वा।

यसैया 33:14

सियोनम बाक्‍ब पाप पाइबपुकी हिं‍नीम। परमप्रभु यावे आ अरेशो मटीब ख्रिंख्रि पाइनीम। सु खतम पोक्‍ब मी नु ब्रोंइशा बाक्‍ने चाप्‍बा? आंइ दातेमी सु गेना हना यो ब्रशो मी नु ब्रोंइशा बाक्‍ने चाप्‍बा?” देंत। यसैया १०:१७; येरमीया २३:२९

यसैया 66:15

परमप्रभु यावे मी नु जाक्‍ब। आ बग्‍गीपुकी फश गिवार खोदेंशो पा गाक्‍नीम। आ गाइश्‍शो चुरशोमी क्‍येक्‍क लेप्‍ब। आ हुइक्‍तीके हुरुर पा ब्रशो मी खोदेंशो बाक्‍ब। बजन संग्रह ५०:३; प्रकाश १९:११-१५

येरमीया 10:10

तन्‍न परमप्रभु यावे थमा ङा परमप्रभु बाक्‍ब। मेको ब्रोंइशा बाक्‍ब परमप्रभु नु गेना हना यो लीब पिप बाक्‍ब। मेको गाइक्‍तानु, रागीम ख्रिनु कुइब। मिनु रागी रागी ङा मुरपुकीम मेको आ गाइश्‍शो फाल्‍ने मचाप्‍नीम। येरमीया ५:२

येरमीया 21:12

गे दाऊद आ खिं ङा मुर सुनी कुस कुस ठीक निसाफ पने। रोइक्‍चा पुंइसीशो आन कली मरिम्‍शो पाइब आन गुइ रे प्रोनीन। मो मपाइतीनी हना, इन मरिम्‍शो पतीके आं गाइक्‍तीके मी खोदेंशो पा ब्राइब। मेको सुइम काप्‍ने मचाप्‍चा ङा पा ब्राइब। येरमीया २२:३; येरमीया ७:२०

बिलाप 2:3

मेकोमी शुश चुर‍शा, इस्राएल ङा सक्ति नेल्‍ल खतम सेल्‍तु। मेकोमी आ जोरी सत्रु आन ङोंइती सियोन कली वारच पचा प्रोंइतु। मेको याकूब आ बाक्‍तीके आ एर ओंथ नेल्‍ल ग्राव ग्रु दाक्‍ब मी खोदेंशो दुम्‍त।

बिलाप 2:4

परमप्रभुमी सियोन आ जोरी सत्रु खोदेंशो दुम्‍शा, आ लिब्रा की‍तु। आ जोरी सत्रु खोदेंशो दुम्‍त। आंइ दाक्‍शो नेल्‍ल आन कली साइक्‍तु। परमप्रभुमी आ चुरशो मी खोदेंशो पा सियोन आ तमी आ ताम्‍बु तारी मोइक्‍तु।

बिलाप 4:11

परमप्रभु यावेमी आ चुरशो नेल्‍ल कोंइताक्‍व। मेकोमी आ हिंचा ङा पा गाइश्‍शो नेल्‍ल कोंइताक्‍व। मोपा सियोनम मी सुइक्‍ताक्‍व। मिनु मेकेर ङा जग नेल्‍ल दाक्‍तु।

इजीकीएल 21:31

गो आं गाइश्‍शो इन तार मोइक्‍नुङ। आं चुर‍शो मी मुइश्‍शो खोदेंशो पा गो इन तारी मोइक्‍नुङ। गो इन कली साइक्‍चा कली हुश ख्राक्‍श पोक्‍ब नु सांइ‍स जोक्‍ब आन गुइम जिम्‍मा गेनन्‍नी।

इजीकीएल 30:16

गो इजीप्‍त रागी कली मी सुइक्‍नुङ। मिनु पेलुसीयम श्‍येत जशा ग्‍येत्‍थ लुक्‍च दुम्‍ब। थेबेस सहर ङा गारो ब्रेत्‍नीम। मेम्‍फीस सहरम चहिं नाक्‍ती लडाइ दुम्‍‍ब।

इजीकीएल 39:6

गो मागोग ङा मुर नु समुन्‍द्र आ नेक्‍था रिम्‍शो पा बाक्‍शो आन तार मी सोइक्‍नुङ। मिनु मेकोपुकीम गोन परमप्रभु यावे नङ, दे तुइक्‍नीम।

इजीकीएल 7:8

मुल गो रीब पा गाइक्‍नुङ। मिनु आं चुरशो इ तार मोइक्‍नुङ। गो इ पशो खोदेंशो पा इ कली निसाफ पाइनुङ। मिनु इ मूर्ति पूजा पशो नेल्‍ल आन पर्बम सजाइ गेनन।

नहुम 1:2

परमप्रभु यावे रुश पाइब नु क्‍येक्‍क लेप्‍ब परमप्रभु बाक्‍ब। परमप्रभु यावेमी आ जोरी सत्रु आन कली क्‍येक्‍क लेप्‍ब। मेको आन कली तशा गाइक्‍ब। परमप्रभु यावेमी आ जोरी सत्रु आन कली क्‍येक्‍क लेश्‍शा, मेको आन कली तशा शुश चुरब। प्रस्‍थान २०:५; ब्‍यवस्‍था ४:२४

सेफन्‍याह 2:2

इन नाक्‍त फशेम बेरशो भूस खोदेंशो पा लाक्‍नीम। आ योव़शो नाक्‍त जाक्‍चा, परमप्रभु यावे आ शुश गाइश्‍शो इन तार जुक्‍चा नु परमप्रभु यावे आ गाइश्‍शो नाक्‍त जाक्‍चा क्‍येङा ङोंइती,

मलाकी 3:2

मिनु मेकोमी “तन्‍न आ जाक्‍ची नाक्‍त सु फाल्‍ने चाप्‍बा ङा? आ ग्रूची ना सु राप्‍शा बाक्‍ने चाप्‍बा ङा? मारदे हना मेको तुप्‍तीलमी मुइश्‍शो मी नु वा मुरब आ वा बुश सेल्‍तीक खोदेंशो बाक्‍ब। यसैया १:२५

मलाकी 4:1

मुर नेल्‍ल आन परमप्रभु यावेमी “आं निसाफ पतीक नाक्‍ती जाक्‍ब। मेको ठेयब मी खोदेंशो पा ब्रशो बाक्‍ब। मेना ठेयब लेश्‍शो नु मरिम्‍शो पाइब नेल्‍ल सोव़शो ठुटा खोदेंशो बाक्‍नीम। मेको नाक्‍ती मीम मेको आन कली नेक्‍ब। मिनु मेको आन शाक्‍श नु राशी यो मलीब।

प्रकाश 16:1

मिनु नोले गो परमप्रभु यावे आ खिं रे ठेयब सेंदा का नेंता। मेको सेंदामी परमप्रभु यावे आ ७ जना स्‍वर्ग ङा गेय पाइब आन कली “लने। परमप्रभु आ गाइक्‍चामी ब्रीशो ७ ओटा डप्‍का रागीमी मोतीन” देंत।

प्रकाश 16:8

मिनु लेंशा अर्को परमप्रभु यावे आ स्‍वर्ग ङा गेय पाइबमी आ कुरशो डप्‍का नां तार मोइक्‍तु। मिनु मेकोमी मोदानु, नांमी मुर आन कली मीम खोदेंशो पा क्रोइक्‍चा गोप्‍तु।

प्रकाश 6:17

मारदे हना मेको आस गाइक्‍ची नाक्‍त जाक्‍त। सुइ मेको आस ङोंइती राप्‍ने मचाप्‍नीम” दे ठेयब सेंदामी ग्रीतेक्‍म। आमोस ५:१८; रोमी २:५; मलाकी ३:२