मर्कूस 9:7 - Sunuwar Bible

⁷ मिनु गोस्‍सुमी नेल्‍ल आन कली गिल्‍मी बाक्‍त। गोस्‍स आगा रे सेंदा का ग्रूशा “एको आं दाक्‍शो तौ बाक्‍ब। आ लोव़ नेनीने” देंशो नेन्‍मे बाक्‍त। मर्कूस १:११; २पत्रुस १:१७

मर्कूस 9:7 ပူးပေါင်းရင်းမြစ်များ

भजन संग्रह 2:7

परमप्रभु यावेमी लोव़ पा आं कली “गे आं तौ नवे, मुलाक्‍ती गो इ कली सेल्‍ता” देंत। भजन संग्रह ८९:२७-२८; २सामुएल ७:१४; प्रेरित १३:३३; हिब्रू १:५, हिब्रू १:५; हिब्रू ५:५

भजन संग्रह 97:2

मेको आ एर ओंथ गोस्‍स नु ठेयब छिङछिङ बाक्‍ब। ठीक पतीके नु ठीक निसाफ मेको आ सासन पतीक जग बाक्‍ब।

प्रस्‍थान 24:16

मिनु परमप्रभु यावे आ छेङछेङ सीनै डांडाम बाक्‍शो बाक्‍त। मेको गोस्‍सुम डांडा कली ६ नाक्‍त सम्‍म सुम्‍तु। मिनु नाक्‍त का नोले गोस्‍स आ दाते रे परमप्रभु यावेमी मोसा कली ब्रेत्‍ताक्‍व। प्रस्‍थान १६:१०

प्रस्‍थान 40:34

मिनु गोस्‍सुमी ग्रुम्‍तीक ताम्‍बु सुम्‍तु। परमप्रभु यावे आ सक्ति नु छेङछेङमी मेको आ बाक्‍तीक ब्रीत। इजीकीएल ४३:१-९

दानीएल 7:13

मिनु नोले गो नाक्‍दो ङा कोंइतीकेमी मुर खोदेंशो का ताता। मेको गोस्‍सुम गिल्‍सी‍शा पिना पिन पशो ताता। मिनु मेको कली शुश बर्स दुम्‍शो का आ ङोंइती राप्‍पाइश्‍शो ताता। लूका २१:२७; प्रकाश १:१३; प्रकाश १४:१४

मत्ती 27:43

परमप्रभु यावे कली थमा सुइक्‍बाक्‍माक्‍त। मोपतीके परमप्रभु यावेमी एको कली दाक्‍ताक्‍व हना, एको श्‍येत रे प्रोनल। ‘परमप्रभु यावे आ तौ नङ’ देंत, मोपतीके परमप्रभु यावे आ दाक्‍शो बाक्‍माक्‍त” दे शुक्‍शी पामे बाक्‍त। भजन संग्रह २२:९

मत्ती 27:54

येसु कली खाल पाइब कप्‍तान नु सिपाहीपुकीमी ख्रिनु कुशा नु मोपा हिंचा ङा गेय दुम्‍शो तशा, शुश हिंशा “एको परमप्रभु यावे आ तौ बाक्‍माक्‍त” देंमुमा बाक्‍त।

मत्ती 3:17

मिनु सरीङ रे “एको आं दाक्‍शो तौ बाक्‍ब। एको कली तशा थाम्‍पा ग्‍येरसीनुङ” देंशो सेंदा ग्रूमाक्‍त। मत्ती १७:५; यसैया ४२:१

मर्कूस 1:11

मिनु सरीङ रे “आं दाक्‍शो तौ नवे। इ कली तशा थाम्‍पा ग्‍येरसीनुङ” देंशो सेंदा नेंसे बाक्‍त। मर्कूस ९:७

मर्कूस 9:6

मारदे हना मार देंचा दे मतुइक्‍ता बाक्‍त। मिनु शुश हिंमा बाक्‍त।

मर्कूस 9:8

मिनु एर ओंथ कोव़ङमेनु, येसु ला तामे बाक्‍त।

लूका 3:22

मिनु सरीङ रे परमप्रभु यावे आ सोक्‍त परवा खोदेंशो पा यिशा, येसु आ तारी जुक्‍ता बाक्‍त। मिनु सरीङ रे “आं दाक्‍शो तौ नवे। इ कली तशा थाम्‍पा ग्‍येरसीनुङ” देंशो सेंदा नेंसे बाक्‍त। यूहन्‍ना १:३२; लूका ९:३५

यूहन्‍ना 1:34

मिनु गो मेको नेल्‍ल ताता। परमप्रभु यावे आ तौ मेकोन बाक्‍ब, दे तुइश्‍शा, इन कली तुइक्‍पाइक्‍तन्‍नी” दे यूहन्‍नामी देंत।

यूहन्‍ना 1:49

मिनु नथानेलमी “शेंब, गे परमप्रभु यावे आ तौ ननी। गे इस्राएल ङा मुर आन पिप ननी” देंत। यूहन्‍ना ६:६९; भजन संग्रह २:७; येरमीया २३:५; मत्ती १४:३३; मत्ती १६:१६

यूहन्‍ना 12:28

आं आफ, इन सक्ति कोंइदीन” दे येसुमी देंत। मिनु सरीङ रे “गो आं सक्ति कोंइताक्‍ङ। लेंशा चिनु कोंइनुङ” देंशो सेंदा का नेंसाक्‍व। यूहन्‍ना १३:३१; मत्ती ३:१७; मत्ती १७:५

यूहन्‍ना 19:7

यहूदीपुकीमी “आंइ ऐन कानुन बाक्‍ब। मिनु मेको ऐन कानुनमी ब्रेक्‍शो खोदेंशो पा एको मुर बेक्‍चा माल्‍ब। मारदे हना एकोमी आंमा कली परमप्रभु यावे आ तौ सेल्‍सीशो बाक्‍त” देंतेक्‍म। यूहन्‍ना १०:३३; लेवी २४:१६

यूहन्‍ना 20:31

मिनु मेको ब्रेक्‍शो छक लाक्‍चा ङा गेयपुकी मारदे ब्रेक्‍शो बाक्‍नीम देंशा हना, गेपुकीमी “येसु ख्रीस्‍त, परमप्रभु यावे आ तौ बाक्‍ब” दे थमा सुइक्‍ने चापीन। मिनु थमा सुइश्‍शा, आ नेंमी गेना हना यो ब्रोंइशा बाक्‍चा ताइनीनी, दे ब्रेक्‍शो बाक्‍ब। १यूहन्‍ना ५:१३

यूहन्‍ना 5:18

आ लोव़ नेंशा, यहूदीपुकीमी येसु कली साइक्‍चा माल्‍तेक्‍म। मारदे हना नाइक्‍तीक नाक्‍ती गेय मपतीके क्‍याम्‍चा ला ममाइ “परमप्रभु यावे नु उइक्‍थ बाक्‍नुङ। परमप्रभु यावे आं आफ बाक्‍ब” दे देंशोमी, मेकोपुकीमी येसु कली साइक्‍चा माल्‍तेक्‍म। यूहन्‍ना ७:३०; यूहन्‍ना १०:३३

यूहन्‍ना 5:37

आं कली सोइक्‍ब आं आफ आं सांकछी बाक्‍ब। गेपुकीमी आं आफ आ सेंदा गेनायो मनेनी। मेको कली गेनायो मतनी। मत्ती ३:१७

यूहन्‍ना 6:69

गे परमप्रभु यावेमी योव़शा सोइश्‍शो ननी, दे तुइश्‍शा थमा सुइक्‍नीकी” देंत। मत्ती १६:१६

यूहन्‍ना 9:35

मिनु येसुमी मेको कली यहूदी आन ग्रुम्‍तीक खिं रे तिल्‍तेक्‍म देंशो नेंशा, मेको कली ग्रुम्‍शा “गे रागीमी जरमेशो कली थमा सुइक्‍नेवे?” दे हिल्‍लो पाप्‍तु।

प्रेरित 1:9

मिनु मोदेंशो लोव़ पा, मेको आन तना तन ग्‍येत्‍थ ग्‍युक्‍शा, गोस्‍सुमी गिल्‍सीशा सरीङ ग्‍येत्‍थ लमाक्‍त। मिनु नोले मेकोपुकीमी मतामे बाक्‍त। मर्कूस १६:१९; लूका २४:५१

प्रेरित 7:37

मेको मोसामी इस्राएली आन कली ‘आं खोदेंशो, परमप्रभु यावेमी आ लोव़ पाइब इन दाते रे का योव़शा, आ लोव़ नेंपाइक्‍ब का सेल्‍ब’ दे तुइक्‍पाइक्‍मी बाक्‍त। ब्‍यवस्‍था १८:१५

प्रेरित 8:36

मोपा लसा लसा ब्‍वाक्‍कु बाक्‍तीकेमी जाक्‍दीस्‍सा बाक्‍त। मिनु ठेयब मुरुमी “एकेर ब्‍वाक्‍कु बाक्‍त, एको ब्‍वाक्‍कुम ख्रुम्‍शा ग्रुंइचा पुंइसीनुङ, दुम्‍बा?” देंमाक्‍त।

रोमी 1:4

तन्‍न मुर ला ममाइ। परमप्रभु यावे आ तौ यो बाक्‍ब। “आं तौ बाक्‍ब” दे तुइक्‍पाइक्‍चा कली परमप्रभु यावेमी आ सोक्‍त आ सक्तिम येसु ख्रीस्‍त कली बेक्‍शो रे सेंताक्‍व। मत्ती २८:१८; प्रेरित १३:३३

हिब्रू 2:1

इं नेंशो लोव़ थुंमी वोइक्‍चा माल्‍ब। थुंमी मवोइक्‍तय हना, मेको लोव़ साम्‍नय।

२ पत्रुस 1:17

इं आफ परमप्रभु यावेमी मेको कली मान पशा, आ छेङछेङ तपाइश्‍शा “मेको आं दाक्‍शो तौ बाक्‍ब। मेको कली तशा, गो ग्‍येरसाक्‍यी” देंशो सेंदा छेङछेङ रे ग्रूत। मत्ती १७:५

१ यूहन्‍ना 5:20

मिनु परमप्रभु यावे आ तौमी इं कली रुप्‍तीक थुं गेप्‍तु, दे तुइक्‍नय। मेको रुप्‍तीक थुंमी थमा पतीके कली तुइक्‍नय। गोपुकी मेको थमा पाइब नु थुं का ङा बाक्‍नय। मोपा आ तौ येसु ख्रीस्‍त नु यो थुं का ङा बाक्‍नय। मेको थमा परमप्रभु यावे नु गेना हना यो ब्रोंइशा बाक्‍तीक बाक्‍ब। यूहन्‍ना १७:३

प्रकाश 1:7

मिनु येसु ख्रीस्‍त लेश्‍शा, दोपा यीबा देंशा हना, सरीङ रे गोस्‍सुमी गिल्‍सीशा यीब। मिनु मुर नेल्‍लेमी मेको कली यिन यिन पशो ताइनीम। मेको कली साइक्‍पाइक्‍बपुकीमी यो ताइनीम। मिनु थर थर ङा मुरपुकीम मेको कली तशा, रोंका पा ङाक्‍नीम। एको थमा लोव़ बाक्‍ब। आमेन। मत्ती २४:३०; जकरिया १२:१०; यूहन्‍ना १९:३७