मर्कूस 9:25 - Sunuwar Bible

²⁵ मिनु येसुमी शुश मुर आन कली एर ओंथ रे जाक्‍शो तशा, ग्रांग्रा दिचा ङा वोल कली “गे लाटा नु नोफा मनेंब वोल, गेनायो लेंशा मओव़चा ङा पा ग्रूशा लावो” दे हुइश्‍शा, खेरा बाक्‍त।

मर्कूस 9:25 ပူးပေါင်းရင်းမြစ်များ

जकरिया 3:2

मिनु परमप्रभु यावेमी सैतान कली “सैतान, परमप्रभु यावेमी इ कली हुइक्‍ब। यरूसलेम कली योव़‍ब परमप्रभु यावेमी इ कली हुइक्‍ब। मार, एको मुर मी रे पा ग्रुंइ‍शो बुल्‍सी खोदेंशो ममाइ ङा?” देंत। यहूदा :९

मत्ती 12:22

मिनु मिक्‍च मताइब, नोफा मनेंब, मब्‍वाक्‍ब वोलम तशो मुर का चाक्‍तेक्‍म। मिनु येसुमी मेको कली सापाइक्‍तु। मिनु मिक्‍च ताप्‍तु, लोव़ यो पाप्‍तु।

मत्ती 17:18

मिनु चाक्‍गमेनु, येसुमी वोल कली हुइश्‍शा खेरतु। मिनु आल ब्रा सात।

मर्कूस 9:15

मिनु देल्‍शो मुरपुकीमी येसु कली तशा, छक लाक्‍शा, दोरशा पिशा, येसु कली सेउ पदमे बाक्‍त।

मर्कूस 9:24

मिनु आल आ आफोमी “थमा सुइक्‍ता, आं थमा मसुइक्‍ब थुं कली थमा सुइक्‍पतीने” दे थुं खाइश्‍शा, ङाक्‍शा देंमाक्‍त।

मर्कूस 9:26

मिनु वोल वाइ ब्रेश्‍शा, आल कली रोप्‍पाइश्‍शा ग्रूमाक्‍त। मिनु आल बेक्‍शो खोदेंशो दुम्‍माक्‍त। मुरपुकीमी “बेक्‍त” देंमा बाक्‍त। मर्कूस १:२६

लूका 11:14

मिनु काबु येसुमी लाटा वोलम थिशो मुर का कली ग्रुमा बाक्‍त। मिनु लाटा वोल कली ग्रुंइशा खेरा बाक्‍त। वोल ग्रूम नोले मेकोमी लोव़ पने चबा बाक्‍त। मेकोमी लोव़ पशो नेंशा, मुर नेल्‍ले छक लाक्‍मा बाक्‍त।

लूका 4:35

मिनु येसुमी वोल कली “रेयके मपथु, ग्रूङो” दे हुइक्‍ता बाक्‍त। मिनु वोलमी मुर कली श्‍येत मगेथु, दिङ खोल्‍शा वोइश्‍शा ग्रूमाक्‍त।

लूका 4:41

शुश मुर रे वोल ग्रुंइदा बाक्‍त। वोल आन कली ग्रुंइदानु, मेकोपुकीमी “परमप्रभु यावे आ तौ ननी” दे ग्रीमा बाक्‍त। तन्‍न येसुमी मेको आन कली लोव़ पचा मगेथु, हुइक्‍तीमी बाक्‍त। मारदे हना मेकोपुकीम “ख्रीस्‍त बाक्ब” दे ङोंइती रे तुइश्‍शो बाक्‍मा बाक्‍त। मत्ती ८:२९; मर्कूस ३:११-१२

लूका 8:29

मारदे हना येसुमी ग्रांग्रा दिचा ङा वोल कली “ग्रूङो” दे माइश्‍शो बाक्‍माक्‍त। ङोंइती शुश खेयप वोलम मेको मुर कली सुमानु, मुरपुकीमी साङलोम पाइश्‍शा चोक्‍शा वोइश्‍शो बाक्‍मा बाक्‍त। तन्‍न वोलम साङलो प्रुइक्‍पाइश्‍शा, गोरशो रागीम चाक्‍दीश्‍शो बाक्‍माक्‍त।

लूका 9:42

मिनु चाक्‍गानु, वोलम मेको वोंइश आल कली खोल्‍शा रोप्‍से पा, शोव़ रे बोग्‍यो ग्रुंइपदा बाक्‍त। मिनु येसुमी ग्रांग्रा दिचा ङा वोल कली हुइश्‍शा, वोंइश आल कली सापाइश्‍शा, आ आफ कली गेवा बाक्‍त। लूका ७:१५

प्रेरित 16:18

नाक्‍त किंत किंत मेकोमी मोदेंशा, रेयके पवानु, पावल ब्रीताक्‍व। मिनु काबु पावल नोले हिरशा, कोव़शा वोल कली “गो येसु ख्रीस्‍त आ नें थिशा ग्रूशा लावो, देंनुङ” दे हुइश्‍शा खेरतु। मर्कूस १६:१७

यहूदा 1:9

परमप्रभु यावे आ नेल्‍ल क्‍येङा ठेयब स्‍वर्ग ङा गेय पाइब मिकाएलमी चहिं सैतान कली मोसा आ बेक्‍शो रां आ पर्बम लोव़ पशा “परमप्रभुमी इ कली हुइक्‍ब” दे आंमा शुक्‍शी पा निसाफ पचा हिंमाक्‍त। दानीएल १२:१; जकरिया ३:२