मर्कूस 9:12 - Sunuwar Bible

¹² येसुमी “एलीया ङोंइती जाक्‍शा, नेल्‍ल ठीक सेल्‍ब। मिनु रागीम जरमेशो श्‍येत जाइब नु महिक्‍सीशो दुम्‍ब, दे ब्रेक्‍शो बाक्‍बा, ममाइ ङा? मलाकी ३:१३; यसैया ५३:३-५

मर्कूस 9:12 ပူးပေါင်းရင်းမြစ်များ

भजन संग्रह 74:22

परमप्रभु, बोक्‍कीन। मिनु इन पर्बम लडाइ पने। मटीबपुकीमी नाक्‍त रे इन कली शाक्‍शो, मिम्‍तीन। भजन संग्रह १४:१-३

यसैया 49:7

परमप्रभु यावेम, इस्राएली आन श्‍येत रे प्रोंइब, इस्राएली आन का ला बाक्‍शो परमप्रभु यावेमी काइ मदाक्‍शो नु रागी ङा मुरुम खेदा पचा पुंइसीशो नु हुकुम पाइब आन वाइल आन कली “पिपपुकी मेको कली तशा, राप्‍नीम। हुकुम पाइबम आ देंशो पाइब परमप्रभु यावे आ ङोंइती बाप्‍नीम। इ कली योव़ब इस्राएली आन का ला बाक्‍शो परमप्रभु आ ङोंइती बाप्‍नीम” देंत।

यसैया 50:6

गो आं ची तुप्‍ब आन कली तुप्‍चा गेतामी। गाल शोक्रे ब्‍विप्‍ब आन कली चोव़चो दाइश्‍शा गेतामी। गो शुक्‍शी पाइक्‍चा नु तोक्‍चा पुंइसीतीक रे आं कुल मख्रुइक्‍तु। यूहन्‍ना १९:१; मत्ती २६:६७-६८

यसैया 52:14

मिनु शुश मुर मेको कली तशा हिंतेक्‍म। मारदे हना मेको काइ मरिम्‍शो तांइसीशो बाक्‍त। मुर मोदेंशो मरिम्‍शो मतांइसीनीम। आ रां यो मुर आन रां क्‍येङा मरिम्‍शो बाक्‍त। मिनु मेको कली तशा, मुरपुकी हिंतेक्‍म।

जकरिया 11:13

मिनु परमप्रभु यावेमी आं कली “मेको क्‍येट लाइश्‍शा, खप के ग्‍योंब सेल्‍ब आ ङोंइती ब्‍वारदो। मेको मिश ङा क्‍येट आं पर्बम कुर पाम्‍‍तेक्‍म” देंत। मिनु गो मेको ३० चांदी के शेकेल लाइश्‍शा, परमप्रभु यावे आ शोंप वोइक्‍तीकेमी यपाइक्‍ब आ ङोंइती ब्‍वारताक्‍ङ। मत्ती २७:५-१०

जकरिया 13:7

मिनु मुर नेल्‍ल आन परमप्रभु यावेमी मार देंत देंशा हना ‘तरवार, आं गोठला आ पर्बम बोक्‍को। नेल्‍ल क्‍येङा आं नेक्‍था ङा मुर आन पर्बम बोक्‍को। गोठला कली तुपो। मिनु भेडापुकी ब्रमल। मिनु गो आं गुइ आइक्‍च गोठला आन पर्बम क्‍युक्‍नुङ। मत्ती २६:३१

मलाकी 4:6

मिनु मेकोमी आम आफ आस थुं आस आल गे नु आल आन थुं आम आफ गे लेप्‍पाइक्‍ब। मोदेंशो मदुम्‍त हना, गो रागी कली सराप पाइक्‍नुङ” दे परमप्रभु यावेमी देंत। लूका १:१७

मत्ती 16:21

मेना रे येसुमी आ शेंसीब आन कली “यरूसलेम लशा, जोक्‍ब तुइक्‍ब खाल्‍पा, ठेयब चढ़ेब नु सास्‍त्रीपुकी रे पा शुश श्‍येत जशा साइक्‍चा पुंइसीनुङ। मिनु बेक्‍शा आ नित्‍थ नाक्‍त सेंसीनुङ” दे शेंचा गोप्‍तु। मत्ती १२:४०; यूहन्‍ना २:१९

मत्ती 26:24

रागीम जरमेशो आ पर्बमी ब्रेक्‍शो साइ नेसी ङा लोव़ नेल्‍ल थमा दुम्‍चा माल्‍ब। मो दुम्‍चा माल्‍शो बाक्‍त हना यो, ग्‍याइक्‍पाइक्‍चा वारच पाइब कली थमा मरिम्‍शो दुम्‍ब। मोदेंशो पाइब मुर मजरमेशो हना, मेको कली रिम्‍शो दुम्‍ब वा” देंत। लूका १७:१-२

मर्कूस 10:33

मिनु “मुल यरूसलेम लाइनय। मिनु रागीम जरमेशो ठेयब चढ़ेब नु सास्‍त्री आन गुइमी गेचा पुंइसीब। मिनु मेकोपुकीमी दोस गेशा, साइक्‍चा माल्‍ब, दे अर्को जात ङा मुर आन गुइमी गेनीम।

मर्कूस 9:13

एलीया ङोंइती जाक्‍त। मिनु आ पर्बम ङोंइती ब्रेक्‍शो खोदेंशो दुम्‍शा, मेको कली मार पचा दाक्‍तमे, मेको पाम्‍तेक्‍म” दे शेंदीमी बाक्‍त। मत्ती ११:१४; १राजा १९:२-१०

मर्कूस 9:31

मारदे हना आ शेंसीब आन कली “रागीम जरमेशो दा मुर आन गुइमी गेशा, साइक्‍चा पुंइसीशा, आ नित्‍थ नाक्‍ती बेक्‍शो रे सेंसीब” दे शेंचा दाक्‍ता बाक्‍त। मर्कूस ८:३१; मर्कूस १०:३२-३४

लूका 1:76

मिनु जकरियामी आ तौ कली ‘गे नेल्‍ल क्‍येङा ठेयब आ लोव़ पाइब’ देंनीमी। मारदे हना गे प्रभु आ ङोंइती गाक्‍शा, मेको आ लां सेल्‍नेवे। मलाकी ३:१

लूका 23:11

मिनु हेरोद नु आ सिपाइपुकीमी येसु कली शुक्‍शी पा पिपी आ वा फेक्‍पा “लो, मुल पिप दुम्‍ते” दे पिलातस आ बाक्‍तीकेमी लेश्‍शा सोइक्‍तमे बाक्‍त।

लूका 23:39

येसु नु काथा क्‍‍याइश्‍शो खुइ कामी यो शुक्‍शी पा “ख्रीस्‍त मनवे ङा? लो, मुल ब्रोनो। मिनु आंस कली यो प्रोंइस्‍की” देंमाक्‍त।

प्रेरित 1:6

मिनु येसु नु आ सोइश्‍शोपुकी बुक्‍शा बाक्‍मानु, मेकोपुकीमी येसु कली “प्रभु, गे इस्राएल कली मुल लेंशा आंम राज्‍य सेल्‍नीनी?” दे हिल्‍लो पामे बाक्‍त। लूका १९:११; लूका २४:२१

प्रेरित 4:11

खिं सेल्‍बपुकीमी गारो प्रोव़ङमेनु, एको फुल्‍लु मगार, दे ताइक्‍तमे बाक्‍त। मेको मगारथु, ताइश्‍शो फुल्‍लु चहिं सुर ङा जग फुल्‍लु दुम्‍माक्‍त, दे ब्रेक्‍शो लोव़, मेको येसु आ पर्बम ब्रेक्‍शो बाक्‍ब, दे रुपीन। मत्ती २१:४२; भजन संग्रह ११८:२२