मर्कूस 9:10 - Sunuwar Bible

¹⁰ मिनु मोदेंशो दुम्‍शो सुइ आन कली मशेंदमे बाक्‍त। “बेक्‍शो रे सेंचा पुंइसीचा देंशो मार बाक्‍म माइ” दे हिल्‍लो पमुमा बाक्‍त।

मर्कूस 9:10 ပူးပေါင်းရင်းမြစ်များ

उत्पत्ती 37:11

मिनु आ लोक्‍बपुकीमी योसेफ कली मदाक्‍तमे बाक्‍त। आ आफोम चहिं योसेफ आ देंशो मिम्‍शा आ थुंमी वोदा बाक्‍माक्‍त।

मत्ती 16:22

मिनु काबु लेंशा शेंदानु, पत्रुसमी येसु कली आइक्‍ची ब्रेश्‍शा लाइश्‍शा “परमप्रभु यावेमी इन कली शिशी पवल। प्रभु, इन देंशो खोदेंशो गेनायो मदुम्‍ल” देंमाक्‍त।

मर्कूस 9:11

मिनु आ शेंसीबपुकीमी येसु कली “ङोंइती एलीया जाक्‍चा माल्‍ब, दे सास्‍त्रीपुकीम शेंनीम। मारदे मोदें शेंनीमी?” दे हिल्‍लो पामेनु,

मर्कूस 9:32

शेंसीबपुकीमी चहिं आ शेंशो मरुप्‍मे बाक्‍त। मिनु हिल्‍लो पचा यो हिंमा बाक्‍त। लूका १८:३-४

मर्कूस 9:9

मिनु डांडा रे ब्रुम्‍मानु, येसुमी “रागीम जरमेशो बेक्‍शो रे सेंचा मपुंइसे सम्‍म इन तशो सुइ आन कली मशेंदीने” दे माइक्‍मी बाक्‍त। मर्कूस ८:३०

यूहन्‍ना 12:16

येसु आ शेंसीबपुकीमी ङोंइती मेको लोव़ मरुप्‍शो बाक्‍तेक्‍म। तन्‍न येसु स्‍वर्ग लशा नोले ला “मेको लोव़ येसु आ पर्बम ब्रेक्‍शो बाक्‍माक्‍त। दोदेंशो ब्रेक्‍शो बाक्‍मे, मोदेंशो दुम्‍‍त” दे रुप्‍शो बाक्‍तेक्‍म।

प्रेरित 17:18

मोपा मुर आन कली ग्रुमानु, इपीक्‍युरीपुकी, स्‍तोइकीपुकी नु यो ग्रुम्‍शा लोव़ पवा बाक्‍त। मेकोपुकीमी पावल आ शेंशो नेंशा का निक्‍शीमी “एकोमी मार हेंथे फश लोव़ पना पन गाक्‍बाक्‍मे” देंमा बाक्‍त। का निक्‍शीमी चहिं “फश लोव़ ममाइ। मुल सम्‍म इं मतुइश्‍शो देवता आ पर्बम शेंबाक्‍त” देंमा बाक्‍त। देवता आ पर्बम शेंबाक्‍त, दे मारदे देंमा बाक्‍त देंशा हना, पावलमी “येसु आ ग्‍येरपाइक्‍ब लोव़ नु बेक्‍शो रे सेंसीशा ब्रोंइत” दे शेंबाक्‍माक्‍त। १कोरिन्‍थी ४:१२