मर्कूस 8:6 - Sunuwar Bible

⁶ मिनु मुर आन कली “निस्‍सीन” दे दिंममी निप्‍पपाइक्‍मी बाक्‍त। मिनु मेको ७ ओटा शोब्‍ले शेशा, परमप्रभु कली “गे रिम्‍शो पाइब बाक्‍नीनी” देंशा, शोब्‍ले जिक्‍शा, शेंसीब आन कली गेशा, योक्‍पदा बाक्‍त। मिनु मेकोपुकीमी मुर आन कली गेमे बाक्‍त।

मर्कूस 8:6 ပူးပေါင်းရင်းမြစ်များ

मत्ती 26:26

मिनु जना जन बाक्‍मानु, येसुमी आ गुइमी शोब्‍ले शेशा “गे रिम्‍शो पाइब बाक्‍नीनी” दे प्रार्थना पशा जिक्‍शा, शेंसीब आन कली योक्‍शा “दांइ‍सीने, ताक्‍शा जने। एको आं रां बाक्‍ब” देंत। १कोरिन्‍थी १०:१६; १कोरिन्‍थी ११:२३-२५

मर्कूस 8:20

“मिनु ७ ओटा शोब्‍लेमी ४ हजार मुर आन कली थुलुनु, जशा लीशो गिश डालो प्रिंदीनी?” देंमेनु “७ डालो” देंमा बाक्‍त। मर्कूस ८:८-९

मर्कूस 8:5

मिनु येसुमी “शोब्‍ले दोशो कुरनी?” दे हिल्‍लो पवानु “७ ओटा” देंमा बाक्‍त।

मर्कूस 8:7

आइक्‍च ङांइ का निक्‍शी यो बाक्‍माक्‍त। मेको ङांइ यो शेशा “गे रिम्‍शो पाइब बाक्‍नीनी” देंशा “योक्‍कीन” दे गेमी बाक्‍त।

लूका 12:37

मोदेंशो गेय पाइब आसीक ताइब बाक्‍नीम। होव़प लेश्‍शा जाक्‍मेनु, आ गेय पाइब आन कली मइप्‍थु रिम्‍शा बाक्‍शो थित्‍‍तु हना, आ होव़प थाम्‍पा ग्‍येरसीशा, मेको आन कली निप्‍पाइश्‍शा थुल्‍ब।

लूका 24:30

मिनु खमे क्‍येशा, शोब्‍ले चोने थुम्‍शा जचामेनु, येसुमी शोब्‍ले शेशा, परमप्रभु यावे कली “गे रिम्‍शो पाइब बाक्‍नीनी” देंशा, जिक्‍शा योक्‍गा बाक्‍त। लूका ९:१६; लूका २२:१९

यूहन्‍ना 2:5

मिनु आ ममामी गेय पाइब आन कली “एकोमी मार देंमे, मोदेंशो पने” दे माइक्‍तीमी।

यूहन्‍ना 6:23

तिबेरीयास सहर रे डोंगापुकी प्रभुमी परमप्रभु यावे कली “गे रिम्‍शो पाइब बाक्‍नीनी” देंशा शोब्‍ले योक्‍तीक दिंम आ नेक्‍था जाक्‍तेक्‍म।

रोमी 14:6

थमा सुइक्‍बपुकीमी नाक्‍त का कली ठेयब मिम्‍तमेनु, परमप्रभु यावे कली मिम्‍शा ठेयब मिम्‍नीम। श्‍ये ब्‍वामेनु, परमप्रभु यावे कली मिम्‍शा ब्‍वाइनीम। श्‍ये मब्‍वाइबपुकीमी यो परमप्रभु यावे कली “गे रिम्‍शो पाइब बाक्‍नीनी” दे मिम्‍शा मब्‍वाइनीम।

कलस्‍सी 3:17

मार मार लोव़पुकी, गेयपुकी, मारेइ मारेइ पनीनु, नेल्‍ल प्रभु येसु आ नेंमी पने। इं आफ परमप्रभु यावे कली “गे रिम्‍शो पाइतीनी” दे येसु आ नेंमी देनीन। १कोरिन्‍थी १०:३१

१ सामुएल 9:13

मिनु गे सहरम ओव़तीसी हना, गे मेको कली जचा कली इर लना लन पशो थित्‍नीसी। मेको मजाक्‍म सम्‍म मुरपुकीम भोज मजाइनीम। मारदे हना, मुरुम जचा क्‍येङा ङोंइती मेकोमी क्‍योरशा चढ़ेतीकेम आसीक गेब। मिनु नोले ला ब्रेश्‍शो मुरपुकीम जाइनीम। मिनु इर लसे, गे मुलाक्‍ती मेको कली ग्रुम्‍नीसी” देंमा बाक्‍त।